ކޮވިޑް-19: އެންމެ ފަހުގެ

ކޮވިޑް-19 ގެ ކަންތައްތައް ހަމަޔަކަށް އެޅެންދެން މި ވަގުތު ހައްޖަށްދާން ރާވަމުންދާ ފަރާތްތަކުން އެކަން މަޑުޖައްސާލަން ސައުދީއަރަބިއްޔާގެ ހައްޖު އަދި އުމްރާ މިނިސްޓަރު އިލްތިމާސް ކުރައްވައިފިއެވެ.

އެޗްޕީއޭއިން ނެރެފައިވާ ބަޔާނެއްގައި ވަނީ، މާލެ ސަރަހައްދުގައި ހިންގާ ކެފޭ، ރެސްޓޯރެންޓް، ހޮޓާ ފަދަ، އާންމުންނަށް ކާބޯތަކެތީގެ ހިދުމަތް ދޭ އެންމެހައި ތަންތަނުން ދޭ ޓޭކްއަވޭގެ ޚިދުމަތް، ރޭގަނޑު 12:00 އިން ފެށިގެން ހެނދުނު 6:00 އަށް މެދުކަނޑައިލުމަށް ވަނީ އަންގާފައެވެ.

އެޗްޕީއޭގެ ބަޔާނުގައި ވަނީ، މާލެ ސަރަހައްދުގައި ހިންގަމުންދާ ޢިމާރާތްކުރުމުގެ އެންމެހައި މަސައްކަތްތައް، ހަވީރު 5:00 އިންފެށިގެން ހެނދުނު 6:00 އަށް މެދުކަނޑައިލުމަށް ވެސް އަންގާފައެވެ.

ބުރާސްފަތި ދުވަހުން ފެށިގެން ވަކިގޮތެއް އަންގަންދެން މާލެ، ހުޅުމާލެ، ވިލިމާލެ ސަރަހައްދުގައި ބޭރަށް ނިކުމެ އުޅުމާއި އުޅަނދުތައް ދުއްވުން މަނާކޮށްފިއެވެ.

އަންގާރަ ދުވަހު ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ނެރެފައިވާ ބަޔާނެއްގައި ބުނެފައިވަނީ އެ ނިންމުން ނިންމާފައިވަނީ ޑިރެކްޓަރ ޖެނެރަލް އޮފް ޕަބްލިކް ހެލްތަށް ލިބިގެންވާ ބާރުގެ ދަށުން ކަމަށެވެ.

އެ ފިޔަވަޅުތަކުން އިސްތިސްނާވާ ފަރާތްތައް

އިންޓަރނެޓުގެ އަގު ހެޔޮ ކުރެވުނީ ރިޔާސީ ވައުދަކާއި ގުޅިގެންނެއް ނޫން ކަމަށާއި އެއީ މި ހާލަތާއި ގުޅިގެން ގެނެވުނު ވައުދެއް ކަމަށް މަބްރޫކް ވިދާޅުވިއެވެ.

ރާއްޖެއިން 18 ވަނަ އަހަށް ވައިރަހަށް ޕޮޒިޓިވް ވި މީހާ އަކީ 17 ވަނަ މީހާގެ ރޫމްމޭޓް ކަމަށާއި އެދެމީހުންގެ ޓްރެވެލް ހިސްޓްރީވެސް އެއްގޮތް ކަމަށެވެ. އަދި އެދެމީހުންނަކީ ތިމާގެ މީހުން ކަމަށެވެ.

ރިސޯޓު އަދި ސަފާރީތަކުގައި ތިބުމަކީ ފަސޭހަކަމެއް ނޫންކަމަށާއި މިއީ އެއްވެސް މީހަކަށް ފަސޭހަ ހާލަތެއް ނޫން ކަމަށް މަބްރޫކް ވިދާޅުވިއެވެ. ހުރިހާ ނިންމުމެއްވެސް ނިންމެނީ އެންމެންގެ ރައްކާތެރިކަން ކަށަވަރުކުރުމަށް ކަމަށް މަބްރޫކް ވިދާޅުވިއެވެ.

އިޖްތިމާއީ ގައިދުރުކަން ދެމެހެއްޓުމަށް މިރޭގެ ނޫސްވެރިންގެ ބައްދަލުވުމުގައި ބައިވެރިވި ޑޮކްޓަރ ވިދާޅުވިއެވެ. ޑރ ވިދާޅުވީ ހެެލިފެލިވެ ނޫޅުމަށާއި ކޮންމެހެން ބޭރަށް ނުކުންނަން ޖެހޭ ހާލަތުގައި ނޫނީ ނުނުކުތުމަށެވެ.

