''ބާގީ 3'' ގެ ޓްރެއިލަރ އަށް 24 ގަޑިއިރު ތެރޭގައި 59 މިލިއަން ވިއުސް
ފިލްމު ރިލީޒް ކުރަނީ މާޗް މަހު
ބާގީ 3 ގެ މަންޒަރެއް
މި އަހަރުގެ މާޗް މަހު ނެރެން ހަމަޖެހިފައިވާ ޓައިގަރ ޝްރޯފްގެ ''ބާގީ 3'' ގެ ޓްރެއިލަރ ރިލީޒް ކުރިތާ 24 ގަޑިއިރު ތެރޭގައި 59 މިލިއަން ވިއުސް ހޯދައިފިއެވެ.
ބުރާސްފަތި ދުވަހު ރިލީޒް ކޮށްފައިވާ ފިލްމުގެ ޓްރެއިލަރ ގައި ޓައިގާ އަދި ދިޝާ ޕަޓާނީ އެވެ. ޓްރެއިލަރ ލިބިމުންދާ ތަރުހީބަށް ޓައިގާ ވަނީ އޭނާގެ އިންސްޓަގްރާމްގައި ފޭނުނަަށް ޝުކުރު އަދާކޮށްފައެވެ.
''ބާގީ 3'' އަކީ ބާގީ ފްރެންޗައިޒްގެ ތިންވަނަ ފިލްމެވެ. ނަދިއަދްވާލާ ގްރޭންޑްސަން އިން ޕްރޮޑިއުސްކުރާ މި ފިލްމު ޑައިރެކްޓް ކުރަނީ އަހުމަދު ހާން އެވެ. މި ފިލްމުގެ މަސައްކަތް ފަށައި، އެކަން އިއުލާން ކޮށްފައިވާނީ 2018 ވަނަ އަހަރުގެ ޑިސެމްބަރު މަހުއެވެ.
މި ފަހަރުގެ ފިލްމުގައި ޓައިގާއާ އެކު ޝްރައްދާ ކަޕޫރްވެސް ފެނިގެންދާނެއެވެ. ފިލްމުގެ މަންޒަރުތައް ނަގާފައިވަނީ މޮރޯކާ، މިސްރު، ސަބިޔާގެ އިތުރުން ތުރުކީ ގައެވެ. މީގެ ކުރިން ނެރެފައިވާ ބާގީގެ ފިލްމުތަކަކީ ކާމިޔާބު ފިލްމު ތަކެކެވެ.
