ކޮވިޑް-19: އެންމެ ފަހުގެ

އިނގިރޭސިވިލާތުގެ ބޮޑުވަޒީރު ބޯރިސް ޖޯންސަންގެ ލޯބިވެރިޔާ ކެރީ ސައިމަންޑްސް ކޮވިޑް-19 އަށް ޕޮޒިޓިވް ވެއްޖެ އެވެ.

ކޮވިޑް-19 ރޯގާއާއި ގުޅިގެން ސަރުކާރުގެ ވުޒާރާތަކުން ދަނީ މިކަމުން އަރައިގަތުމަށް ގިނަ މަަސައްކަތްތަކެއް ކުރަމުންނެވެ. ސަރުކާރުން އެކުލަވާލާފައިވާ ޓާސްކްފޯރސްގައި ހިމެނޭ ޖެންޑަރ މިނިސްޓްރީންވެސް ދަނީ އެ މިނިސްޓްރީން ޚިދުމަތް ހޯދާ ފަރާތްތަކައް މެދު ކެނޑުމެއްނެތި ޚިދުމަތް ލިބޭނެ އިންތިޒާމު ހަމަޖައްސަމުންނެވެ. އެގޮތުން، ސައިކޯސޯޝަލް ސަޕޯޓް ޚިދުމަތާއި، ދައުލަތުގެ ބެލުމުގެ ދަށުގައި މީހުންނާއި ކުދިން ބަލަހައްޓަމުންދާ މަރުކަޒުތަކުގައި މެދުކެނޑުމެއްނެތި ޚިދުމަތްދެމުންދާކަމަށް ފާހަގަކޮށްލެވެއެވެ.

ރާއްޖެ ޓީވީގެ މިރޭގެ ފަލަ ސުރުޚީ ޕްރޮގުރާމުގައި، އެމިނިސްޓްރީގެ ޑެޕިއުޓީ މިނިސްޓަރ ޔުމްނާ ގެންދަވަނީ އެކަންކަން ތަފުޞީލުކޮށްދެއްވަމުންނެވެ.

ބައިނަލްއަޤުވާމީ ޞައްޙަ މަސްދަރުން މިއަދު ޢާންމުކޮށްފައިވާ ކޮވިޑް-19 ގެ އެންމެ ފަހިގެ ޑޭޓާތަކައް ބަލާއިރު މިއަދު ކޮވިޑް-19 އަށް އެންމެ ގިނަ މީހުން އިންފެކްޓްވީވެސް، އަދި މަރުވީވެސް އެމެރިކާއިންނެވެ.

ކޮވިޑް-19 އާއި ގުޅިގެން ކޮންމެ ދުވަހަކު ކާފިއު ހިންގާ ގަޑީގައި އެއަށް ޢަމަލު ނުކުރެވޭނަމަ އަދި ކުރެވޭ ކަމެއްގެ ސަބަބުން 24 ގަޑި އިރުގެ ކާފިއުއަކަށް ދިއުން އެކަށީގެންވާ ކަމަށް ވިދާޅުވެ ޑރ. މޫސާ މުރާދު އިންޒާރު ދެއްވައިފިއެވެ.

މާލެ ހިމެނޭ ޞަރަޙައްދުގައި ހިންގަން ފަށާފައިވާ ކާފިއުގައި ހޮނިހިރު ދުވަހު ބޭރަށް ނިކުމެ އުޅުނު 141 މީހަކު ފުލުހުން ހުއްޓުވި ކަމަށް ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

ވަޒީފާއާ ގުޅޭ އެކިއެކި މައްސަލަތަކުގައި ރިޕޯޓުކުރާ މިންވަރު އިތުރު ކަމަށާއި، މިހާތަނަށް 677 މައްސަލައެއް ހުށަހަޅާފައިވާ ކަމަށް ކޮވިޑް-19 ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

