ބޭނުންވާ ތަކެތި
- 2/1 ޖޯޑު މިލްކް ( 125މލ)
- 2 ސަމުސާ ހަކުރު (30ގ)
- ޕާން (ތައްޔާރުކޮށްލަން ބޭނުންވާ އަދަދަށް)
- 3/1 ޖޯޑު ވިޕިން ކްރީމް (80މލ)
- 1 ސައިސަމުސާ ހަކުރު (10ގ)
- 2/1 ސަމުސާ ވެނީލާ އެސެންސް
ތައްޔާރުކުރާނެ ގޮތް
އެންމެ ފުރަތަމަ މިލްކާއި ހަކުރު އަޅައިގެން ސަމުސަލަކުން ނުވަތަ ހޭންޑް މިކްސަރ އަކުން ގިރާލާށެވެ. ދެން ޕާން ފޮތީގެ ކައިރިފަށް ކެފުމަށްފަހު، ފޯވެގެން ހަލާކުނުވާ ވަރަށް ޕާން ފޮތީގެ ދެ ފުށް ކިރުން ތެންމާލާށެވެ. ދެން އަތުން ޕްރެސްކޮށް ކިރުތައް ހިއްކާލާށެވެ. ދެން ވިޕިން ކްރީމާއި، ހަކުރާއި، ވެނީލާ އެސެންސް އަޅައިގެން އޮލަވަންދެން ގިރުމަށްފަހު، ރަތް ނުވަތަ ބޭނުންވައްތަރެއްގެ ކާކުލަ ކޮޅެއް އަޅައިގެން ވިޕް ވަންދެން ގިރާލާށެވެ. އެއަށްފަހު ޕާން ފޮތީގައި ޖޭމް ޖަހާހެން ޖަހާލާށެވެ. ދެން ކާށި ހުނި ބޭރުގައި ހާކާލާށެވެ.