މިމަހުގެ 14 ން 19 އަށް ޔޫކޭއިން ރާއްޖެއައި އެންމެންގެ ކޮންޓެކްޓް ޓްރޭސިންގް ހެދޭނެ ކަމަށް މަބްރޫކް ވިދާޅުވިއެވެ.

މިއަދު ރާއްޖެއައީ ދެ ދިވެހިން ކަމަށް މަބްރޫކް ވިދާޅުވިއެވެ. އެމީހުންގެ ތެރެއިން ބަލީގެ އަލާމާތްތައް ހުރި މީހާ ހުރީ ވެލިދޫގައިކަމަށާއި ދެވަނަ މީހާ ދިޔައީ ބަނޑޮހަށް ކަމަށް މަބްރޫކް ވިދާޅުވިއެވެ.

ނޫސްވެރިންގެ ބައްދަލުވުމުގައި ވާހަކަދައްކަވަމުން ރިހިވެލި، ދަ ޑްރީމް ހޮޓެލް މޯލްޑިވްސް މޯނީޓަރިންގެ ހާލަތަށް ގެނެވިފައިވާކަމަށެވެ. އެއީ ބައްޔަށް ޝައްކުކުރެވޭ އަލާމާތްތައް ހުރި މީހެއްގެ ސާމްޕަލް ނެގުމަށްޓަކައި ކަމަށެވެ.

މިހާތަނަށް 1137 ސާމްޕަލް ނެގިފައިވޭ ސާމްޕަލް

ނެގެޓިވް 1114 ސާމްޕަލް

ނަތީޖާ ޕެންޑިންގް: 5 ސާމްޕަލް

ރާއްޖޭގައި ފަރުވާދެމުންދާ އެންމެންގެ ހާލު ރަނގަޅު ކަމަށް މަބްރޫކް ވިދާޅުވި

އިންޑޮނީޝިއާގައި ސިއްހީ ކުއްލި ނުރައްކަލުގެ ހާލަތު އިއުލާނުކޮށްފި އެވެ.

އިންޑޮނީޝިއާގައި ސިއްޙީ ކުއްލި ނުރައްކަލުގެ ހާލަތު އިއުލާނުކުރެއްވީ އަންގާރަ ދުވަހު ބޭއްވި ނޫސްވެރިންގެ ބައްދަލުވުމުގައި އެގައުމުގެ ރައީސް ޖޯކޯ ވިޑޯޑޯއެވެ

އިނގިރޭސި ވިލާތުގެ ބޮޑު ވަޒީރު ބޯރިސް ޖޯންސަންގެ ކެބިނެޓު ބައްދަލުވުން ފުރަތަމަ ފަހަރަށް ވީޑިއޯ ކޮންފަރެންސް މެދުވެރިކޮށް ބާއްވައިފިއެވެ.

ކޮރޯނާވައިރަސްގެ ސަބަބުން އީރާނުން މަރުވި މީހުންގެ އަދަދު 2898 އަށް އަރައިފިއެވެ.

ފާއިތުވި 24 ގަޑިއިރުގެ ތެރޭގައި ވަނީ 141 މީހަކު އެގައުމުން މަރުވެފައެވެ.

ދުނިޔޭގައި މިވަގުތު ހަލުވިކަމާއެކު ފެތުރެމުންދާ "ކޯވިޑް-19" ރޯގާއާ ގުޅިގެން، ސަރުކާރުގެ އިކޮނޮމިކް ރިކަވަރީ ޕްލޭނުގެ ދަށުން ފްލެޓްތަކަށް ފައިސާދައްކާ ފަރާތްތަކަށް ލުޔެއް ދިނުމަށް އެޗްޑީސީން ނިންމައިފިއެވެ.

ކަސްޓަމަރުންނަށް އިންޓަނެޓް ބޭނުން ކުރުމުގައި އިތުރު ލުޔެއް ދިނުމުގެ ގޮތުން ހުރިހާ ކަސްޓަމަރުންނަށް އިންޓަނެޓް ބޭނުންކުރުމަށް ހިލޭ ދީފައިވާ ޑޭޓާގެ މިންވަރު އިތުރުކޮށް ކުރިޔަށް އޮތް ދެމަހަށް ދިނުމަށް ދިރާގުން ނިންމައިފިއެވެ.