ފަރުކޮޅުފުށީގައި ކަރަންޓީންގެ ފެސިލިޓީ ޤާއިމުކުރުމަށް 5.9 މިލިއަން ރުފިޔާ ހޭދަކޮށްފައިވާ ކަމަށް ކޮވިޑް-19 ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

ކޮވިޑް-19 ގެ އަލާމާތްތަކެއް ފެނިގެން ވ. ކެޔޮދޫއިން ދިވެއްސަކު ގައިން ނެގި ސާމްޕަލް ނެގެޓިވް ކަމަށް ކޮވިޑް-19 ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

ބަލި މީހާގެ އައިޑީކާޑު އަތުގައި ނެތި، ނަންބަރު ފެންނަ ފޮޓޮއެއް ހުށަހެޅުމުން ބޭސްދޫކުރާނެ ކަމަށް އާސަންދައިން ބުނެފިއެވެ.

ނޭޝަނަލް އެމަރޖެންސީ އޮޕަރޭޝަން ސެންޓަރުގައި މިހާރު ކުރިޔަށްދާ ޕްރެސްގައި، ކޮވިޑް-19 ގެ ތަރުޖަމާނު ވިދާޅުވީ، މިހާރު ކަރަންޓީން މަރުކަޒުގެ ގޮތުގައި ބޭނުންކުރަނުންދާ ރިސޯޓުތައް ފުރިއްޖެ ހާލަތެއްގައި ސްކޫލް ހޯލުތައްވެސް ބޭނުންކުރާނެކަމަށެވެ. މަބްރޫކް ވިދާޅުވީ ރާއްޖެއިން ބޭރުގަ ތިބި ދިވެހިން އަނބުރާ ޤައުމަށް ނުގެނެވިގެން އުޅެނީ ކަރަންޓީން ފެސިލިޓީސް ތަކުގައި ޖާގަނެތިގެން ނޫންކަމަށެވެ.

މިހާރު ކުރިޔަށްދާ ކޮވިޑް-19 ޕްރެސްގައި މަބްރޫކް ޑރ މުރާދު ވިދާޅުވީ ކަފިއުގެ އަމުރު ތަންފީޒުކުރުމުގެ މަސައްކަތް ކުރަމުންދާއިރު، އެގޮތައް އާންމުން އަމަލުނުކުރާނަމަ 24 ގަޑިއިރުގެ ކާފިއުއަކަށް ދާންޖެހިދާނެކަމަށެވެ.

މިއަދުވެސް 140 މީހުން ކާފިއު ގަޑީގައި ހުއްޓުވާ ސުވާލުކުރަން ޖެހުނު ކަމަށް ޓާސްކްފޯރސްއިން ބުނެއެވެ.

* 98 މީހަކު ވަނީ ފްލޫ ކްލިނިކުން ޚިދުމަތް ހޯދާފައި

* 777 މީހަކު ޖޮބް ސެންޓަރުގައި ރަޖިސްޓްރީކޮށްފައިވޭ

* 24 ގަޑިއިރުގެތެރޭގައި 290 މީހަކު ރިސޯޓުތަކުން ޝަކުވާ ފޮނުވާފައިވޭ

ކޮންސްޓެންސް މޫފުށި : މޮނިޓަރިންގެ ޙާލަތުގައި

ވ. ކެޔޮދޫން ނެގި ސާމްޕަލް ނެގެޓިވް

އައިސޮލޭޝަން ފެސިލިޓީސްތަކުގައި 12 މީހުން

ކަރަންޓިން ފެސިލިޓީސްތަކުގައި : 833 މީހުން

މިހާތަނަށް ނެގުނު ސާމްޕަލް ގެ އަދަދު: 1491

ނެގަޓިވް: 1064 ސާމްޕަލް

ޕެންޑިންގް 5 ސާމްޕަލް

އިނގިރޭސި ޕްރިމިއާ ލީގުގެ އެއްވަނައިގައި އޮތް ލިވަޕޫލްގެ ބައެއް މުވައްޒަފުން ނޯޕޭ ލީވްއަށް ފޮނުވާލުމަށް ނިންމައިފި އެވެ.

