ބުރާސްފަތި 09 އޭޕުރިލް 2020
02 އައްސިދަ
1441 ޝައުބާން 16
ފަތިސް 04:49
އިރުއަރާ 06:01
މެންދުރު 12:12
އަސްރު 15:16
މަޣްރިބް 18:15
އިޝާ 19:27
ދުނިޔެ - މެދުއިރުމަތީގެ ހަމަނުޖެހުން

ދިމިޝްޤުގައި ދިން ބޮމުގެ ހަމަލާއެއްގައި 40 މީހުން މަރާލައިފި

  • ހަމަލާ ދީފައިވަނީ ޝީޢީންނަށް އަމާޒުކޮށް
  • ހަމަލާގެ ޒިންމާ އެއްވެސް ފަރާތަކުން ނަގާފައެއް ނުވޭ

އިސްމާއިލް ނާއިލް ނަޝީދު
IxmaealNaail

ކ. މާލެ | 11 މާރޗް 2017 | ހޮނިހިރު 23:15 | 5,259

ހޮނިހިރު ދުވަހު ބޮމުގެ ހަމަލާދިން ސަރަޙައްދު - ބީބީސީ

ސީރިއާގެ ވެރިރަށް ދިމިޝްކުގައި ދިން ބޮމުގެ ދެ ހަމަލާއެއްގައި އިރާޤަށް ނިސްބަތްވާ 40 މީހުން މަރުވެ، 120 މީހުން ޒަޚަމްވެއްޖެއެވެ.

އިރާޤު ސަރުކާރުން ބުނީ މި ހަމަލާ ދީފައިވަނީ ޝީޢިންގެ ގިނަ ޒިޔާރަތްތަކެއް ހުންނަ ބާބް އައްޝަޤީރް ގަބުރުސްތާނު ކައިރީގައި ކަމަށާ، މަރުވެފައިވާ މީހުންނަކީ އެ ސަރަޙައްދަށް އަޅުކަމަށް ގޮސް އުޅުނު ޝީޢީން ކަމަށެވެ.

އާންމުކޮށް ސުންނީ ހަނގުރާމަވެރިންގެ މިފަދަ ހަމަލާތަށް ޝީޢީންނަށް އަމާޒުވި ނަމަވެސް، ވެރިރަށް ދިމިޝްޤުގައި މިފަދަ ހަމަލާތައް ދީފައިވަނީ ވަރަށް މަދުންނެވެ.

ދިމިޝްޤަކީ މައިގަނޑުގޮތެއްގައި ސީރިއާގެ ރައީސް ބައްޝަރުލް އަސަދުގެ ބާރުގެ ދަށުގައި އޮންނަ ސިޓީއެއް ނަމަވެސް، ސިޓީގެ ވަށައިގެންވާ ބައެއް ސަރަޙައްދުތަކުގައި އިދިކޮޅު ހަނގުރާމަވެރި ގްރޫޕްތައް ހަރަކާތްތެރި ވެއެވެ.

ހޮނިހިރު ދުވަހުގެ ހަމަލާގެ ޒިންމާ އެއްވެސް ފަރާތަކުން އަދި ނަގާފައި ނުވާއިރު، ސީރިއާ ސަރުކާރުން ވަނީ މިއީ ވަރުގަދަ ޓެރަރިސްޓް ހަމަލާއެއްގެ ގޮތުގައި ސިފަކޮށްފައެވެ.

ސުންނީންނާއި ޝީޢީންނާއި ދެމެދުގައިވާ މައްސަލަތަކަށް ޙައްލެއް ހޯދުމަށް ރަޝިއާ، ތުރުކީ އަދި އީރާނުން އިސްވެ، ކަޒަކިސްތާނުގައި ކުރިއަށްގެންދިޔަ ވާހަކަތަކަށްފަހު، މިދިޔަ ޑިސެމްބަރު މަހުގެ 30 ވަނަ ދުވަހުން ފެށިގެން، ސުންނީ-ޝީޢީ ހަމަލާތައް ހުއްޓާލުމަށް އެއްބަސްވެފައި ވީނަމަވެސް ބައެއް ހަނގުރާމަވެރި ޖަމާޢަތްތަކުން އަދިވެސް ދަނީ ހަމަލާ ބަދަލުކުރަމުންނެވެ.

އެންމެ ކާމިޔާބު ނޫނަސް މި ވާހަކަތަކާއި އެކު ހަމަލާތަކުގެ އަދަދު މަދުވެފައިވާއިރު، މި ވާހަކަތަކުގެ 3 ވަނަ ބުރު އަންނަ ހަފްތާގައި ކުރިއަށް ގެންދިއުމަށް ވަނީ ނިންމާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.