ކޮވިޑް-19: އެންމެ ފަހުގެ

ސަރުކާރު މުވައްޒަފުންނަށް ގޭގައި ތިބެގެން މަސައްކަތް ކުރެވޭނެ އިންތިޒާމް މިނިސްޓްރީ އޮފް ކޮމިއުނިކޭޝަން، ސައިންސް އެންޑް ޓެކްނޮލޮޖީ އާއި އުރީދޫ މޯލްޑިވްސް ގުޅިގެން ހަމަޖައްސަން ނިންމައިފިއެވެ.

ދަނޑުވެރިކަމުގެ ބާވައްތައް ގަތުމަށް އެސްޓީއީއޯން ހުޅުވާ، އެގްރި ސެންޓަރު އަންނަ މަހު ހުޅުވާނެ ކަމަށް ކޮވިޑް-19ގެ ޓާސްކް ފޯހުގެ ތަރުޖަމާނު މަބްރޫކް އަޒީޒް ވިދާޅުވެއްޖެއެވެ.

ގިނަ ފާރާތްތަކެއް ދަނޑުވެރިކަމުގެ ސިނާއަތަށް ނިކުންނަންޖެހޭކަމަށާއި، ހައްދާ ހުރިހާ ތަކެތި އެސްޓީއޯ އިން ގަންނާނެކަމަށް އެސްޓީއޯގެ މެނޭޖިން ޑިރެކްޓަރ ހުސެއިން އަމްރު ވިދާޅުވެއްޖެއެވެ.

ބުރާސްފަތި ދުވަހުގެ ނިޔަލަށް ވަޒީފާއާ ގުޅުންހުރި 449 މައްސަލައަށް ޖޮބް ސެންޓަރަށް ހުށަހަޅާފައިވާ ސަރުކާރުން ހާމަކޮށްފިއެވެ.

ކޮވިޑް-19 އާއި ގުޅިގެން ސަރުކާރުގެ އެކި މުއައްސަސާތަކާއި އިދާރާތަކުން ކެނޑިނޭޅި މަސައްކަތް ކުރަމުންދާއިރު، އެ މަސައްކަތްތަކުގައި އެކި ސަފުގައި ހަރަކާތްތެރިވާ ފަރާތްތައް އެބަތިއްބެވެ. އެކަންކަމުގެ ސިޔާސަތުތައް ބައްޓަން ކުރުމުން ފެށިގެންގޮސް، ޚިދުމަތްތައް ފޯރުކޮށްދިނުމުގައި ކުރަންޖެހޭ އަމަލީ މަސައްކަތްތަކުގައިވެސް ސަރުކާރުގެ ހުރިހާ އިދާރާތަކާއި ދައުލަތުގެ ބާރުތަކުގެ ބައިވެރިވުން ބޮޑެވެ. އެގޮތުން ކޮވިޑް-19 އާއި ގުޅިގެން ކުރަމުންދާ މަސައްކަތްތަކުގައި ސަރުކާރުގެ ކުންފުންޏެއް ކަމަށްވާ ފެނަކަ ކޯޕަރޭޝަންއިންވެސް މިދަނީ އަމަލީ ގޮތުން ބައިވެރިވަމުންނެވެ.

ކޮވިޑް-19 އާއި ގުޅިގެން އަންނަ ހަފްތާގައި ދަމަނަ ވެށިން ޚިދުމަތް ދޭނީ ހަފްތާގެ ތިން ދުވަހު ކަމަށް އެ ސެންޓަރުން ބުނެފިއެވެ.

ފާއިތުވި 24 ގަޑިއިރު ތެރޭގައި ސްޕެއިން އިން ވަނީ ކޮވިޑް-19 ޖެހިގެން 950 މީހުން މަރުވެފައެވެ. އެއާއެކު އެގައުމުން މަރުވި މީހުންގެ އަދަދު ވަނީ ދިހަހާހަށްވުރެ މައްޗަށް އަރާފަ އެވެ. އަދި ވައިރަސް ޖެހިފައިވާ މީހުންގެ އަދަދުވެސް އަންނަނީ އެތައް ގުނައެއް އިތުރުވަމުންނެވެ. އެގޮތުން ބުރާސްފަތި ދުވަހު ހާމަކުރި ތަފާސްހިސާބުތަކާއެކު އެގައުމުގައި ވައިރަސް ޖެހިފައިވާ މީހުންގެ އަދަދު 102,136 ން 110,238 އަށް ވަނީ އަރާފަ އެވެ.