ކޮރޯނާވައިރަސް (ކޮވިޑް-19) ގެ ސަބަބުން ދިމާވާ މާލީ ގޮންޖެހުންތަކުން އަރައިގަތުމަށް ޕްރިމިއާ ލީގުގެ ބައެއް ކްލަބުތަކުގެ މުވައްޒަފުން ނޯޕޭއަށް ފަނޮވާލަމުން އަންނައިރު، އެކަމާ ގުޅިގެން ޕްރިމިއާ ލީގުގެ ކްލަބުތަކަށް ވަނީ ފާޑުކިޔުން އަމާޒުވެފައެވެ.

ހޮނިހިރު ދުވަހުގެ ވަގުތެއްގައި ޔޫރަޕްގެ ޗެމްޕިއަން ލިވަޕޫލުން ވަނީ އެ ކްލަބުގެ ބައެއް މުވައްޒަފުން ނޯޕޭ ލީވްއަށް ފޮނުވާލާފައެވެ. އިނގިރޭސިވިލާތުގައި ނޯޕޭއަށް ފޮނުވާލާ މުވައްޒަފުންނަށް ސަރުކާރުން ކަނޑައަޅާފައިވާ ސްކީމްގެ ދަށުން އެމީހެއްގެ މުސާރައިގެ 80 އިންސައްތަ ލިބެއެވެ.

ބޮލީވުޑްގެ ތަރި ޝާހުރުކް ޚާނާއި އޭނާގެ އަންހެނުން ގައުރީ ޚާން ވަނީ އެމީހުންގެ އަމިއްލަ އޮފީސް ހުންނަ ހަތަރު ބުރީގެ ޢިމާރާތް ކަރަންޓީން ފެސިލިޓީއަކަށް ހެދުމަށް ބްރިހާންމުމްބާއީ މުނިސިޕަލް ކޯޕަރޭޝަން (ބީއެމްސީ) އަށް ދީފިއެވެ.

މުޅި ދުނިޔެ ކޮރޯނާވައިރަސް (ކޮވިޑް-19) ރޯގާ ޖެހި ކުޑަކަކޫ މައްޗަށް ތިރިވެ، ހަނގުރާމަ ކުރަމުންދާއިރު، ދިވެހި ސަރުކާރުން ދިވެހި ރައްޔިތުންގެ ސަލާމަތާއި ރައްކާތެރިކަމަށް އަޅަމުންދާ ފިޔަވަޅުތަކަކީ، ދިވެހި ރައްޔިތުންގެ އިތުރުން ދުނިޔޭގެ ޞިއްޙަތާބެހޭ ޖަމްޢިއްޔާ ޑަބްލިޔުއެޗްއޯއިންނާއި ދުނިޔޭ މާލީ އިދާރާތަކުންވެސް ބަލައިގަންނަ ޙިކުމަތްތެރި ފިޔަވަޅުތަކެކެވެ.

ބައިނަލްއަޤުވާމީ ކާރިޘާއެއް ތަޖުރިބާކުރަމުންދާ މިފަދަ ދަނޑިވަޅެއްގައި ރާއްޖޭގެ ހުރިހާ ޓޫރިސްޓް ފެސިލިޓީތަކަކުންވެސް ރާއްޖޭގެ ޤާނޫނާއި ޤަވާއިދުތަކަށް އިހުތިރާމް ކުރުމަށް ޓުއަރިޒަމް މިނިސްޓްރީން އިލްތިމާސް ކޮށްފިއެވެ.

