ރައީސް ނަޝީދު ހޮސްޕިޓަލުން ދޫކޮށްލައިފި
ހަފުތާއަކު ދެ ފަހަރު މެޑިކަލް ޗެކަޕްތައް ހައްދަވަން ޖެހޭ
ރައީސް މުހައްމަދު ނަޝީދު ޖަރުމަންވިލާތުގައި
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދަށް އަމާޒުކޮށް ދިން ޓެރަރިސްޓް ހަމަލާގައި ލިބިވަޑައިގެންނެވި ޒަޚަމްތަކަށް ޖަރުމަނުވިލާތުގައި ހޯއްދެވި ފަރުވާއަށްފަހު އެމަނިކުފާނު ހަސްފަތާލުން ދޫކޮށްލައިފިއެވެ.
އެމަނިކުފާނުގެ އާއިލާއިން ރާއްޖެއެމްވީއަށް މައުލޫމާތު ދެމުން ބުނެފައިވަނީ ރައީސް ނަޝީދު ހަސްފަތާލުން ދޫކޮށްލާފައިވާ ކަމަށާއި، ނަމަވެސް ހަފުތާއަކު ދެ ފަހަރު މެޑިކަލް ޗެކަޕްތައް ހައްދަވަން ޖެހިވަޑައިގަންނަވާ ކަމަށެވެ. އަދި މަހެއްހާ ދުވަސް ވަންދެން ޖަރުމަނުގައި ހުންނަވަން ޖެހިދާނެކަމަށް ލަފާ ކުރެވޭކަމަށްވެސް އާއިލާއިން ބުނެފައިވެއެވެ.
ރައީސް ނަޝީދަށް އަމާޒުކޮށް ދިން ޓެރަރިސްޓް ހަމަލާއާ ގުޅިގެން ބޮޑެތި ޒަޚަމްތަކެއް އެމަނިކުފާނަށް ވަނީ ލިބިވަޑައިގެންފައެވެ. ރައީސް ނަޝީދުގެ ހަށިކޮޅަށް 10 ރޭޒާފުއް ވަދެ މުހިއްމު ގުނަވަންތައް ފޫއަޅުވާލާފައިވެއެވެ. އެތަކެތި ނެގުމަށް 16 ގަޑިއިރުގެ އޮޕަރޭޝަންތަކެއް ކުރިއެވެ. އޭޑީކޭގައި ފަރުވާ ހޯއްދެވުމަށްފަހު ޖަރުމަނުވިލާތަށް ފުރާވަޑައިގެންނެވީ މެއި މަހުގެ 13 ވަނަ ދުވަހުއެވެ. ރައީސް ނަޝީދަށް ފަރުވާ ދެއްވި އޭޑީކޭގެ ޑޮކްޓަރުންގެ ޓީމުން މީޑިއާތަކަށް އާއްމުކުރެއްވި މައުލޫމާތުތަކަށް ބަލާއިރު، ރައީސް ނަޝީދުގެ ފުރާނަފުޅު ސަލާމަތްކުރެވުނީ ހަމަ ކިރިޔާއެވެ.
