ޗިކަން ކަބްސާ

ފުރަތަމަ ތެއްޔެއްގައި ފިޔާ، ފޮނިތޮށި، ކަރަންފޫ، ކާފޫރުތޮޅި، ބޭލީވްސް އަޅައިގެން ފްރައި ކޮށްލާށެވެ. ދެން އޭގެ ތެރެއަށް ކުކުޅު އެޅުމަށްފަހު، ދިރި، ކޮރިއެންޑަރ، ޕެޕްރިކާ، އަސޭމިރުސް، ރީނދޫ އަދި ލޮނު އެއްކޮށްލުމަށްފަހު، ކުކުޅުގެ ތެރެއަށް އަޅައިގެން 3 މިނިޓް ކައްކާލާށެވެ. ދެން ލޮނުމެދު އަޅާފައި އެއްކޮށްލުމަށްފަހު، އަނެއްކާވެސް، ޓޯމާޓޯ ޕޭސްޓް އަޅައިގެން 2 މިނިޓް ކައްކާލާށެވެ. އެއަށްފަހު ކިއުބްކޮށް ކޮށާފައި ހުރި ރޯ ޓޮމާޓޯ އަޅައިގެން 5 މިނިޓް ކެއްކުމަށްފަހު، ކުކުޅުތައް ފޮރުވޭވަރަށް ހޫނުފެން އަޅައި މަތި ޖެހުމަށްފަހު، 30 މިނިޓް ކައްކާލާށެވެ. އެއަށްފަހު، ދޮވެފައި ހުރި ބާސްމަތީ ހަނޑޫ އޭގެ ތެރެއަށް އަޅާލާށެވެ. ދެން ބެލް ޕެޕަރ އާއި ތޮޅި މިރުސް އެއްކޮށް އަޅާލުމަށްފަހު، އޭގެ ތެރެއަށް ކޮންމެ ހަނޑޫ ޖޯޑަކަށް ވާވަރަށް ބައި ޖޯޑު ފެން އަޅައިގެން އެއްކޮށްލާށެވެ. ދެން ގަދަ ގިނީގައި ފެން ހިނދެން ދެން ކެއްކުމަށްފަހު، މަޑު ގިނީގައި 30 މިނިޓް ކައްކާލާށެވެ. ކައްކާ ނިމުމުން ގާނިޝް ކޮށްލުމަށް ކޮރިއަންޑަރ އަޅާލާށެވެ.