ދުނިޔޭގެ 207 ޤައުމަކަށް/ޓެރިޓަރީއެއްގައޮ ކޮވިޑް-19 ފެތުރެމުންދާއިރު، މިހާތަނަށް 1,133,801 މީހުން ވަނި ވައިރަސްއަށް ޕޮޒިޓިވްވެފައެެވެ. އަދި ވައިރަސްގައި މިހާތަނަށް 60,398 މީހުން ވަނީ މަރުވެފައެވެ. އަދި ފަރުވާދީގެން 236,005 ވަނީ ރަނގަޅުވެފައެވެ.

އަދިވެސް ދުނިޔޭގެ އެކިކަންކޮޅުތަކުގައި 837,398 ފަރުވާދެމުންދާއިރު، މީގެތެރެއިން 39,650 ސީިރިއަސް ޙާލަތުގައި ތިބިކަން ރިޕޯޓުތަކުން އިނގެއެވެ. މިއަދު އެންމެ ގިނަ ކޭސްތައް ރިޕޯޓުކުރެވުނީ ސްޕެއިނުންނެވެ. އެއީ 5537 އެވެ. ދެން އެންމެ ގިނައިން ރިޕޯޓުކުރެވިފައިވަނީ އިރާން(2،560) އަދި ބެލްޖިއަމް(1661) އެވެ.

އިރުމަތީ އޭޝިޔާއަށް ބަލާއިރު ، މިއަދު އެންމެ ގިނަ ކޭސް ރިޕޯޓް ކުރެވުނީ މެލޭޝިޔާއިންނެވެ. އެގޮތުން، މެލޭޝިޔާ(150)، އިންޑޮނޭޝީޔާ(106) އަދި ދެކުނު ކޮރެއާއިން (94) ކޭސް ރިޕޯޓުކުރެވިފައިވެއެވެ.

ސްރީލަންކާގައި ދިރިއުޅެމުންދާ ދިވެހިންނަށް ރާއްޖޭގައި ތިބި އާއިލާގެ މެމްބަރުންގެ ފަރާތުން ކެއާ ޕެކޭޖް ފޮނުވުމަށް ހުޅުވާލުމުން ގިނަ ބަޔަކު ކިޔޫ ހަދައިފިއެވެ.

މާލެ ސަރަހައްދުގެ ހުރިހާ މިސްކިތްތަކާއި ރިސޯޓުތަކުގައި، ޖަމާޢަތުގައި ނަމާދުކުރުން މެދުކަނޑާލަން ނިންމި ނިންމުން އޭޕްރިލް މަހުގެ 11 ވަނަ ދުވަހުގެ އަސްރު ނަމާދާއި ހަމަޔަށް އިތުރުކުރަށް އިސްލާމިކް މިނިސްޓްރީން ނިންމައިފިއެވެ.

ކޮވިޑް-19 ޕެންޑެމިކް އާއި ގުޅޭގޮތުން، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު ސްރީލަންކާގެ ބޮޑުވަޒީރު މަހިންދަ ރާޖަޕަކްސަ އަށް ފޯނުން ގުޅުއްވާ މަޝްވަރާކުރައްވައިފިއެވެ.

ހޮނިހިރު ދުވަހު ހެނދުނު ފޯނުން ގުޅުއްވާ ދެއްކެވި ވާހަ

ކޮރޯނާވައިރަސް (ކޮވިޑް-19) އަށް ޕޮޒިޓިވްވި ޕޯޓްސްމަތުގެ ފަސް ކުޅުންތެރިންވެސް ރަނގަޅުވެއްޖެ އެވެ.

އިނގިރޭސި ތިންވަނަ ޑިވިޝަނުގައި ވާދަކުރަމުން އަންނަ ޕޯޓްސްމަތުގެ ފަސް ކުޅުންތެރިއަކު މި ވައިރަހަށް ޕޮޒިޓިވްވީ މާޗު މަހު އެވެ. އެ ކުޅުންތެރިންނަކީ ޕޯޓްސްމަތުގެ ޖޭމްސް ބޮލްޓޮން، އެންޑީ ކެނަން، ސީން ރެގެޓް، ހާޖީ މްނޯގާ އަދި ރޮސް މެކްރޫރީ އެވެ. މި ފަސް ކުޅުންތެރިންވެސް މިހާރު އެއްކޮށް ރަނގަޅުވެފައިވާ ކަމަށް ޕޯޓްސްމަތުން ވަނީ ހާމަކޮށްފައެވެ.