އަންނަ ހަފްތާގައިވެސް ސަރުކާރުގެ އޮފީސްތައް ނުހުޅުއްވުމަށާއި، ސްކޫލްތައް ބަންދުކުރުމަށް ވަޒީރުންގެ މަޖިލީހުން ނިންމަވައިފިއެވެ.

ރައީސް އޮފީހުން ބުނީ ސަރުކާރާއި ސްކޫލްތައް ބަންދުކުރެއްވުމާއި، ޟަރޫރީ ބޭނުންތަކުގައި މެނުވީ ގެއިން ބޭރަށް ނުކުމެ ނޫޅުމަށް ސަރުކާރުގެ އިދާރާތަކުގެ މުވައްޒަފުންނަށް އެންގެވުމަކީ، ކޯވިޑް-19 ބައްޔާއި ގުޅިގެން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ އިސްނެންގެވުމާއެކު ސަރުކާރުން އަޅުއްވާފައިވާ ފިޔަވަޅުތަކުގެ ތެރެއިން އެކަކު އަނެކަކާއި ދެމެދު ދުރުމިނެއް ބެހެއްޓުމުގެ މަޤްޞަދުގައި އަޅުއްވާފައިވާ ފިޔަވަޅުތަކަކަށް ވީހިނދު، މި ފިޔަވަޅުތަކަށް އަމަލުކުރުމުގައި ރައްޔިތުންނަށް ކުރިމަތިވާ ދަތިތަކަށް ލުއިތަކެއް ހޯދައިދިނުމަށް ސަރުކާރުން ގެންދަނީ މަސައްކަތްތަކެއް ކުރަމުންކަމަށެވެ.

ކޯވިޑް-19 އާއި ގުޅިގެން އުރީދޫ މޯލްޑިވްސްގެ ސުޕަރނެޓް ކަސްޓަމަރުންނަށް ދުވާލަކު 5 ޖީބީ ޑޭޓާ ހިލޭ ލިބޭ އޮފަރ އެއް އިއުލާންކޮށްފި އެވެ.

އުރީދޫން ބުނީ ހަލުވިކަމާއެކު ފެތުރެމުން އަންނަ ކޯވިޑް-19 އާއި ގުޅިގެން އާންމު ދިރިއުޅުމަށް ވަނީ ބޮޑެތި ގޮންޖެހުންތަކެއް ދިމާވެފައިކަމަށާއި، ގޭގައި ތިބެގެން މަސައްކަތް ކުރުމަށާއި، އިންޓަނެޓް މެދުވެރިކޮށް ކުދިންގެ ކިޔެވުން ކުރިއަށް ގެންދިޔުމަށްވެސް ވަނީ މަޖުބޫރުވެފައިކަމަށެވެ. މި ދަތިތަކަށް ލުއިކަމެއް ގެނެސްދީ، ގައިދުރުކަން ބަހައްޓާ، ގޭގައި ތިބުމަށް ބާރުއެޅުމުގެ ގޮތުން ސަރުކާރުން ނަންގަވާފައިވާ އިސްނެގުމާއި އެއްގޮތުގެމަތިން، އުރީދޫ މޯލްޑިވްސްގެ ސުޕަރނެޓް ކަސްޓަމަރުން ނަންގަވައިފައިވާ ޕްލޭންއަށް ހަމަޖެހިފައިވާ ޑޭޓާ ހަމަވުމުން، ދުވާލަކަށް 5 ޖީބީ ޑޭޓާ މުޅިން ހިލޭ ލިބޭނެ ކަމަށް އެ ކުންފުނިން ބުންޏެވެ.

ހުޅުމާލޭގެ ސަފާރީތަކުގައި ތިބި ފަރާތްތައް ޖެޓީ ކައިރިއަށް ޑިންގީތަކުގައި އެއްވެ އިހުތިޖާޖުކުރަން ފަށައިފިއެވެ.