އެމިރޭޓްސްގެ ދަތުރުތައް މި މަހު ފަށަން ނިންމައިފިއެވެ.

ޗައިނާގެ ވުހާންގައި 108 ވޮލަންޓިއަރަކަށް ކޮވިޑް-19 ވެކްސިން އިންޖެކްޝަން ދީ ފުރިހަމަ ކޮށްފިއެވެ.

ސިންގަޕޫރުގައި ކޮވިޑް-19 ފެތުރުން ކޮންޓްރޯލް ކުރުމަށް އަޅާފައިވާ ފިޔަވަޅުތައް އިތުރަށް ވަރުގަދަ ކުރުމަށް ސްކޫލްތަކާއި މަސައްކަތް ކުރާ ގިނަ ތަންތަން 1 މަސް ދުވަހުގެ މުއްދަތައް ބަންދު ކުރަން ސިންގަޕޫރު ސަރުކާރުން ނިންމާ އެކަން ބޮޑުވަޒީރު ލީ ސެންގ ލޫންގް ހުކުރު ދުވަހު އިއުލާން ކުރައްވައިފިއެވެ.

އާރްއޯއެލް ކަސްޓަމަރުންނަށް ހިލޭ އިންޓަރނެޓް އެލަވަންސް ދޭން އެެ ކުންފުނިން ނިންމައިފިއެވެ.

ފެން ބިލު ހަމައެކަނި ޑިޖިޓަލްކޮށް ފޮނުވާ ގޮތަށް ވޯޓަރ އެންޑް ސްވަރޭޖް ކޮމްޕެނީ ޕްރައިވެޓް ލިމިޓެޑް (އެމްޑަބްލިޔުއެސްސީ) އިން ހަމަޖައްސައިފިއެވެ.

މެދުކަނޑާލާފައި އޮތް ބެލްޖިއަމް ޕްރޯ ލީގު މި ހިސާބުން ކެންސަލްކުރުމަށް ފަހު، ލީގުގެ އެއްވަނައިގައި އޮތް ކްލަބު ބްރޫޖަށް ތަށި ދޭން އެ ގައުމުގެ ފުޓްބޯޅަ ލީގުގެ ބޯޑުން ނިންމާފައިވާ ކަމަށް ރިޕޯޓުތައް ބުނެފި އެވެ.

މިހާރު މުޅި ދުނިޔޭގައި ހަލުވިކަމާއެކު ފެތުރެމުން އަންނަ ކޮރޯނާވައިރަސް (ކޮވިޑް-19) ގެ ސަބަބުން ބެލްޖިއަމް ޕްރޯ ލީގު މެދުކަނޑާލާފައިވާއިރު، ލީގުގެ އެއްވަނައިގައި ބްރޫޖް އޮތީ 15 ޕޮއިންޓުގެ ލީޑަކާއެކުއެވެ. ލީގު ހުއްޓާލިއިރު، ފުރަތަމަ ބުރުގެ ބާކީ އޮތީ އެންމެ މެޗެކެވެ. ލީގު ރޭވިފައިވާ ގޮތުން ފުރަތަމަ ބުރުގައި 16 ޓީމު ކުޅޭއިރު، ދެވަނަ ބުރަށް ދަތުރުކުރާނީ ގަދަ 6 ޓީމެވެ.

ކޮވިޑް-19 އަށް ޕޮޒިޓިވްވެފައިވާ ފުރަތަމަ ތިން މީހުން ފެނިފައިވާކަމަށް އެގައުމުން ބުނެފި އެވެ. އެފްރިކާގެ ގައުމެއްކަމަށްވާ މަލާވީން ވައިރަސް ފެނުނުކަން އިއުލާންކޮށްފައިވަނީ އެގައުމުގެ ރައީސް އެވެ.

