ދުނިޔޭގެ މަގުބޫލުކަން ހޯދާފައިވާ "ހެލޯ ކިޓީ" ފަރުމާކުރުމުގައި 40 އަހަރަށްވުރެ ގިނަ ދުވަހު މަސައްކަތް ކުރި ޔޫކޯ ޔަމަގޫޗީ، އޭނާގެ މަގާމުގެ ޒިންމާތައް އާ ޖީލަކާ ހަވާލުކުރަން ނިންމައިފި. ޔަމަގޫޗީގެ ދައުރުގައި މި ކެރެކްޓާ ވަނީ ދުނިޔޭގެ އެންމެ ބޮޑު އާމްދަނީއެއް ހޯދާ އެއް ފްރެންޗައިޒަށް ބަދަލުވެ، އެކި ބްރޭންޑްތަކާއި ވިޔަފާރިތަކުގައި ބޮޑު ކާމިޔާބީއެއް ހޯދާފައި. މަގާމުން ވަކިވި ނަމަވެސް، 2026 ވަނަ އަހަރާ ހަމައަށް އާ ފަރުމާކުރުންތެރިޔާ އަށް އިރުޝާދު ދިނުމުގައި ޔަމަގޫޗީ ދެމިހުންނާނެ ކަމަށް ސަންރިއޯ ކުންފުނިން ހާމަކުރޭ.