ހުޅުމާލޭ ސަރަހައްދުގައި ބަނދަރުކޮށްފައިވާ ސަފާރީތަކުގައި މަސައްކަތް ކުރާ މީހުން ޑިންގީއެއްގައި އައިސް ބަނދަރުމަތީގައި މުޒާހަރާ ކުރަމުންދާ މަންޒަރު ދައްކުވައިދޭ ފޮޓޯތަކެއް ސޯޝަލް މީޑިއާގައި އާންމުވެފައިވާ ދަނޑިވަޅެއްގައި، މޯލްޑިވިސް ޕޮލިސް ސަރވިސް އިންވެސް ވަނީ ބަޔާނެއް ނެރެފައެވެ.

އެގޮތުން ފުލުހުން ބުނެފައިވަނީ، ރާއްޖޭގެ އާންމު ސިއްހަތުގެ ކުއްލި ނުރައްކަލުގެ ހާލަތު އިއުލާންކޮށްފައިވާ ދަނޑިވަޅެއްގައި، ޑިރެކްޓަރ އޮފް ޕަބްލިކް ހެލްތްގެ އެންގެވުމާއި ހިލާފަށް ބައެއް ސަފާރީތަކުގައި މަސައްކަތް ކުރާ މީހުން މުޒާހަރާކުރަމުން ދާކަމަށެވެ. ނަމަވެސް، ސިއްހީ ކުއްލި ނުރައްކަލުގެ ހާލަތުގައި އެއްވުންތައް ބޭއްވުމުގެ ފުރުސަތު ނުދިނުމަށް މޯލްޑިވިސް ޕޮލިސް ސާރވިސް އިން ވަނީ ނިންމާފައެވެ.

ބެލަރުސް އިން ފުރަތަމަ ފަހަރަށް މީހަކު ކޮވިޑް-19 ޖެހިގެން މަރުވެއްޖެއެވެ.

ބެލަރުސްގެ ރައީސް އެލެކްޒޭޭންޑަރ އަންގާރަ ދުވަހު ވިދާޅުވި ގޮތުގައި ކޮވިޑް-19 ޖެހިގެން ފަރުވާދެމުްނދިޔަ މީހަކު ވަނީ މަރުވެފައެވެ. އަދި މިއީ މި ވައިރަސް ޖެހިގެން މަރުވި ފުރަތަމަ މީހާ ކަމަށެވެ.

ބައެއް މީޑިއާތަކުގައި ރިޕޯޓުކުރާ ގޮތުގައި މަރުވެފައިވަނީ ބެލަރުސްގެ 75 އަހަރުގެ އެކްޓަރެކެވެ. އަދި އެމީހާ އަކީ އެހެން ބަލި ތަކަށް ވެސް މީގެކުރިން ފަރުވާހޯދަމުން ދިޔަ މީހެއްކަން ފާހަގަކުރައްވަމުން ރައީސް ވިދާޅުވެފައިވަނީ އެމީހާގެ އަންހެނުންނާއި ދަރިފުޅުގެ ސިއްހަތު ރަނގަޅު ކަމަށެވެ.

ރައީސް އެލެކްޒޭޭންޑަރ ވިދާޅުވިގޮތުގައި އެމީހާއަކީ ނިއުމޯނިއާގެ ސިވިއަރ ކޭސްއެއް ކަމަށާއި އެމީހާ އޮތީ މަރުވުމާ ހަމަޔަށް ވެންޓިލޭޓަރު ގައި ކަމަށެވެ.

މިހާރު ދުނިޔޭގައި ހަލުވިކަމާއި އެކު ފެތުރެމުންދާ ކޮވިޑް-19 އަށް ޕޮޒިޓިވްވި މީހުންގެ އަދަދު 8 ލައްކައަށްވުރެ މައްޗަށް އަރައިފިއެވެ.

އަންގާރު ދުވަހުގެ 17:00 އާ ހަމައަށް ބަލާއިރު ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 801،398 އަށް އަރާފައެވެ. އަދި މި ބަލި ޖެހިގެން 38،869 މަރުވެފައިވާއިރު، ބަލި ޖެހިގެން ރަނގަޅުވި މީހުންގެ އަދަދު އުޅެނީ 174،576 ގައެވެ.

މި ބަލި ދުނިޔޭގެ 204 ސަރަހައްދަކުން ފެނިފައިވާއިރު މިހާތަނަށް މި ބަލީގެ އެންމެ ގިނަ ކޭސްފެނިފައިވަނީ އެމެެރިކާއިންނެވެ. އެމެރިކާގައި 164،670 މީހުންނަށް މި ބަލި ޖެހިފައިވާއިރު 3،180 މީހުން ބަލީގައި މަރުވެފައިވެއެވެ. އަދި މި ބަލި ޖެހުނު 5،945 މީހުން ވަނީ ބަލިން ފަސޭހަވެފައެވެ.

