ގޫގުލް އިން ދިވެހިރާއްޖެ، ކްރިސްމަސް އައިލެންޑް އަދި އޯމާން ގުޅުވާލާ އާ ސަބްސީ ކޭބަލް ސިސްޓަމެއް 'ދިވަރު' ނަމުގައި އިއުލާން ކޮށްފި
ގޫގުލް އިން ދިވެހިރާއްޖެ، ކްރިސްމަސް އައިލެންޑް އަދި އޮމާން ގުޅުވާލާ "ދިވަރު" ނަމަކަށް ކިޔާ އާ ސަބްސީ ކޭބަލް ސިސްޓަމެއް އިއުލާން ކޮށްފައިވާއިރު، މިއީ އޭއައި ހިދުމަތްތަކަށް ބޭނުންވާ ބޮޑު ކެޕޭސިޓީއެއް ހުރި ކަނެކްޓިވިޓީ ފޯރުކޮށްދިނުމަށް ރާވާފައިވާ މަޝްރޫއެއް ކަމަށް ވަނީ ބުނެފައި.
ގޫގުލް އިން ވަނީ ރާއްޖެ، ކްރިސްމަސް އައިލެންޑް އަދި އޮމާން ގުޅުވައިދޭނެ ޓްރާންސް އިންޑިއަން އޯޝަން ސަބްސީ ކޭބަލް ސިސްޓަމެއް ކަމަށްވާ ދިވަރު އިއުލާންކޮށްފައި.
ގޫގުލް އިން އިންޑިއާ ކަނޑުގައި ހިމެނޭ ދިވެހިރާއްޖެ، ކްރިސްމަސް އައިލެންޑް އަދި އޯމާން ގުޅުވާލާ އާ ސަބްސީ ކޭބަލް ސިސްޓަމެއް 'ދިވަރު' ނަމުގައި އިއުލާން ކޮށްފި އެވެ.
މި މަޝްރޫއަކީ ކުންފުނީގެ އޮސްޓްރޭލިއާ ކަނެކްޓް އިނިޝިއޭޓިވް ފުޅާ ކުރުމުގެ ބައެއް ކަމަށް ކުންފުނިން ބުނެފައިވެއެވެ. އާޓިފިޝަލް އިންޓެލިޖެންސް (އޭއައި) ބޭނުން ކޮށްގެން ހިންގާ ޑިޖިޓަލް ހިދުމަތްތައް ދުނިޔޭގެ ފެންވަރުގައި ހަލުވި ކަމާއެކު ކުރިއަރަމުންދާ ދަނޑިވަޅެއްގައި ސަރަހައްދީ ފެންވަރުގައި ހިދުމަތް ފޯރުކޮށްދިނުމުގައި، އިތުބާރާއި ޔަގީން ކަމާ އެކު ދެމެހެއްޓެނިވި ގޮތެއްގައި ޚިދުމަށް ދިނުމަށް މަޝްރޫއުގެ ސަބަބުން ރަނގަޅުވެގެން ދާނެ ކަމަށް ވެސް ބުނެފައިވެއެވެ.
ގޫގުލް އިން ބުނާ ގޮތުގައި، މި އާ ސިސްޓަމަކީ ޖެމެނީ 2.5، ފްލޭޝް އިމޭޖް އަދި ވާޓެކްސް އޭއައި ފަދަ ޕްރޮޑަކްޓްތައް ހިމެނޭ އޭއައި ހިދުމަތްތަކަށް އިތުރުވަމުންދާ ޑިމާންޑަށް ޚިދުމަތް ފޯރުކޮށްދިނުމަށް، ސްޓޭބަލް، ބޮޑު ކެޕޭސިޓީއެއް ހުރި ކަނެކްޓިވިޓީ ބޭނުންވާތީ، އެކަމަށް ޑިޒައިން ކޮށްފައިވާ ސިސްޓަމެކެވެ.
ކޭބަލް އިންވެސްޓްމަންޓާއެކު، ގޫގުލް އިން ދިވެހިރާއްޖެ އާއި ކްރިސްމަސް އައިލެންޑްގައި ދެ އާ ކަނެކްޓިވިޓީ ހަބް ގާއިމު ކުރާނެ އެވެ. މި ފެސިލިޓީތަކަކީ ދެކުނު އޭޝިއާ، އޯޝޭއޭނިއާ، އެފްރިކާ، މެދު އިރުމަތީ އަދި ޔޫރަޕް ގުޅުވާލާ ސްޓްރެޓީޖިކް ޕޮއިންޓްތަކެއްގެ ގޮތުގައި މަސައްކަތް ކުރާ ތަންތަނަށް ވާނެ ކަމަށް ގޫގުލް އިން ބުނެއެވެ.