ކޮވިޑް-19 އަށް މިހާތަނަށް އާއިރު މުޅި ދުނިޔެއިން ޕޮޒިޓިވްވި މީހުންގެ އަދަދު 1 މިލިއަނަށް އަރައިފި އެވެ.

މިހާތަނަށް އާއިރު 1000115 މީހުންނަށް ވަނީ ވައިރަސް ޖެހިފަ އެވެ. މަރުވި މީހުންގެ އަދަދު ވަނީ 51530 މީހުންނަށް އަރާފަ އެވެ. ރަނގަޅުވެފައިވާ މީހުންވަނީ 211351 އަށް ވަނީ އަރާފަ އެވެ. މުޅި ދުނިޔެއިން 207 ގައުމަކާއި ސަރަހައްދަކުން ވަނީ މިހާތަނަށް އާއިރު ވައިރަސް ފެނިފަ އެވެ.

ކޮވިޑް-19 އިން ރައްކާތެރިވުމުގެ ގޮތުން އަޅާފައިވާ ފިޔަވަޅެއްގެ ގޮތުން ބުރާސްފަތި ދުވަހުން ފެށިގެން މާލެ ހިމެނޭ ސަރަހައްދުގައި ހިންގަންފަށާފައިވާ ކާފިއުގެ ފުރަތަމަ ދުވަހު އެގަޑީގައި ބޭރަށް ނިކުމެ އުޅުނު 95 މީހަކަށް ފުލުހުން ނަސޭހަތްދީފައިވާ ކަމަށް ފުލުހުން ބުނެފި އެވެ.

ކޮންމެ ދުވަހެއްގެ ހަވީރު 5 ން ރޭގަނޑު 8 ޖެހުމާހަމަައަށް ކާފިއު ހިންގުމަށް ނިންމާފައިވާއިރު މިއަދު އެގަޑީގައި ބޭރަށް ނިކުމެ އުޅުނު 95 މީހުންގެ ތެރޭގައި ހިމެނެނީ 13 ބިދޭސީއަކާއި 82 ދިވެހިން ކަމަށް ފުލުހުން ބުނެއެވެ.

މިހާރު ކަރަންޓީނުގައި ތިބި މީހުންގެ ތެރެއިން ގިނަ ބައެއްގެ ކަރަންޓީނުގެ މުއްދަތު ހަމަވާން ކައިރިވެފައިވާކަމަށާއި އެހެންކަމުން އެމީހުން ދޫކޮށްލުމުގެ މަސައްކަތް ފަށައިގެން ކުރިޔަށް ގެންދާކަމަށް ޑޮކްޓަރ މޫސާ މުރާދު ވިދާޅުވެއްޖެ އެވެ. އެމަސައްކަތް ކުރިޔަށްދަނީ 14 ދުވަހުގެ މުއްދަތަށް ކަރަންޓީނުކުރާއިރު ކަރަންޓީނުގެ 14 ދުވަސް ގުނަނީ ކަރަންޓީނަށް މީހުންލާ ދުވަސް ނުގުނާކަމަށް ޑޮކްޓަރ ވިދާޅުވި އެވެ. ކަރަންޓީނަށް ލާ ދުވަހަކީ ފުރަތަމަ ދުވަސްކަމަށް ނުގުނާކަމަށާއި އެގޮތަށް 14 ދުވަސް ހަމަކޮށް 15 ވަނަ ދުވަހު ޓެސްޓް ހަދާނެކަމަށް ޑޮކްޓަރ ވިދާޅުވި އެވެ. އެގޮތުން ސާމްޕަލް ނަގާ ޓެސްޓްގެ ނަތީޖާ ނެގެޓިވް ވެއްޖެނަމަ އެމީހުން ދޫކޮށްލާނެކަމަށް ޑޮކްޓަރ ވިދާޅުވި އެވެ. އެހެންނަމަވެސް ނެގެޓިވް ވި ނަމަވެސް އެމީހުންގެ ސޭފްޓީ ކަށަވަރުކުރުމުގެ ގޮތުން ކުޑަ އެގްޒިޓް ސްކްރީނިންގ އެއް ހަދާނެކަމަށް ޑޮކްޓަރ ވިދާޅުވި އެވެ. އޭގަމާނައަކީ އެމީހުން ދޫކޮށްލާ ވަގުތު އެމީހުންގެ ގައިގައި އެއްވެސް އަލާމާތެއް ހުރިތޯ ބަލާނެކަމަށް ޑޮކްޓަރ ވިދާޅުވި އެވެ. ހުންހުރިތޯ އާއި ރޯގާ ހުރިތޯ އެމީހުން ކައިރީގައި އަހާނެކަމަށް ޑޮކްޓަރ ވިދާޅުވި އެވެ.

