އިންޑޮނީޝިއާގެ ޖަކާޓާގައި ދިން ބޮމުގެ ހަމަލާއެއްގައި ތިން މީހުން މަރުވެ 10 މީހުން ޒަޚަމްވެއްޖެ

އިންޑޮނީޝިއާގެ ވެރިރަށް ޖަކާޓާގެ ބަސް ސްޓޮޕެއްގައި ޖާނުންފިދާވެގެން ދިން ކަމަށް ބެލޭޭވޭ ހަމަލާއެއްގައި މަދުވެގެން ތިން ފުލުހުން މަރުވެ 10 މީހުން ޒަޚަމްވެއްޖެއެވެ.

ބުދަ ދުވަހުގެ ރޭ ދިން ހަމަލާގައި ޒަޚަމްވި މީހުންގެ ތެރޭގައި ހިމެނެނީ ފަސް އާންމުންނާއި އަދި ފަސް ފުލުހުންނެެވެ.

ދެމީހުން ވެގެން ދިން ހަމަލާގައި، ދެވަނަ ބޮމް ގޮއްވާލީ ފުރަތަމަ ބޮމް ގޮއްވާލިތާ ފަސް މިނިޓް ފަހުންނެވެ.

ޖަކާޓާގެ އިރުމަތީ ސަރައްދުގެ ކަމްޕަންގް މެލައު އާއި ކައިރީ ބަސް ސްޓޮޕެއް ގައި ދިން ހަަމަލާއާ ގުޅޭ ގޮތުން ކަމާ ބެހޭ ފާރާތްތަކުން ބުނީ ބޮމުގެ ހަމަލާއަކީ މިހާރު ދުނިޔޭގައި ދެމުން ގެންދާ ފަދަ ހަމަލާތަކާއެއް ފަދަ ހަމަލާއެއް ކަމަށް ބެލެވޭ ކަަމަށެވެ. އަދި ހަމަލާ ގުޅިފައި ވަނީ ބައިނަލްއަގްވާމީ ގޮތުން ދިމާވެފައިވާ ޓެރަރިޒަމް މައްސަލައާ ކަމަށް ބެލެވޭ ކަމަށެވެ. ދާދި ފަހުން އިނގިރޭސިވިލާތުގެ މެންޗެސްޓާ ސިޓީގައި ޖާނުންފިދާވެގެން ދިން ހަަމަލާއެއްގައި އެތައް ބަޔަކު ވަނީ މަރުވެފައެވެ. އެ ހަމަލާގެ ޒިންމާ އައިއެސް އިން ވަނީ ނަގާފައެވެ.

ޖެނުއަރީ 2016 އިން ފެށިގެން "ލޯ ލެވެލް"ގެ އެޓޭކްތައް، އިސްލާމިިކް ސްޓޭޓް (އައިއެސް) އިން ދަނީ، އިންޑޮނީޝިއާ އަށް ދެމުން ކަމަށް އޮފިޝަލުން ބުނެއެވެ.