ބަފްޓާ އެވޯޑް ޝޯވ ރާއްޖެއިން ފެންނާނެ!

ބްރިޓިޝް އެކެޑަމީ ފިލްމް އެވޯޑް (ބަފްޓާ) އިގިރޭސިވިލާތުގައި ދައްކާ ދުވަހު ރާއްޖެއަށް ވެސް ފެންނާނެ ކަމަށް މީޑިއާނެޓުން ބުނެފިއެވެ.

މިއެވޯޑަކީ ނިމިދިޔަ އަހަރު ރިލީޒް ކޮށްފައިވާ ފިލްމުތަކުން އެންމެ މޮޅެތި ފިލްމުތައް ހޮވަން ބާއްވާ އެވޯޑް ޝޯވއެވެ.

މީޑިއާނެޓުން ބުނީ ބަފްޓާ އެވޯޑް ޝޯވ ރީބްރޯޑްކާސްޓްކުރުމުގެ ފުރިހަމަ ލައިސެންސް ލިބިފައިވާ ކަމަށާއި، މިޝޯވ 03 ފެބްރުއަރީ 2020 ދުވަހުގެ ހަވީރު 4:30 އިން ފޮކްސްލައިފް އެޗްޑީ އިން ފެންނާނެ ކަމަށެވެ.

ބަފްޓާ އެވޯޑްއަށް 39 ފީޗަރ ފިލްމެއް ވަނީ ނޯމިނޭޓް ވެފައިއެވެ. އެގޮތުން ނިމިދިޔަ އަހަރު ބޮޑެތި ކާމިޔާބީތަކެއް ހޯދާފައިވާ ފިލްމެއް ކަމުގައިވާ ޖޯކަރ ވަނީ 11 ކެޓަގަރީއަކަށް ނޯމިނޭޓްވެފައިވާއިރު، ދި އަރިޝްމެން ވަނީ 10 ނޯމިނޭޝަންގައި ހިމެނިފައިއެވެ. އަދި ވަންސްއަޕޮނަޓައިމް ވަނީ 10 ނޯމިނޭޝަންގައި ހިމެނިފައިއެވެ.

މިއެވޯޑް ހަފްލާ ގްރެމްނޯޓަން ހުށަހަޅާދޭއިރު، ހަފްލާގައި އިގިރޭސިވިލާތުގެ ރޯޔަލް އާއިލާ މެމްބަރުން ބައިވެރިވާނެއެވެ. ބަފްޓާގެ ރައީސްއަކީ ރޯޔަލް އައިލާގެ ބޭކަލެއްކަމުގައިވާ ޕްރިންސް ވިލިއަމްއެވެ.