ރާއްޖޭގައި މިހާރު ކޮވިޑް-19 އަށް ޕޮޒިޓިވްވެފައިވާ 4 މީހުންގެ ހާލު ރަނގަޅުކަމަށް ޑރ މޫސާ މުރާދު ވިދާޅުވެއްޖެ އެވެ. މިރޭ ކުރިޔަށްދިޔަ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑޮކްޓަރ ވިދާޅުވީ ސިއްހީގޮތުން މާބޮޑު މައްސަލަތަކެއް ނުވަތަ ކޮމްޕްލިކޭޝަންތަކެއް ނޫޅޭކަމަށް ޑޮކްޓަރ ވިދާޅުވި އެވެ. އަދި ނެގެޓިވް މީހުންގެ ތެރެއިން 4 މީހަކު ދޫކޮށްލެވިފައިވާ ކަމަށް ޑޮކްޓަރ ވިދާޅުވި އެވެ. ނެގެޓިވް ވިއަސް ސަޝްޕިއަސް ބޮޑު މީހުން ބަލަހައްޓަމުން ގެންދާކަމަށް ޑޮކްޓަރ ވިދާޅުވި އެވެ.

ފިނޭންސް މިނިސްޓްރީން ހަފްތާއަކު ދެދުވަހު ޕޭމަންޓްތައް ޕްރޮސެސްކުރުމުގެ ކަންކަން ކުރިޔަށްގެންދާނެކަމަށް އެމިނިސްޓްރީން މައުލޫމާތު ދީފައިވާކަމަށް މަބްރޫކް ވިދާޅުވި އެވެ. އަދި މިކަމާއި ބެހޭ މައުލޫމާތު ބަނޑޭރި ޕޯޓަލް އަށް ވަނުމުން އޮންލައިންކޮށް ލިބޭނެކަމަށް މަބްރޫކް ވިދާޅުވި އެވެ. ބަނޑޭރި ޕޯޓަލްގައި ޖަހަންޖެހޭނީ އެމީހެއްގެ ވެންޑަރ ނަންބަރުކަމަށާއި އަދި ވެންޑަރ ނަންބަރު ނޭންގޭކަމަށްވާނަމަ އެބަޔަކަށް ލިބިފައިވާ ޕާޗޭސް އޯޑަރުތަކުގައި ވެންޑަރ ނަންބަރު ލިޔެފައި އޮންނާނެކަމަށްވެސް މަބްރޫކް ވިދާޅުވި އެވެ.

ޖޮބް ސެންޓަރުގައި މިއަދާ ހަމައަށް 449 މީހަކު އެމީހުންގެ ވަޒީފާތަކާއި ގުޅޭ މައްސަލަ ހުށަހަޅާފައިވާ ކަމަށް މަބްރޫކް ވިދާޅުވި އެވެ.

އެސްޓީއޯއިން 6.2 ޓަނުގެ ބޭސް އިންޑިޔާއިން ގެނައުމުގެ މަސައްކަތްކުރަމުންދާކަމަށް މަބްރޫކް ވިދާޅުވި އެވެ. އެސްޓީއޯ އެގްރި ސެންޓަރ މެއި މަހުގެ 1 ން ފެށިގެން ރާއްޖޭގައި ހުންނާނެކަމަށާއި ރާއްޖޭގައި ހެއްދޭ ކާބޯތަކެތި ގަންނާނެ ފެސިލިޓީއެއްގެ ގޮތުގައި މަސައްކަތްކުރާނެކަމަށް މަބްރޫކް ވިދާޅުވި އެވެ. އަދި މިކަމަށް ރަޖިސްޓްރީ ކުރުމަށް އެސްޓީއޯއިން އެދޭކަމަށް މަބްރޫކް ވިދާޅުވި އެވެ.

