ސީޒަންގެ ''ލޯބިވެވިއްޖެ''ގެ ޝޫޓިން ލަންކާގައި ކުރިޔަށް
ފިލްމު މަންޒަރުތައް މީގެ ކުރިން ތިނަދޫގައި ވަނީ ޝޫޓްކޮށްފައި
ލޯބިވެވިއްޖެގެ ފިލްމުގެ ޝޫޓިންގެ ތެރެއިން
އަލީ ސީޒަންގެ ''އެސް ޕްރޮޑަކްޝަން'' އިން ހަދާ ފިލްމު ''ލޯބިވެވިއްޖެ'' ގެ މަންޒަރުތައް ލަންކާގައި ޝޫޓްކުރަން ފަށައިފިއެވެ.
ފިލްމާއި ބެހޭ ގޮތުން މީގެ ކުރިން ރާއްޖެ.އެމްވީ އަށް މަޢުލޫމާތު ދެމުން ސީޒަން ބުނީ، ފިލްމުގެ 50 އިންސައްތަ ޝޫޓްކޮށްފައިވަނީ ތިނަދޫގައި ކަމަށެވެ. ފިލްމުގެ މަންޒަރުތައް ނަގާފައިވަނީ ތިނަދޫ ބަނދަރުގެ އެ ރަށުގެ ހިތްގައިމު ތަންތަނުގައެވެ. ސީޒަން ބުނީ، ފިލްމުގެ ފުރަތަމަ ލަވަ ހެދުމުގެ މަސައްކަތްވެސް މިހާރު ކުރިޔަށްދާ ކަމަށެވެ. އެކަމަކު ބެލުންތެރިންނާ ހަމަޔަށް ލަވަ ދޫކޮށްލާނެ ތާރިޚެއް ސީދާ އޭނާއެއް ނުބެނެއެވެ. ފިލްމުގެ ލަވަ ކިޔާފައިވަނީ އަޝްފާ އާއި މުމްތާޒް އެވެ. ލިރިކްސް ހަދާ ދީފައިވައި ވަނީ ތޭރަވާއެވެ.
ފިލްމުގެ ސްކްރީންޕްލޭ ސްކްރީން ރައިޓަރ ޒަރީރު ލިޔެފައިވާއިރު، ފިލްމު ކެމެރާކުރަނީ އަހުމަދު މޫސާ (ދަބަ) އެވެ. ޑައިރެކްޓްކުރަނީ ހުނަރުވެރި އެކްޓަރ އަދި ޑައިރެކްޓަރ އަލީ ސީޒަން އެވެ.
މި ފިލްމު ޕްރޮޑިއުރަސަރުންނަކީ ސީޒަންގެ އަންހެނުން އައިމިނަތު ޝާނަޒްގެ އިތުރުން ޝާނިޒް އަލީ އެވެ. ލޯބީގެ ވާހަކައެއްގެ މައްޗަށް ބިނާކޮށް އުފައްދާ ފިލްމުގެ ކާސްޓުންގެ ތެރޭގައި މަރިޔަމް ޢައްޒަ، ޢަލީ ޢާޒިމް (ދޮން އައްޔަ) އިރުފާނާ އިބްރާހީމް، ނިޝާ (ނިޝޮކް) އަދި އަޙްމަދު އީސަ (އާނަންދު) ހިމެނެއެވެ.