ސަރުކާރުން މިއީ ބޮޑު ފޮރިން އިންވެސްޓްމަންޓެއްގެ ގޮތުގައި ސިފަކޮށް ނެރުނު ބަޔާނުގައި، ދިވެހިރާއްޖޭގެ ހަބް ހުންނާނީ އައްޑޫ ސިޓީގެ ހިތަދޫގައި ކަމަށް ބުނެފައި ވެއެވެ. އިތުރު ކަނެކްޝަން ޕޮއިންޓްތައް ގާއިމު ކުރުމަށް ރާވާފައިވަނީ އުތުރުން ކުޅުދުއްފުށީގަ އާއި މެދު ރާއްޖޭގެ ސަރަހައްދުން ގްރޭޓަރ މާލެ ސަރަހައްދުގަ އެވެ.
ގޫގުލް އިން ކޭބަލް ލޭންޑިން ފޮއިޓެއް ރާއްޖޭ ގައި ގާއިމު ކުރާތީ ރައީސް މުއިއްޒު ވެސް ވަނީ ބަޔާނެއް ނެރުއްވާފައެވެ. މުއިއްޒު ވިދާޅުވީ ގޫގުލްގެ އިންވެސްޓްމަންޓަކީ ދިވެހިރާއްޖޭގެ އިންވެސްޓްމަންޓް މާހައުލަށް އޮތް އިތުބާރު ހާމަވާ ކަމެއް ކަމަށާއި، މިއީ ގައުމުގެ އިގްތިސާދު އިތުރަށް ފުޅާކޮށް ޑިޖިޓަލް ގޮތުން ބާރުވެރި ކުރުމުގެ ރާއްޖޭގެ ޕްލޭންތަކާ އެއްގޮތަށް ކުރިއަށް ގެންދާ ކަމެއް ކަމަށެވެ.
އޫރީދޫގެ ދިވެހިރާއްޖޭގެ ސީއީއޯ ޚާލިދު އަލް ހަމާދީ މި އިނިޝިއޭޓިވް ސިފަ ކުރެއްވީ ގައުމީ ޑިޖިޓަލް އިންފްރާސްޓްރަކްޗަރ ވަރުގަދަ ކުރުމުގައި މުހިންމު ފިޔަވަޅެއްގެ ގޮތުގައެވެ. ދިރާގުގެ ސީއީއޯ އިސްމާއިލް ރަޝީދު ވަނީ ދިރާގުން މިހާރުވެސް ސަބްސީ ކޭބަލްތަކުގެ މަސައްކަތް ކުރަމުން ގެންދާ ކަމަށާއި، ގޫގުލްއާ ބައިވެރިވެގެން މިފަދަ މަސައްކަތެއް ކުރުމަކީ، ދުނިޔޭގެ ކަނެކްޓިވިޓީ ނެޓްވޯކްތަކުގެ ތެރޭގައި ދިވެހިރާއްޖޭގެ ދައުރު ފުޅާ ކުރުމުގައި އެޅޭ ފިޔަވަޅެއް ކަމަށެވެ.
ގޫގުލް ފާހަގަ ކުރި ގޮތުގައި، އެކުންފުނީގެ ކަނެކްޓިވިޓީ ހަބްތަކަކީ ދާދި ފަހުގެ ޑޭޓާ ސެންޓަރުތަކަށް ވުރެ އެނާޖީ އެފިޝަންޓް ތަންތަން ކަމަށާއި، ހަކަތައިގެޑިމާންޑް ބޮޑުވާ ތަންތަނުގައި، ކުންފުނިން ބަލަމުންދަނީ، ބޭނުންވާ ހަކަތަ ހޯދުމުގައި އިއާދަ ކުރަނިވި ހަކަތަ ބޭނުން ކުރުމަށް ލޯކަލް ކުންފުނިތަކާ ގުޅިގެން މަސައްކަތް ކުރުމަށެވެ.
މި މަޝްރޫއު ގޫގުލް އިން ކުރިއަށް ގެންދަނީ ދިރާގާއި ރާއްޖޭގެ އުރީދޫ އާ ގުޅިގެންނެވެ.