ކިރިގިސްތާނުގައި މީހަކު ކޮވިޑް-19 ޖެހިގެން މަރުވެއްޖެއެވެ. މެރުތެރޭ އޭޝިޔާގެ ޤައުމެއްކަމަށްވާ ކިރިގިސްތާނުގައި މަރުވީ އުމުރުން 61 އަހަރުގެ މީހެއްކަމަށް އެޤައުމުގެ ސަރުކާރުން ހާމަކުރެއެވެ. މަރުވި މީހާއަކީ އެޤައުމުގެ ދެކުނު އޯޝް ޕްރޮވިންސްގެ މީހެއްކަމަށާއި ވައިރަސް ޖެހުމުގެ ކުރިންވެސް އޭނާއަކީ އެހެނިހެން ނުރައްކާތެރި ބަލިތަކެއް ތަޙައްމަލުކުރަމުން އައި މީހެއްކަމަށް ރިޕޯޓުކޮށްފައިވެއެވެ. އެޤައުމުން މިހާތަނަށް 130 މީހުން ކޮވިޑް-19 އަށް ޕޮޒިޓިވްވެގެން ރިޕޯޓުކޮށްފައިވެއެވެ.

ދަރުބާރުގޭގައި ބާއްވަމުން އަންނަ ނޫސްވެރިންގެ ބައްދަލުވުމުގައި މަބްރޫކް ވިދާޅުވީ 300 އެނދުގެ ފެސިލިޓީއެއް ހެދުމުގެ މަސައްކަތް ކުރަމުން އަންނަކަމަށެވެ. އަދި އެ މަސައްކަތް ކުރަމުން އަންނަނީ އެމްއެންޑީއެފާއި، އެޗްޑީސީން ކަމަށް މަބްރޫކް ވިދާޅުވި އެވެ.

މަބްރޫކް ވިދާޅުވީ އޭގެ އިތުރުން ވެންޓިލޭޓަރު ގެނައުމުގެ މަސައްކަތްތައް ކުރައަށްގެންދާކަމަށާއި، އަންނަ ހަފްތާގެ ތެރޭގައި 65 ވެންޓިލޭޓަރެއް ގެނެވޭނެކަމަށެވެ.

ދަރުބާރުގޭގައި ބާއްވަމުން އަންނަ ނޫސްވެރިންގެ ބައްދަލުވުމުގައި މަބްރޫކް ވިދާޅުވީ ކަރަންޓިން ފެސިލިޓީތަކުގައި ތިބި 49 މީހަކު މާދަމާ ދޫކޮށްލުމަށް ހަމަޖެހިފައިވާކަމަށެވެ. އަދި އެ މީހުން ދޫކޮށްލުމަށްޓަކައި، ޓެސްޓުތައް ހަދަމުން އަންނަ ކަމަށާއި، ދޫކޮށްލާނީ ނާތީޖާ ނެގެޓިވްކަމަށް ދައްކާކަމުގައިވާނަމަކަމަށް މަބްރޫކް ވިދާޅުވި އެވެ.

މަބްރޫކް ވިދާޅުވީ އާއިލާއިން އެ ފަރާތްތައް ބަލާ އަންނައިރު، އެއް ބޭފުޅަކު ވަޑައިގެންނެވުމަކީ އެދުމެއް ކަމަށެވެ.

