އެމްއެމްޕީއާރްސީ ޚިޔާނާތުގެ ލިސްޓުގައި ދައުލަތުގެ މަގާމުތަކުގައި ތިބި 119 މީހަކު
އައްޔަން ކޮށްފައިވާ މަގާމުތަކުގައި ތިބި މީހުން ވަގުތުން ވަކިވާން ޖެހޭ ކަމަށް ވެސް ބުނޭ
އެމްއެމްޕީއާރްސީގެ މައްސަލާގައި ލިސްޓުގައި ހިމެނޭ މީހުންގެ ލިސްޓް ހާމަ ކުރަންޖެހޭ
އެމްއެމްޕީއާރްސީގެ ޚިޔާނާތުގެ ލިސްޓުގައި މިހާރު ދައުލަތުގެ އެކި މަގާމުތަކުގައި ތިބި 119 މީހެއްގެ ނަން އެބައޮތް ކަމަށް ކޮމިޓީން ހާމަކޮށްފިއެވެ.
ދައުލަތުގެ މަގާމުތަކުގައި ތިބި މީހުންގެ ތެރޭގައި، އައްޔަން ކޮށްފައިވާ މަގާމުތަކުގައި ތިބި މީހުންނާއި، އިންތިޚާބީ މަގާމުތަކުގައި ތިބި މީހުން ހިމެނެއެވެ. އައްޔަން ކޮށްފައިވާ މަގާމުތަކުގައި ތިބި މީހުން މަގާމުން ވަކި ކުރުމުގެ މަސައްކަތް ފެށުމަށް ކޮމިޓީން ވަނީ ނިންމާފައެވެ. އިންތިޚާބީ މަގާމުތަކުގައި ތިބި މީހުން އަމިއްލައަށް އިސްތިއުފާ ދިނުމުން ނޫން ގޮތަކަށް މަގާމުން ވަކިވާނެ ގޮތެއް އަދި ނެތުމުން އެފަދަ މީހުންގެ މައްސަލަތައް އަވަސް ކުރުމަށް ކަމާބެހޭ ފަރާތްތަކަށް ދެންނެވުމަށްވެސް ކޮމިޓީންވަނީ ނިންމާފައެވެ.
އިންތިޚާބު ވެފައިވާ މަގާމުތަކުގައި ތިބި މީހުންނާ ދޭތެރޭ ސިޔާސީ ޕާޓީތަކުން ގޮތެއް ނިންމުމަށްވެސް ހުށަހަޅާފައިވެއެވެ. ދައުލަތުގެ މުވައްޒަފުންގެ ޝަރީއަތްތައް އަވަސް ކުރުމަށްވެސް ކޮމިޓީގެ މެމްބަރުން ވަނީ ހުށަހަޅާފައެވެ.
އެމްއެމްޕީއާރްސީގެ ޚިޔާނާތާ ގުޅޭ މައްސަލަ ބަލައި ޖުޑިޝަރީ ކޮމިޓީ އާއި ސަލާމަތީ ޚިދުމަތްތަކާ ބެހޭ ކޮމިޓީގެ ޖޮއިންޓް ކޮމިޓީގެ ރިޕޯޓާއެކު ލިސްޓް އާއްމު ކުރުމަށްވެސް މިހާރުވަނީ ނިންމާފައެވެ. އާއްމުކުރަން ނިންމާފައިވަނީ މުޅި ލިސްޓާއި، ދައުލަތުގެ މަގާމުތަކުގައި ތިބި މީހުންގެ ލިސްޓް ވަކިންނެވެ.
އެެސެޓް ރިކަވަރީ ކޮމިޝަނުން ލިސްޓް ހާމަކުރިޔަސްް ތަހުގީގަށް ހުރަސް ނޭޅޭނެ ކަމަށް ބުނުމުން ލިސްޓް ހާމަ ކުރަން ނިންމީ ކަމަށް ކޮމިޓީން ފާހަގަކުރިއެވެ.