ދެވަނައަށް މި ބަލީގެ އެންމެ ގިނަ ކޭސްތައް ރިޕޯޓުކުރެވިފައިވަނީ އިޓަލީއިންނެވެ. އިޓަލީގައި 101،991 މީހުން ވައިރަހަށް ޕޮޒިޓިވް ވެފައިވާއިރު މި ބަލި ޖެހިގެން 11،660 މީހުން އެގައުމުން މަރުވެފައިވެއެވެ. އަދި އެގައުމުގައި 14،620 މީހުން ވަނީ ބަލިން ފަސޭހަވެފައެވެ.

ތިންވަނަ އަށް ކޮވިޑް-19 ގެ އެންމެ ގިނަ ކޭސް ރިޕޯޓުކޮށްފައިވަނީ ސްޕެއިން އިންނެވެ. އެގޮތުން ސްޕެއިންގެ 94،417 މީހަކަށް މި ބަލި ޖެހުނުއިރު މި ބަލީގައި 8،189 މީހުން މަރުވެފައިވެއެވެ. އަދި އެގައުމުގައި 19،259 މީހުން ވަނީ ބަލިން ފަސޭހަވެފައެވެ.

މި ބަލި އެންމެ ފުރަތަމަ ފެނުނު ކަމަށް ބުނާ ޗައިނާއިން މިހާތަނަށް 81،524 މީހުން ކޮވިޑް-19 އަށް ޕޮޒިޓިވް ވެފައިވެއެވެ. ޗައިނާގައި ބަލި ޖެހުނު މީހުންގެ ތެރެއިން 76،060 މީހުން ވަނީ ބަލި އެއްކޮށް ފަސޭހަވެ، ދޫކޮށްލާފައެވެ. ވައިރަހަށް ޕޮޒިޓިވްވި މީހުންގެ ތެރެއިން 3،305 މީހުން ވަނީ ބަލީގައި މަރުވެފައެވެ.

ކޮވިޑް-19 ގެ ނުރައްކާބޮޑުވަމުންދާތީ އިންޑޮނޭޝިޔާއަށް ބިދޭސީން ވަނުން މަނާކުރުމަށް އެޤައުމުގެ ސަރުކާރުން މަނާކޮށްފިއެވެ.

ކޮވިޑް-19ގެ ނުރައްކަލާއި ގުޅިގެން އިނގިރޭސިވިލާތުން ވަނީ މިހިނގާ މާރޗުމަހުގެ 23 ވަނަ ދުވަހު މެދުމިނެއްގެ ލޮކްޑައުން އިޢުލާނުކޮށްފައެވެ.

ކާގޯގެ ގޮތުގައި ފޮނުވޭނީ ސްރީލަންކާއިން ލިބެންނެތް ބޭހެއް ނުވަތަ އެހެނިހެންވެސް ޒަރޫރީ ކަމެއްގައި ފޮނުވާ ތަކެތި ކަމަށް ފޮރިން މިނިސްޓްރީން ބުނެފިއެވެ.

ކޮވިޑް-19 އަށް ޝައްކުކުރެވޭ އަލާމާތްތަކެއް ހުރެގެން އަޑޫ ސިޓީން ސާމްޕަލް ނެގި މީހުންގެ ޓެސްޓުގެ ނަތީޖާ ނެގެޓިވްވެފައިވާ ކަމަށް އެޗްޕީއޭއިން ހާމަކޮށްފިއެވެ.

ކޮވިޑް-19ގެ ވެކްސިންއެއް އުފެއްދަން އެމެރިކާއިން ކުރަމުންދާ މަސައްކަތުގައި ބޮޑު ދެކުންފުޏަކުން ބައިވެރިވެއްޖެއެވެ.

ދިވެހިރާއްޖޭގެ މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ (އެމްއެމްއޭ)އިން ބޭންކުތަކަށް ދޫކުރާ ބޭރު ފައިސާގެ މިންވަރު ކުރިއަށްވުރެ އިތުރުކޮށްފިއެވެ.

