އީރާނުގެ ހަމަލާތަކުގައި ނަތަންޔާހޫއަށް ގެއްލުމެއް ލިބިފައިވާ ކަމަށް ފެތުރޭ އަޑުތައް ދޮގުކުރުމަށް އޭނާގެ އޮފީހުން އާންމުކުރި ވީޑިއޯއަކީ އޭއައި ބޭނުންކޮށްގެން އުފައްދާފައިވާ ފޭކް ވީޑިއޯއެއްކަން ހާމަވުމާއެކު ގިނަ ބައެއްގެ މެދުގައި ސުވާލުތައް ވަނީ އިތުރުވެފައި. މި ވީޑިއޯގައި ހުރި ފަންނީ އުނިކަންކަމާއި ހަގީގަތާ ހިލާފު މަންޒަރުތަކުގެ ސަބަބުން އޭނާގެ ސިއްހީ ހާލަތާ މެދު އުފެދިފައިވާ ޝައްކުތައް ވަނީ ކުރިއަށްވުރެ ވަރުގަދަވެފައި. މިކަމާ ގުޅިގެން ނަތަންޔާހޫ މިހާރު ހުރި ތަނަކާއި އޭނާގެ ހާލަތާ މެދު އާންމުންގެ މެދުގައި ބޮޑެތި ބަހުސްތަކެއް ދަނީ ކުރެވެމުން.