ކަރަންޓީނު ފެސިލިޓީތަކުގައި ތިބޭ މީހުންނަށް ތަކެތި ފޮނުވާ ގަޑިތަކަށް ބަދަލުގެނެވިފައިވާކަމަށް މަބްރޫކް ވިދާޅުވި އެވެ. 1624 ޕާރްސަލް މިހާތަނަށް އާއިރު އެކި ކަރަންޓީނު ފެސިލިޓީތަކަށް ގެންދެވިފައިވާ ކަމަށް މަބްރޫކް ވިދާޅުވި އެވެ.

އިނގިރޭސިވިލާތުން ރާއްޖެ އައި މީހުންނާމެދު ސުވާލުތަކެއް އުފެދިގެން އުޅޭކަމަށާއި މާލެއަށް އާދެވުނު މީހުންނާއި ކަރަންޓީނު ފެސިލިޓީތަކުގައި ތިބި މީހުންނާމެދު ސުވާލު ކުރަމުންދާކަމަށް މަބްރޫކް ވިދާޅުވި އެވެ. މަރޗް މަހުގެ 19 ވަނަ ދުވަހުން ފެށިގެން އިނގިރޭސިވިލާތުން ރާއްޖެ އައި އެންމެން ވަނީ އެއްވެސް މީހަކު އިސްތިސްނާއެއް ނުކޮށް ކަރަންޓީނު ފެސިލިޓީތަކަށް ގެންގޮސްފައިކަމަށް މަބްރޫކް ވިދާޅުވި އެވެ. މަރޗް މަހުގެ 19 ވަނަ ދުވަހުގެ ކުރިން ރާއްޖެ އައި މީހުން ގޭގޭގައި އައިސޮލޭޝަންގައި ނޯޓިސްދެވިފައި ކަމަށް މަބްރޫކް ވިދާޅުވި އެވެ. މިކަމުގައި ވަކި މީހަކަށް ވީތީ ވަކިގޮތެއް ހެދިފައި ނޯންނާނެކަމަށާއި ވަކި ނުފޫޒެއް ފޯރުވައިގެން ކަރަންޓީނަށް ނުގޮސް ގެއަށް ދެވިފައި އަދި އައިސޮލޭޝަންގައި ހުންނަ މީހަކި އެހެން ނުހުންނާނެ ގޮތަކަށް މަސައްކަތްކޮށްފައި ނޯންނާނެކަމަށް މަބްރޫކް ވިދާޅުވި އެވެ. އެކަހަލަ ގޮތަކަށް ކުރާނަމަ ފިޔަވަޅު އެޅިފައިވާކަމަށް މަބްރޫކް ވިދާޅުވި އެވެ.

ރާއްޖެއިން ބޭރުގައި ތިބި ދިވެހިން އެމްބަސީތަކަށް ގުޅައިގެން ވާހަކަދައްކަމުންދާ ކަމަށް މަބްރޫކް ވިދާޅުވި އެވެ. އެކަމަކު ހުރިހާ ކަމެއް ވަގުތުން ވަގުތަށް މިވަގުތު ނުވާކަން އެނގިވަޑައިގަންނަވާ ކަމަށާއި އެހެންނަަމެވެސް ކަންކަން ރަނގަޅުކުރުމަށް މަސައްކަތްކުރައްވާ ކަމަށް މަބްރޫކް ވިދާޅުވި އެވެ. މިއަދާ ހަމައަށް އަދި އިތުރުގޮތެއް ރާއްޖެއިން ބޭރުގައި ތިބި މީހުން ރާއްޖެއަށް ގެނައުމުގައި ހޯދިފައިވާނުވާކަމަށް މަބްރޫކް ވިދާޅުވި އެވެ.