ދަރުބާރުގޭގައި ބާއްވަމުން އަންނަ ނޫސްވެރިންގެ ބައްދަލުވުމުގައި ތަރުޖަމާން މަބްރޫކް އަޒީޒް ވިދާޅުވީ، ދަރުމަވަންތަ ހޮސްޕިޓަލްގައި ފަރުވާދެމުންދިޔަ ދެ މީހަކު ދޫކޮށްލާފައިވާކަމަށެވެ. އެ ދެ މީހުންނަކީ ބަތަލާ ރިސޯޓުން، ކޮވިޑް-19 އަށް ޕޮޒިޓިވްވި 2 މީހުންނެވެ.

މަބްރޫކް ވިދާޅުވީ އެ މީހުން، ކޮވިޑް-19 އަށް ނެގެޓިވްވުމުން އެ މީހުން ދޫކޮށްލީ، މިއަދުން މިއަދަށް ފުރައިގެން ޤައުމަށްދާގޮތަށް ކަމަށެވެ.

ކޮވިޑް-19 ގެ ނުރައްކާ ބޮޑުވެ، ސައުދީގެ 3 ޞަރަހައްދެއްގައި ކާފިއުގެ އަމުރު ވަރުގަދަކޮށްފިއެވެ. އެގޮތުން މިއަދު މެންދުރުފަު 0300 އިންފެށިގެން ދައްމާމް ، ޠާއިފް އަދި އަލް-ޤާތިފް އަވަށުގައި 24 ގަޑިއިރުގެ ކާފިއުގެ އަމުރުވަނީ އިއުލާނުކޮށްފައެވެ. އެޤައުމުގެ ދާޚިލީ ވުޒާރާއިން މައުލޫމާތުދޭގޮތުގައި މި ތިން ސިޓީއަށް ކޮވިޑް ފެތުރިދާނެކަމުގެ ބިރު ބޮޑެވެ.

ސައުދީގައި މިހާތަަނަށް 1،885 މީހުން ވައިރަސްއަށް ޕޮޒިޓިވްވެ 21 މީހުން ވަނީ މަރުވަފެއެވެ.

ސައުދީ ޢަރައްބިޔާގެ ދައުލަތުގެ މިޑިއާއިން ޚަބަރުފަތުރާގޮތުގައި، ރަސްގެފާނު އަބްދުލް އަޒީޒުވަނީ 2.4 ބިލިއަން ޑޮލަރު ފައިސާގެ ގޮތުގައި ދެއްވުމަން ނިންމަވާ، ކަމާއި ގުޅުންހުރި އިދާރާތަކައް އެކަން ކުރުމަށް އަމުރުކުރައްވާފައެވެ.

ފައިސާ ބެހުމަށް ހަމަޖެހިފައިވަނީ ކޮވިޑް-19 އާއި ގުޅިގެން ޕްރައިވެޓް ކުންފުނިތަކައް ލިބެމުންދާ މާލީ ގެއްލުމާއި ގުޅިގެން، އަޅަމުންދާ ފިޔަވަޅުތަކުގެ ސަބަބުން އެކި ކަންކަން ތަޙައްމަލުކުރަން ޖެހިފައިވާ މުވައްޒަފުންނަށް ކަމަށް ޚަބަރު ލިބެއެވެ.

ސައުދީ ޕްރެސް އޭޖެންސީން މަޢުލޫމާތުދޭގޮތުގައި އެޤައުމުގައި 1.2 މިލިއަން މީހުން ޕްރައިވެޓް ސެކްޓަރގައި މަސައްކަތްކުރެއެވެ.

ޖަރުމަންގެ މިއުނިކް ދޫކޮށް ބަވޭރިއާއަށް ދިޔުމުން ބަޔާން މިއުނިކްގެ ޑިފެންޑަރު ޖެރޯމް ބޯޓެން ޖޫރިމަނާކުރަން އެ ކްލަބުން ނިންމައިފި އެވެ.

