ކ. މާލެ
|
13 އޭޕްރިލް 2021 | އަންގާރަ 13:11
އުރީދޫގެ އެސިސްޓެންޓް މެނޭޖަރު، ޕަބްލިކް ރިލޭޝަންސް ނޫރާ ޒާހިރު ނޫސްވެރިންގެ ބައްދަލުވުމުގައި ވާހަކަ ދައްކަވަނީ
އުރީދޫގެ އެސިސްޓެންޓް މެނޭޖަރު، ޕަބްލިކް ރިލޭޝަންސް ނޫރާ ޒާހިރު ނޫސްވެރިންގެ ބައްދަލުވުމުގައި ވާހަކަ ދައްކަވަނީ
އުރީދޫ
އުރީދޫ
އުރީދޫއިން ރޯދަ މަހަށް ހާއްސަ އޮފަރތަކެއް!
 
ސުޕަރނެޓް ރައުޓަރ މޫލީ މެދުވެރިކޮށް ބައްލަވައިގަންނަ ފަރާތްތަކަށް %40 ޑިސްކައުންޓް ލިބިގެންދާނެ

އުރީދޫ އިން ރޯދަ މަހަށް ހާއްސަ އޮފަރތަކެއް ތައާރަފުކޮށްފިއެވެ.

ހޯމަ ދުވަހު މާގިރި ހޮޓެލްގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އުރީދޫގެ އެސިސްޓެންޓް މެނޭޖަރު، ޕަބްލިކް ރިލޭޝަންސް ނޫރާ ޒާހިރު ވިދާޅުވީ ރޯދަމަހާ ދިމާކޮށް އުރީދޫ އިން ހާއްސަ އޮފަރތައް ތައާރަފުކޮށްފައިވާ ކަމަށެވެ. އަދި އެހެން އަހަރުތަކެކޭ އެއްފަދައިން މުޖުތަމައުއާ ގުޅިގެން ބާއްވަމުން އަންނަ ހަރަކާތްތައް ކޮވިޑްގެ ހާލަތާ ގުޅިގެން މިފަހަރު ބޭއްވެން ނެތް ކަމަށެވެ. އެހެންނަމަވެސް މިހާލަތު ރަނގަޅުވުމުން ރޯދަ މަހު ބާއްވަމުން އަންނަ މަސްރޭސް އަދި އުރީދޫ ކަލަރރަން ފަދަ ހަރަކާތްތައް ބާއްވާނެ ކަމަށް ވެސް ނޫރާ ވިދާޅުވިއެވެ.

އުރީދޫ އިން ތައާރަފުކޮށްފައިވާ ހާއްސަ އޮފަރތަކުގެ ތެރޭގައި ސުޕަރނެޓް ރައުޓަރ މޫލީ މެދުވެރިކޮށް ބައްލަވައިގަންނަ ފަރާތްތަކަށް %40 ޑިސްކައުންޓް ލިބިގެންދެއެވެ. އަދި އެހެން އަހަރުތަކެކޭ އެއްފަދައިން، ގޭގައި ތިއްބަވައިގެން ފަސޭހަކަމާއެކު އެމް-ފައިސާ މެދުވެރިކޮށް ޒަކާތް ދެއްކުމުގެ އިންތިޒާމް އުރީދޫ މޯލްޑިވްސްއިން ވަނީ ފަހިކޮށްދީފައިވާއިރު އެމް-ފައިސާ މެދުވެރިކޮށް ޒަކާތްދެއްކުމަށް އުރީދޫ އެޕް ޑައުންލޯޑް ކުރުމަށްފަހު އެމް-ފައިސާގެ ޚިދުމަތްތަކާއި އޮފަރތައް ބޭނުންކުރުމަށް ހުރިހާ ނެޓްވޯރކެއްގެ ކަސްޓަމަރުންނަށް ވެސް ފުރުސަތު ފަހިވެގެންދާނެ ކަމަށް އުރީދޫ އިން ބުންޏެވެ.

މީގެ އިތުރުން ޕްރިޕެއިޑް ކަސްޓަމަރުންނަށް ޕްރިޕެއިޑް ބެލެންސް މެދުވެރިކޮށް ވެސް ޒަކާތް ދައްކާލުމަށް *909# އަށް މެސެޖް ކުރެވޭނެ ކަމަށާއި ވައިބަރ އާއެކު އުރީދޫއިން ފޯރުކޮށްދޭ މި ޚިދުމަތަށް، ނަމާދު އެލަރޓް މި ރަމަޟާން މަހު ވެސް ލިބޭނެއެވެ. އަދި މިކަމާ ގުޅޭ ވައިބަރ ސްޓިކަރ ޕެކް ޑައުންލޯޑް ކުރައްވައިގެން ނަމާދު އެލަރޓް އެކްޓިވޭޓް ކުރެވޭނެއެވެ.

ވައިބަރ ބޭނުން ނުކުރައްވާ ފަރާތްތަކަށް އެސްއެމްއެސް މެދުވެރިކޮށް ނަމާދު އެލަރޓް އެކްޓިވޭޓްކޮށްލެވޭނެ ކަމަށާއި ނަމާދު އެލަރޓް އެސްއެމްއެސް އެއްގޮތުގައި ހިލޭ ހޯއްދެވުމަށް “GO” ޖެއްސެވުމަށް ފަހު 4777 އަށް އެސްއެމްއެސް ކުރުމުން އެކްޓިވޭޓް ވެގެންދާނެ ކަމަށް އުރީދޫ އިން ބުނެއެވެ.

“Ramadan” ޖެއްސެވުމަށް ފަހު 4000 އަށް އެސްއެމްއެސް ކުރައްވައިގެން ރީތިޓިއުންސް މެދުވެރިކޮށް ކީރިތި ގުރުއާންގެ އާޔަތްތައް މުޅިން ހިލޭ ލިބޭއިރު އުރީދޫ އިން ދާދިފަހުން ލޯންޗްކުރި އާޗާ ޕޯޓްފޯލިއޯގެ ދަށުން އުރީދޫ ޕްރިޕެއިޑް އަދި ޕޯސްޓްޕެއިޑް ކަސްޓަމަރުންނަށް، ހަގުނަ އިތުރު ޑޭޓާ ހެޔޮ އަގުގައި ލިބި، އާއިލާއާއި ރައްޓެހިންނާ ގުޅުން ބަދަހިކޮށް، އިންޓަނެޓްގެ ފުރިހަމަ ތަޖުރިބާއެއް ހޯދުމަށްވަނީ މަގުފަހިކޮށްދީފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ނަހްދާ އާދަމް
0%
0%
0%
0%
0%
0%
ކޮމެންޓް
15 އޭޕްރިލް 2021 | ބުރާސްފަތި 17:05
އައްޔަ
ފުރީ ޓޭޓާ ކޮޅެއް ނުދޭތަ؟