އަހަރެމެންގެ ތެރެއިން ގިނަ މީހުންނަކީ ބަރުދަން ލުއި ކުރަން ބޭނުންވެ، ނަމަވެސް ކޮންމެ ވެސް ސަބަބަކާ ހުރެ، އެކަން ކުރަން އުނދަގޫ ވެފައި ތިބި މީހުންނެވެ. ގިނަ މީހުންނަށް ވާގޮތަކީ، ބަރުދަން ލުއި ކުރުމުގެ މަސައްކަތް ފެށުމަށްފަހު ބޭނުންވާ ދުވެލީގައި ބަރުދަން ލުއި ނުވުމުން، ކުރީގައި ގެންގުޅު ކެއިން ބުއިމާއި، އެނޫންވެސް އާދަތަކަށް އެނބުރިދެވެނީއެވެ. ނަމަވެސް ބަރުދަން ލުއި ކުރުމަކީ، ނިއުޓްރިޝަން އާއި ކަސްރަތާއި ދިރިއުޅުމުގެ ވައްޓަފާޅި ވިސްނުންތެރިކަމާއެކު ޚިޔާރުކޮށްގެން ކުރެވޭނެ ކަމެކެވެ. މިއީ ކޮންމެ މީހަކަށްވެސް ތަފާތުވާ، ކެތްތެރިކަމާއި، އަޒުމާއި އަދި މަޑުމަޑުން ބޭނުންވާ ޓާގެޓު ހާސިލުކުރެވޭ ޕްރޮސެސްއެކެވެ. ދިރާސާތަކުން ދައްކާ ގޮތުގައި، ބަރުދަން ލުއިކޮށް ރަނގަޅަށް މެނޭޖްކުރަން މަސައްކަތް ކުރާއިރު، އެކަމަށް އެހީތެރިވެދޭ ބައެއް ބުއިންތައް ހުރެއެވެ. ބަރުދަން ލުއިކުރުމުގެ އިތުރުން، މި ބުއިންތަކުގެ ސަބަބުން ހަށިގަނޑަށް ބޭނުންވާ ނިއުޓްރިޝަން ލިބުމުގެ އިތުރުން މުޅި ސިއްހަތު ރަނގަޅުކުރުމަށް ވެސް އެހީތެރިވެދެއެވެ. ނަމަވެސް، މިކަން ހާސިލުކުރެވޭނީ، ސިއްހަތަށް ފައިދާހުރި ބުއިންތަކުގެ އިތުރުން އާންމުކޮށް ކަސްރަތު ކުރުމާއި، އެކްޓިވް ލައިފްސްޓައިލެއް ގެންގުޅުމާއި، ސިއްހަތަށް ފައިދާހުރި ކެއުންތައް އިޚްތިޔާރުކޮށްގެން ކަންވެސް ފާހަގަކޮށްލަން ޖެހެއެވެ. މިފަހަރު މިގެނެސްދެނީ އަވަހަށް ބަރުދަން ލުއިކުރަން ބޭނުންވާ ނަމަ، ތައްޔާރުކޮށްލަން ފަސޭހަ، އަދި އަވަހަށް ނަތީޖާ ފެންނަ ބުއިމެކެވެ.