ކާފިއު އިއުލާންކޮށްފައި ހުންނަ ގަޑިތަކުގައި ބަންގިގޮވޭނެ ގޮތަށް މިނިސްޓްރީން ވަނީ އިންތިޒާމު ހަމަޖައްސާފައިކަމަށް މަބްރޫކް ވިދާޅުވެއްޖެ އެވެ. މިހާރު ކުރިޔަށްދާ ނޫސްވެރިންގެ ބައްދަލުވުމުގައި މަބްރޫކް ވިދާޅުވީ އިސްލާމިކް މިނިސްޓްރީން ވަނީ އެކަންކަމުގެ އިންތިޒާމު ހަމަޖައްސާފައި ކަމަށާއި ހުރިހާ މުދިމުން އަތުގައި ފާސްހުންނާނެ ކަަމަށާއި އެހެންކަަމުން މިސްކިތްތަކުން ބަންގިގޮވަމުންދާނެ ކަމަށް މަބްރޫކް ވިދާޅުވި އެވެ.

ކާފިއު އިއުލާންކޮށްފައި ހުންނަ ގަޑިތަކުގައި ޑިޔުޓީ ނިމޭ ތަންތަނުން ޑިޔުޓީއަށް ބަދަލުގެނެސް އެޑްޖެސްޓްމަންޓް ގެނައުން އެދިވަޑައިގަންނަވާކަމަށް މަބްރޫކް ވިދާޅުވި އެވެ. އެގޮތުން ގެޔަށްދެވޭ ގޮތަށް ގަޑިއަށް ބަދަލުގެނައުމަށް މަބްރޫކް ވިދާޅުވި އެވެ.

ފިހާރަތައް ބަންދުކުރާ ގަޑިއާ ކައިރިކޮށް ފިހާރަތަކަށް ދާކަން ފާހަގަކުރެވޭކަމަށާއި މިއީ ކޮންމެ ދުވަހަކުވެސް ދިމާވާނެ ކަމެއްކަން ހަނދާންކުރައްވާ އަދި ބަންދުކުރާނެ ގަޑިތައް އިތުރުވާނެކަން ހަނދާންކުރައްވާ އެގޮތަށް ކަންކަން ނުކުރެއްވުމަށް މަބްރޫކް ވިދާޅުވި އެވެ. އަދި ވީވަރަކުން ޑެލިވަރީ ސަރވިސްގެ ބޭނުން ހިފުމަށް އަދި ދުރާލާ ފިހާރައަށް ދިޔުމަށް އެދިވަޑައިގެންނެވި އެވެ.

ބޭންކުން މައުލޫމާތުދޭ ގޮތުގައި މިއަދު ބޭންކުން ދިން ގިނަ ޚިދުމަތްތަކަކީ އޮންލައިންކޮށް ލިބޭނެ ޚިދުމަތްތަކެއްކަން ފާހަގަކޮށްފައިވާ ކަމަށް މަބްރޫކް ވިދާޅުވި އެވެ. އެހެންކަމުން އޮންލައިން ބޭންކިންގ އިޚިތިޔާރު ކުރުމަކީ މުހިންމު ކަމެއްކަމަށް މަބްރޫކް ވިދާޅުވި އެވެ. ކޮންމެހެން ބޭންކަށް ދާންޖެހޭ މީހުން ނުދިޔުމަށް މަބްރޫކް ވިދާޅުވި އެވެ. އަދި ބޭންކުން މައުލޫމާތުދޭ ގޮތުގައި ބޭންކުތެރޭގައި މީހުން ތިބޭއިރު ސޯޝަލް ޑިސްޓޭންސާ އެއްގޮތަށް މާކްކުރެވިފައި ހުންނާނެކަމަށް މަބްރޫކް ވިދާޅުވި އެވެ. އެމާކް ތަކުގައި މަޑުކުރުމަށާއި ޓޭކްއަވޭ ތަކާއި ކިޔުހަދާ ތަންތަނުގައި ތިބޭއިރު ސޯޝަލް ޑިސްޓޭންސްގައި ތިބުމަށް އެދިވަޑައިގަންނަވާކަމަށް މަބްރޫކް ވިދާޅުވި އެވެ.

