އިންޑިއާގެ އިރުމަތީބިތުގެ ސްޓޭޓެއްކަމަށްވާ އާސާމަށް ރިކްޓަރ މިންގަޑުން 6.4 ގެ ބާރުމިނުގައި ބިންހެލުމެއް އަތުވެއްޖެއެވެ.

އާސާމަށް އައި ބިންހެލުމުގެ އަސަރު ކައިރީގައިވާ ސަރަހައްދުތަކަށްވެސް ކޮށްފައިވެއެވެ. އޭގެ ތެރޭގައި އިންޑިއާގެ ކައިރީގައި އޮންނަ ބޫޓާން ހިމެނެއެވެ.

ބިންހެލުން އައިސްފައިވަނީ ހެނދުނު 7:51 ހާއިރު ކަމަށާއި އޭގެ ނުވަ މިނެޓް ފަހުން ވިދިވިދިގެން ދެ ލޮޅުމެއް އައިސްފައިވާ ކަމަށް ރިޕޯޓްތައް ބުނެއެވެ. އެގޮތުން 4.3 އަދި 4.4 ގެ ބާރުމިނުގެ ދެ ލޮޅުމެއް އައިސްފައިވެއެވެ.

މިހާތަނަށް އާންމުކޮށްފައިވާ މައުލޫމާތުތަކަށް ބަލާއިރު މި ބިންހެލުމާއި ގުޅިގެން މީހަކު މަރުވެފައިވާ ކަމަށް ރިޕޯޓްކޮށްފައެއް ނުވެއެވެ. ނަމަވެސް ހާދިސާއާއި ގުޅިގެން އިމާރާތްތަކަށް ބޮޑެތި ގެއްލުންތަކެއް ލިބިފައިވާ ކަމަށް ރިޕޯޓްތައް ބުނެއެވެ.