އުމުރުން 31 އަހަރުގެ ބޯޓެން މިއުނިކް ދޫކޮށް ބަވޭރިއާއަށް ދިޔައީ އޭނާގެ ހަތަރު އަހަރުގެ ދަރިފުޅު ބަލުވުމުންނެވެ. ބަވޭރިއާއަކީ މިހާރު ފެތުރެމުންދާ ކޮރޯނާވައިރަސް (ކޮވިޑް-19) އާ ގުޅިގެން ޖަރުމަނުން އެންމެ ފުރަތަމަ ލޮކްޑައުން ކުރި އެއް ސަރަހައްދެވެ.

ބޯޓެން ބުނީ ކްލަބަށް ނާންގައި މިއުނިކް ދޫކޮށް ދިޔުމަކީ ކުށެއް ކަމަށާއި، އެކަމަކު އެ ދަނޑިވަޅުގައި ދަރިފުޅު ބަލިވުމުން އިތުރު ކަމަކާ ނުވިސްނުނު ކަމަށެވެ.

ކޮރޯނާވައިރަސް (ކޮވިޑް-19) ގެ ސަބަބުން މެދުކަނޑާލާފައިވާ ފުޓްބޯޅަ ލީގުތަކުގެ މެޗުތައް ޖުލައި މަހު ފެށުމަށް މަސައްކަތް ކުރަމުން އަންނަ ކަމަށް ރިޕޯޓުތައް ބުނެފި އެވެ.

ކޮވިޑް-19 ގެ ސަބަބުން ޔޫރަޕްގެ ގަދަ ފަސް ލީގުގެ ކުޅުން ވަނީ މެދުކަނޑާލާފައެވެ. ޔޫރަޕްގެ ގަދަ ފަސް ލީގު މެދުކަނޑާލި ނަމަވެސް، ބެލަރޫސްގައި ލީގުގެ ކުޅުން ކުރިއަށްދެއެވެ. ބެލަރޫސިއަން ޕްރިމިއާ ލީގަކީ މިހާތު ޔޫރަޕްގައި ކުރިއަށްދާ ހަމައެކަނި ފުޓްބޯޅަ ލީގެވެ.

މާލޭގައި ކާފިއު އިޢުލާނު ކޮށްފައިވާ ވަގުތު ތަކުގައި %99.9 މީހުން ތިބީ ގޭގައި ކަމަށް އެސިސްޓެންޓް ކޮމިޝަނަރ އޮފް ޕޮލިސް އިސްމާއިލް ނަވީން ވިދާޅުވެއްޖެ އެވެ.

ޖަލުގައި ހުކުމް ތަންފީޒު ކުރަމުންދާ މީހުންނާއި ކަރެކްޝަނަލް ސަރވިސްގެ ބެލުމުގެ ދަށުގައި ބަންދުގައި ތިބޭ މީހުންނަށް ވީޑިއޯ ކޯލް މެދުވެރިކޮށް އާއިލާއާ ބައްދަލު ކުރެވޭނެ އިންތިޒާމު ބުރާސްފަތި ދުވަހު ހަމަޖައްސައިފިއެވެ.

ކޮވިޑް-19 އާ ދެކޮޅަށް ރާއްޖެއިން ކުރާ މަސައްކަތުގައި އެހީވުމަށް ވަރލްޑް ބޭންކުން ރާއްޖެއަށް 7.3 މިލިއަން ޑޮލަރު (112.57 މިލިިއަން ރުފިޔާ) ގެ އެހީދިނުމަށް ނިންމައިފިއެވެ.

ދެކުނު ކޮރެއާގައި ކޮވިޑް-19 ފެތުރުން ކޮންޓްރޯލް ކުރުމަށް އެ ޤައުމުގައި އަޅާފައިވާ ފިޔަވަޅުތަކުގެ ދަށުން އެ ޤައުމުގެ 27،000 މީހުން ސެލްފް-ކަރަންޓީން ވެއްޖެއެވެ.