ކާފިއުގެ ފުރަތަމަ ދުވަސް މިއަދު ޕްރެކްޓިސް ކޮށްފައިވާ ކަމަށާއި މީ ފޭސް ވަން ގެ ގޮތުގައި ބަލައިގެން ދަސްކުރަންޖެހޭ ކަންކަމާއި ދިމާވާ ދަތިތަކާއި ފުރިހަމަ ކުރަންޖެހޭ އިންތިޒާމު ބަލައިގެން މިގަޑި މިބަލީ ކަމަށް މަބްރޫކް ވިދާޅުވި އެވެ. މިހާރު ކުރިޔަށްދާ ނޫސްވެރިންގެ ބައްދަލުވުމުގައި ވާހަކަ ދައްކަވަމުން މަބްރޫކް ވިދާޅުވީ މިހާލަތު ބަދަލުކުރަން ޖެހިއްޖެ ކަމަށްވާނަމަ މިގަޑި އިތުރުކުރުމަށާއި ހާލަތަށް ތައްޔާރުވުމަށް މިގަޑީގެ ބޭނުންކުރެވޭނެ ކަމަށެވެ.

މިވަގުތު މޮނިޓަރިންގ ގެ ހާލަތުގައި އޮތް ތަންތަނަކީ :

ރިހިވެލި ދަ ޑްރީމް ހޮޓެލް މޯލްޑިވްސް

ސެވެން ކޮރަލްސް ކ. މާފުށި

މޯލްޑިވިއާނާ ސަފާރީ

އައިލެންޑް ސަފާރީ

އެސްވައި ސްޓަރސް އެންޓް

ސްރީލަންކާގެ ޞިއްޙަތާބެހޭ އޮފިޝަލުން ވިދާޅުވާގޮތުގައި، މަރުވެފައިވަނީ އުމުރުން 58 އަހަރުގެ ފިރިހެނެކެވެ. އެމީހާ މަރުވެފައިވަނީ އެޤައުމުގެ އިންފެކްޝަސް ޑިޒީސް ހޮސްޕިޓަލުގައި ފަރުވާދެމުންދަނިކޮށްކަމަށް ރިޕޯޓުތައް ބުނެއެވެ.

ސްރީލަންކާގައި ފާއިތުވެދިޔަ 24 ގަޑިއިރު 5 މީހަކު ވައިރަސްއަށް ޕޮޒިޓިވްވެފައިވެއެވެ. މިއާއެކު ވައިރަސް ޖެހުނު މީހުންގެ ޖުމުލަ އަދަދަކީ 151 އެވެ. މިހާރުވެސް 127 މީހުންނަށް ފަރުވާދެމުންދާއިރު، މީގެތެރެއިން 5 މީހެއްގެ ޙަލަތު ވަރަށް ސީރިއަސްކަމަށް ރިޕޯޓުތައް ބުނެއެވެ. އަދި ފަރުވާދީގެން 21 މީހުން ވަނީ ރަނގަޅުވެފައެވެ.

ވީއެސްޖީ ގްލޯރީ ކާގޯ ބޯޓުގެ މޮނިޓަރިންގ ހާލަތުން އާންމު ހާލަތަށް ގެނެސްފައިވާކަމަށް މަބްރޫކް ވިދާޅުވެއްޖެ އެވެ.

ރިސޯޓެއްކަމުގައި ކޮންސްޓެންސް ނޫފުށިން ދިވެއްސަކާއި ބިދޭސީއެއްގެ ގައިން ކޮވިޑް-19 ގެ އަލާމާތް ފެންނާތީ އެރިސޯޓް މޮނިޓަރިންގ ހާލަތަށް ގެނެވިފައިވާކަމަށް މަބްރޫކް ވިދާޅުވެއްޖެ އެވެ.

ވ. ކެޔޮދީން ކޮވިޑް-19 އަށް ޝައްކުކުރެވޭ އަލާމާތްހުރި ދިވެއްސަކު ފެނިފައިވާތީ އެރަށް މޮނިޓަރިންގ ހާލަތުގައިވާކަމަށް މަބްރޫކް ވިދާޅުވެއްޖެ އެވެ.

