ކޮވިޑުން ރައްކާތެރިވުމަށް މިސްރުގެ ރެސްޓޯރަންޓުތަކާއި ފިހާރަތައް ބަންދު ކުރަނީ
5 މެއި 2021 | ބުދަ 16:57މި މަހުގެ 12 ވަނަ ދުވަހުން ފެށިގެން 16 ވަނަ ދުވަހުގެ ނިޔަލަށް އާންމުން އެއްވާ ސަރަހައްދުތަކާއި ޕާކުތައް ބަންދުކުރުމަށް ވެސް ވަނީ ނިންމާފައި
މިސްރުގެ ކެފޭއެއްގެ ތެރެ - މިސްރުގައި ކޮވިޑުން ރައްކާތެރިވުމަށް އަޅާފައިވާ ފިޔަވަޅުތައް ވަރުގަދަ ކުރުމުގެ ގޮތުން ރެސްޓޯރަންޓުތައް ބަންދު ކުރުމަށް ވަނީ ނިންމާފައި
ކޮވިޑް-19 ހަލުވިކަމާއިއެކު ފެތުރެމުންދާތީ މިސްރުން ރައްކާތެރި ކަމުގެ ފިޔަވަޅުތައް ހަރުކަށި ކޮށްފިއެވެ.
ރިޕޯޓްތައް ބުނާ ގޮތުން ކުރިއަށް އޮތް އީދާއި ދިމާކޮށް މިސްރުން ރައްކާތެރިކަމުގެ ފިޔަވަޅުތައް ވަރުގަދަ ކޮށްފައިވާއިރު ރޭގަނޑު 21:00 އިން ފެށިގެން ރެސްޓޯރަންޓުތަކާއި ފިހާރަތައް ބަންދުކުރުމަށް ވަނީ ނިންމާފައެވެ.
މީގެ އިތުރުން މި މަހުގެ 12 ވަނަ ދުވަހުން ފެށިގެން 16 ވަނަ ދުވަހުގެ ނިޔަލަށް އާންމުން އެއްވާ ސަރަހައްދުތަކާއި ޕާކުތައް ބަންދުކުރުމަށް ނިންމާފައިވާ ކަމަށާއި އީދު ފާހަގަ ކުރުމަށް ހަރަކާތްތައް ނުބޭއްވުމަށް ނިންމާފައިވާ ކަމަށް ސަރުކާރުން ވަނީ ބުނެފައެވެ.
ހުސްވި އަހަރުގެ ޖޫން މަހުން ފެށިގެން މިސްރުން ވަނީ ރޭގަނޑު ކާފިއު ވަގުތުވެސް ކަނޑައަޅާފައެވެ. މިސްރު ސަރުކާރުން ބުނީ ކާފިއު ވަގުތު އުވާލުމުގެ ވިސްނުން އަދިވެސް ނުގެންގުޅޭ ކަމަށާއި ކޮވިޑުން ރައްކާތެރިވުމަކީ ކޮންމެ ފަރުދެއްގެ ވެސް އަމިއްލަ ޒިންމާއެއްގެ ގޮތުގައި ދުށުމަށެވެ.
މިސްރުން އަންގާރަ ދުވަހު އެކަނިވެސް 1090 މީހުން ކޮވިޑަށް ޕޮޒިޓިވްވެފައިވާއިރު، މި ބަލީގައި 60 މީހުން ވަނީ ނިޔާވެފައެވެ.