ހެލްތު ޕްރޮޓެކްޝަން އޭޖެންސީ(އެޗްޕިއޭ) ބުނީ، އާދައިގެ މަތިން ކޮންމެ ދުވަހަކުވެސް މެންދުރުފަހު 02:30ގައި ބާއްވާ ނޫސްވެރިންގެ ބައްދަލުވުން މިއަދު ނޯންނާނެކަމަށެވެ. ދަރުބާރުގޭގައި ސަރުކާރުން ޤާއިމުކޮށްފައިވާ ނޭޝަނަލް އެމަރޖެންސީ އޮޕަރޭޝަން ސެންޓަރުގައި ކޮވިޑް-19 ގެ ޓާސްކް ފޯރސްއިން މަދުވެގެން ދުވާލަަކު ދެފަހަރު ޕްރެސް ބާއްވައެވެ. ޢާންމުކޮށް ބާއްވަމުން އަންނަނީ މެންދުރުފަހު 02:30 އަދި ރޭގަނޑު 0900 ގައެވެ.

މިއަދުގެ މެންދުރުފަހު ބައްދަލުވުން ކެންސަލްކުރިނަމަވެސް ކެންސަލްކުރި ސަބަބެއް ހާމަކޮށްފައެއް ނުވެއެވެ.

އެޗްޕީއޭއިން ބުނީ ދެން ޕްރެސް އޮންނާނީ މިރޭ 0900 ޖަހާއިރު ކަމަށެވެ.

ގިނަ ބައެއްގެ ހިތްތަކުން ޖާގަ ހޯދި ހެއްވާ މަޖާ ރޯލުތަކުން މަޤުބޫލުކަން ހޯދި ޖަޕާނުގެ ކޮމީޑިއަން ކެން ޝިމުރާ ކޮވިޑް-19 ޖެހިގެން މަރުވެއްޖެއެވެ.

ކޮވިޑް-19 އާ ގުޅިގެން އިންޑިއާއިން ރާއްޖެއަށް ނުގެނެވިހުރި ބޭހުގެ ޝިޕްމެންޓުތައް އިންޑިއަން އެއަރފޯސްގެ މަތިންދާބޯޓެއްގައި ބުރާސްފަތި ދުވަހު ރާއްޖެއަށް ގެނެވޭނެ ކަމަށް މިނިސްޓްރީ އޮފް ފޮރިން އެފެއަރޒުން ބުނެފިއެވެ.

ތައިލޭންޑުން އިތުރު 127 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

ކޮވިޑް-19އާ ގުޅިގެން އެއަރ ކެނެޑާގެ އޮޕަރޭޝަންތައް 90 އިންސައްތަ ދަށް ކުރުމަށް ނިންމައިފިއެވެ.

ރާއްޖޭގައި މިވަގުތު ހުރީ 97 ވެންޓިލޭޓަރު ކަމަށް ކޮވިޑް-19 ޓާސްކްފޯސްގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

ރާއްޖޭގެ އެކި ރިސޯޓުތަކުގައި ވަޒީފާ އަދާކުރަމުންދާ މުވައްޒަފުންގެ ތެރެއިން މިހާތަނަށް 11،000 އެއްހާ މުވައްޒަފުން މުސާރަ ނުލިބޭގޮތަށް ފޮނުވާލާފައިވާ ކަމަށް ޓޫރިޒަމް އެމްޕްލޯއީސް އެސޯސިއޭޝަން އޮފް މޯލްޑިވްސް (ޓީމް)އިން ބުނެފިއެވެ.

ކޮންމެ ހަފުތާއެއްގެ އާދިއްތާ ދުވަހު ސްރީލަންކާއަށް ކާގޯފްލައިޓް ދަތުރުކުމަށް ހަމަޖެހިފައިވާ ކަމަށް މިނިސްޓްރީ އޮފް ފޮރިން އެފެއަރޒުން ބުނެފިއެވެ.

އައްޑޫސިޓީގެ ފުޑް ސެކިއުރިޓީ ޔަޤީންކުރުމުގެގޮތުން، ދަނޑުވެރިކަމުގެ އުފެއްދުންތައް އިތުރުކުރުމުގެ މަސައްކަތް ފަށައިފިއެވެ.

އޮސްޓްރޭލިއާގައި ކޮވިޑް-19 ފެތުރެމުންދާ މިންވަރު އެއްވަރެއްގައި ހިފެހެއްޓި، ވައިރަސް ފެތުރޭ މިންވަރު ދަށްކަމަށް އެޤައުމުން ރިޕޯޓުކޮށްފިއެވެ.