ވެލިދޫ އައިސޮލޭޝަން ފެސިލިޓީގައި : 15 މީހުން

ދަރުމަވަންތަ ހޮސްޕިޓަލްގައި : 3 މީހުން

އައިސޮލޭޝަންގައި 18 މީހުން

ކަރަންޓީނު ފެސިލިޓީތަކުގައި 880 މީހުން

އިތުރު ކަރަންޓީނު ފެސިލިޓީއެއް ހުޅުވިފައި އެއީ ފުރަވެރި ކަރަންޓީނު ފެސިލިޓީއެއް

ސާމްޕަލް ނެގިފައިވަނީ : 1288

ޕޮޒިޓިވް: 19 ޕޮޒިޓިވް

ނެގެޓިވް: 1261

1 ނަތީޖާ ނުލިބޭ

ޕޮޒިޓިވް: 19 މީހުން

ރަނގަޅުވި : 13 މީހުން

މިހާރު ފަރުވާ ހޯދަމުންދަނީ : 4 މީހުން

ކޮވިޑް-19 ފެތުރުން ހުއްޓުވުމުގެ ގޮތުން އަޅާފިޔަވަޅެއްގެ ގޮތުން ސައުދީ އަރަބިއްޔާއިން މައްކާ އާއި މަދީނާގައި 24 ގަޑިއިރު ކާފިއު އިއުލާންކޮށްފި އެވެ. ސައުދީގެ އިންޓީރިއާ މިނިސްޓްރީން ނެރެފައިވާ އިއުލާނެއްގައި އެކަން ހާމަކޮށްފައިވާއިރު އަންގާރަ ދުވަހު މައްކާ އާއި މަދީނާއިން ވަނީ 133 މީހަކަށް ވައިރަސް ޖެހިފަ އެވެ. މިހާތަނަށް އެގައުމުން 1,720 މީހުންނަށް ވައިރަސް ޖެހިފައިވާއިރު 16 މީހުންވަނީ މަރުވެފަ އެވެ. 264 މީހުންވަނީ ވައިރަސް އިން ރަނގަޅު ކުރެވިފަ އެވެ.

ސޯމާލިއާގެ ކުރީގެ ބޮޑުވަޒީރު ނޫރް ހަސަން ހުސައިން އަށް ކޮވިޑް-19 ޖެހިގެން ލަންޑަންގައި އަވަހާރަވެއްޖެ އެވެ.

އެއާއެކު ސޯމާލިއާގައި ވަނީ ތިންދުވަސް ގައުމީ ހިތާމަފާޅުކުރާ ދުވަސްތަކެއްގެ ގޮތުގައި ހަމަޖައްސާފަ އެވެ. ސޯމާލިއާގެ ކުރީގެ ބޮޑު ވަޒީރު އަވަހާރަވެފައިވަނީ ބުދަ ދުވަހު ލަންޑަންގެ ހޮސްޕިޓަލްގައި މިވައިރަސްއަށް ފަރުވާ ޙޯއްދަވަމުންދަނިކޮށެވެ. އަވާހަރަވިއިރު އުމުރު ފުޅަކީ 83 އެކެވެ.

ރައްޔިތުންގެ މަޖިލީހުގައި ބާއްވަމުން އަންނަ ނޫސްވެރިންގެ ބައްދަލުވުމުގައި ވާހަކަފުޅުދައްކަވަމުން ރައީސް މުހައްމަދު ނަޝީދު ވިދާޅުވީ އިންތިހާބު ފަސްކުރުމަށް ސަރުކާރުން ހުށަހަޅާ ބިލްގެ ޑްރާފްޓް މަޖިލީހަށް ލިބިފައިވާކަމަށެވެ. އަދި އެ ބިލްގެ ބަހުސް އަންނަ ހަފްތާގައި ފަށާނެކަމަށް ރައީސް ނަޝީދު ވިދާޅުވި އެވެ.

ރައީސް މުހައްމަދު ނަޝީދު ވިދާޅުވީ ކައުންސެލަރ ޖެނެރަލްވެސް ލަފާ އަރުވަނީ ބިލްގެ މަސައްކަތް އަވަހަށް ކުރިއަށްގެންދިއުމަށް ކަމަށެވެ. އެހެންކަމުން ބިލްގެ މަސައްކަތް އަވަހަށް ކުރިއަށްގެންދާނެކަމަށް ރައީސް ނަޝީދު ވިދާޅުވި އެވެ.