ޕޭޕަލްގެ ހިދުމަތް ރާއްޖޭގައި ފެށޭނެ ކަމަށް ލަފާ ކުރެވެނީ އަންނަ އަހަރުކަމަށް އުރީދޫ އިން ބުނެފައިވޭ
އުރީދޫ ފިންޓެކްގެ ސީއީއޯ މިރްކޯ ޖިއާކޯ، އަދި ޕޭޕަލްގެ ރައީސް އަދި ސީއީއޯ އެލެކްސް ކްރިސްް
އުރީދޫއިން 2026 ވަނަ އަހަރު ރާއްޖެއަށް ޕޭޕަލްގެ ހިދުމަތް ތައާރަފް ކުރާނެ ކަމަށް އިއުލާނުކޮށްފިއެވެ.
އުރީދޫ އިން ނެރުނު ނޫސްބަޔާނެއްގައި ބުނީ ޕޭޕަލް ކުންފުންޏާއި އުރީދޫ ފިންޓެކް ގުޅިގެން އަންނަ އަހަރު ރާއްޖެ އަށް ޕޭޕަލް ތައާރަފްކުރަން ނިންމައި، އެ ދެ ކުންފުނީގެ ދެމެދުގައި ޕާޓްނާޝިޕް ރަސްމީކޮށް ގާއިމްކުރުމުގެ މަސައްކަތް މިހާރު ކުރަމުން އަންނަ ކަމަށެވެ. އުރީދޫ ފިންޓެކް އަކީ މެދުއިރުމައްޗާއި އުތުރު އެފްރިކާގައި ޑިޖިޓަލް ފައިނޭންޝަލް ޚިދުމަތްތައް ފޯރުކޮށްދިނުމުގައި އެންމެ ކުރީ ސަފުގައި ހިމެނޭ ކުންފުންޔެކެވެ.
މި ޕާޓްނާޝިޕުގެ ސަބަބުން ވިޔަފާރިވެރިންނާއި ވިޔަފާރި ކުރާ ފަރާތްތަކަށް ވެސް ގިނަގުނަ ފައިދާތަކެއް ވާނެކަމަށާއި އަދި މި ހިދުމަތް ރާއްޖޭގައި ފެށޭނެ ކަމަށް ލަފާ ކުރެވެނީ އަންނަ އަހަރުކަމަށް އުރީދޫގެ ބަޔާނުގައި ބުނެފައިވެއެއެވެ. މި ހިދުމަތް ފެށުމުން ކަސްޓަމަރުންނަށް ދުނިޔޭގެ އެކި ކަންކޮޅުތަކުގައި ހުރި ޕޭޕަލް މަރޗަންޓުން މެދުވެރިކޮށް ވިޔަފާރިކުރުމުގެ ފުރުސަތުފަހިވެ، ކަސްޓަމަރުންގެ ޕޭޕާލް އަދި އެމް-ފައިސާ އެކައުންޓުތަކުގެ މެދުގައި ފައިސާގެ މުއާމަލާތްތައް ކުރެވޭނެކަން އުރީދޫއިން ފާހަގަކޮށްފައިވެއެވެ.
https://newsroom.paypal-corp.com/2025-10-01-Ooredoo-Fintech-to-Join-PayPal-World
ދުނިޔޭގެ އެންމެ ބޮޑެތި ޕޭމަންޓް ސިސްޓަމްތަކާއި ޑިޖިޓަލް ވޮލެޓްތައް ގުޅުވައިދޭ ގްލޯބަލް ޕްލެޓްފޯމެއް ކަމަށްވާ ޕޭޕަލް ވޯލްޑްގައި އުރީދޫ ފިންޓެކް އިން ބައިވެރިވުމަށް ނިންމާފައިވާކަމަށް ޕޭޕަލް އިން ވަނީ ސެޕްޓެމްބަރ 30 ވަނަ ދުވަހު އިއުލާނުކޮށްފައެވެ. ޕޭޕާލް ވޯލްޑްގެ ޒަރީއާއިން އޫރީދޫ ވޮލެޓް ބޭނުންކުރާ ފަރާތްތަކަށް ދުނިޔޭގެ އެކި ކަންކޮޅުތަކުގައި ހުރި ވިޔަފާރިތަކާއެކު މުޢާމަލާތް ކުރެވޭނެކަމަށާއި އަދި ބޭރު ޤައުމުތަކަށް ފައިސާ ފޮނުވުމުގައި ކުރިން ދިމާވަމުން އައި ދަތިތަކާއި ހުރަސްތައް ނެތި، ފަސޭހަކަމާއެކު ފައިސާ ފޮނުވޭނެކަމަށް ޕޭޕަލް އިން ފާހަގަކޮށްފައިވެއެވެ. އަދި އުރީދޫ ފިންޓެކްގެ ޑިޖިޓަލް ޚިދުމަތްތަކުގެ މާކެޓް ލީޑަރޝިޕާއި ޕޭޕަލްގެ ގްލޯބަލް ނެޓްވޯކާއި އިތުބާރުހުރި އިންފްރާސްޓްރަކްޗަރ އެއްކޮށްލައިގެން ޤަތަރު އަދި އުރީދޫގެ ހިދުމަތް ފޯރުކޮށްދޭ އެހެނިހެން ޤައުމުތަކުގައި ގުޅިލާމެހިފައިވާ އިންކްލޫސިވް ޑިޖިޓަލް މާލީ އިކޯސިސްޓަމެއްގެ ބިންގާ އެޅިގެންދާނެކަމަށްވެސް ބުނެފައިވެއެވެ.
އުރީދޫން އިސްނަގައިގެން ޕޭޕަލްގެ ހިދުމަތް ރާއްޖެއަށް ތައާރަފް ކުރުމާގުޅިގެން އިކޮނޮމިކް މިނިސްޓަރު މުހައްމަދު ސައީދު ވަނީ އެކަން ފާހަގޮށް އުރީދޫއަށް މަރުހަބާ ވިދާޅުވެފައެވެ. ޕޭޕަލްގެ ހިދުމަތް ރާއްޖެ ގެންނަން ނިންމިކަން އުރީދޫން އިއުލާން ކުރިއިރު، އެ މަސައްކަތް ކުރަމުން އަންނަ ކަމަށް ސަރުކާރުން ވެސް ކުރިން ބުނެފައިވެ އެވެ. އަދި އުރީދުން މި ޚިދުމަތް ދޭން ނިންމިމުން މި ކަމަކީ ސަރުކާރުން ޕޭޕަލް އާއި ގުލިގެން ދޭންފެށި ޚިދުމަތެއް ގޮތުގައި ދައްކަން މަސައްކަތް ކުރެއެވެ.
