ދުނިޔެ

ސަރަހައްދުގެ ކޮންމެ ތަނެއްގައި ހުރި ނަމަވެސް އެމެރިކާގެ ހިއްސާދާރުން ހިމެނޭ ކުންފުނިތަކުގެ ވަސީލަތްތަކަށް ހަމަލާދީ ހަނގުރާމަ ފުޅާކުރާނެ ކަމުގެ އިންޒާރު އީރާނުން ދީފި

އެމެރިކާއިން އީރާނުގެ އިންފްރާސްޓްރަކްޗަރަށް ދިން ހަމަލާތަކާ ގުޅިގެން، ބަހްރައިނާއި ކުވޭތުގައި ހުރި އެމެރިކާގެ އަސްކަރީ މަރުކަޒުތަކަށް އީރާނުން ވަރުގަދަ ރައްދު ހަމަލާތަކެއް ދީފި. މި ހަމަލާތަކުގައި ޑްރޯނާއި މިސައިލް ބޭނުންކޮށްފައިވާއިރު، އެމެރިކާއިން އުދުވާންތައް ހުއްޓާނުލާނަމަ އެ ގައުމުގެ އިގްތިސާދީ އަދި ޓެކްނޮލޮޖީ ވަސީލަތްތަކަށް އަމާޒުކޮށް ހަމަލާތައް ފުޅާކުރާނެ ކަމުގެ އިންޒާރު އީރާނުގެ ރިވޮލިއުޝަނަރީ ގާޑްސްއިން ވަނީ ދީފައި.