ވޯޓުލާނެ ބަޔަކު ނެތިގެން ވޯޓުލުން ނުފެށިފައި
1 މެއި 2021 | ހޮނިހިރު 07:35އިސްކަންދަރު ސުކޫލުގައި ބަހައްޓާފައިހުރި ކެންދޫ ވޯޓު ފޮށްޓަށް ވޯޓުލާން ބަޔަކު ނާދޭ
އިސްކަންދަރު ސްކޫލް ވޯޓުލާ މަރުކަޒު
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބު 2020ގެ ދެވަނަ ބުރުގެ ވޯޓުލުމުގައި ބ.ކެންދޫ ވޯޓުފޮށްޓަށް ވޯޓުލާނެ މީހަކު ނެތުމުން ވޯޓު ލުމުގެ މަސައްކަތް ފެށިފައި ނުވާކަމަށް އިލެކްޝަކްސް ކޮމިޝަނުން ބުނެފިއެވެ.
ވޯޓުލުން ފެށުމަށް ހަމަޖެހިފައިވާ ވަގުތުގެ ދެގަޑިއިރު ފަހުން އިލެކްޝަންސް ކޮމިޝަނުގެ ރައީސް އަޙްމަދު ޝަރީފް ވިދާޅުވީ އިސްކަންދަރު ސުކޫލުގައި ބަހައްޓާފައިހުރި ކެންދޫ ވޯޓު ފޮށްޓަށް ވޯޓުލާނެ މީހަކު އައިސްފައި ނުވާތީ އެ ފޮށީގެ ވޯޓުލުން އަދިވެސް ނުފެށޭ ކަމަށެވެ.
އިންތިޚާބުގެ ދެވަނަ ބުރުގެ ވޯޓުލުން ކުރިއަށްދާ ރަށްރަށަކީ، ހއ. ތަކަންދޫ، ހއ. އުލިގަން، ނ. މަގޫދޫ، ރ. މާކުރަތު، ބ. ކެންދޫ، ބ. ކިހާދޫ، ވ. ފުލިދޫ، މ. ރަތްމަންދޫ، ފ. ދަރަނބޫދޫ، އަދި ލ. ކަލައިދޫ އެވެ.
އިންތިޚާބުގެ ދެވަނަ ބުރުގެ ވޯޓުލުން ފެށިފައިވަނީ ހޮނިހިރު ދުވަހު ހެނދުނު 9:00 ގައެވެ. ވޯޓުލުން ކުރިއަށްގެންދިއުމަށް އިލެކްޝަންސް ކޮމިޝަނުން ނިންމާފައިވަނީ ހަވީރު 4 ޖެހުމާއި ހަމައަށެވެ.
