ރާއްޖޭގައި ވަރަށް ގިނައިން އެކި ދުވަސްވަރު ތަފާތު ޒާތްޒާތުގެ ރޯގާ ފެތުރެއެވެ. ޚާއްޞަކޮށް ކަރުގައި ރިއްސުމާއި، އަރިދަފުސް ރޯގާއަކީ ގިނަ ބަޔަކަށް ދިމާވާކަމެކެވެ. މިފަދަ ކުދިކުދި ބަލިތައް ޖެހޭ ކޮންމެ ފަހަރަކު ހޮސްޕިޓަލުތަކަށް ޒިޔާރަތްކޮށް، ގިނަ ވަގުތުތަކެއް ހޭދަކުރުން ގިނަ ފަހަރަށް އޮންނަނީ ދަތި އުނދަގޫ ކަމަކަށް ވެފައެވެ. އެހެންކަމުން، މިފަހަރު މި ގެނެސްދެނީ މިކަމަށް ގޭގައި ތައްޔާރުކޮށްލެވޭނެ، ޚަރަދުކުޑަ އަދި ފަސޭހަ ބޭހެއްގެ ތަފްޞީލެވެ.
މީހަކު ކަރުގައި ރިއްސާފައި ހުރި މަންޒަރު ދައްކުވައިދޭ ފޮޓޯއެއް
ފެނުގެ ތެރެއަށް ލުނބޯއެއްގެ ދިޔައ އާއި، ތުނިކޮށްކޮށާފައި ހުރި ލުނބޯ (ތޮށްޓާއެކު) އަދި މާމުއި އަޅާލާށެވެ. ކުޑަކޮށްކެކިލުމުން އޭގެ ތެރެއަށް އިނގުރުދިޔަ އަދި ތައިމް ކޮޅު އަޅާ ރަނގަޅަށް ކެކިލުމުން ނަގާފައި ފުރާނާލައިގެން ބޯލާށެވެ.
މިއީ ގަދައަށް ކެއްސުމާއި، އަރިދަފުސް ރޯގާއަށް ގޭގައި ތައްޔާރުކޮށްލެވިދާނެ، އަވަސް އަދި ޚަރަދުކުޑަ ބޭހެކެވެ. އާއްމުގޮތެއްގައި، ބެކްޓީރިއަލް އިންފެކްޝަނެއް ނެތްނަމަ މިބުއިން ބޭނުންކޮށްލައިގެން ފަސޭހަވުމުގެ އަސަރުތައް ވަރަށް އަވަހަށް ފެންނަންފަށާނެއެވެ. ނަމަވެސް، އެކަށީގެންވާ ވަރުގެ ލުއިކަމެއް ފާހަގަނުވާނަމަ ލަސްނުކޮށް ޑޮކްޓަރެއްގެ ލަފާ ހޯދަންވާނެއެވެ.
