އުރީދޫން ކޮންމެ ދުވަހަކު ޑޭޓާ އައުވެގެންދާ އައު ޕޯސްޓްޕެއިޑް ޕްލޭންތަކެއް!

ޕޯސްޓްޕެއިޑް ކަސްޓަމަރުންނަށް ކޮންމެ ދުވަހަކު ޑޭޓާ އައުވެގެންދާ އާޗާ ޕޯސްޓްޕެއިޑް ޕްލޭންތަކެއް އުރީދޫން ތައާރަފްކޮށްފިއެވެ.

އައު ޕްލޭންތައް މެދުވެރިކޮށް ކޮންމެ ދުވަހަކު 2ޖީބީ އިން ފެށިގެން 6ޖީބީ އާއި ހަމައަށް ޑޭޓާ އައުވެގެން ދިއުމުގެ އިތުރަށް އަންލިމިޓެޑް އުރީދޫ ކޯލްސް ލިބިގެންދާނެ ކަމަށް އެކުންފުނިން ބުނެއެވެ.

މި ޕްލޭނާއި ގުޅޭގޮތުން އުރީދޫ މޯލްޑިވްސްގެ އެކްޓިން ޗީފް ކޮމާރޝަލް އޮފިސަރ، ހުސައިން ނިޔާޒު ވިދާޅުވީ ކަސްޓަމަރުންގެ ބަދަލުވަމުން އަންނަ ބޭނުންތަކާ އެއްގޮތަށް ޕްރޮޑަކްޓް ޕޯޓްފޯލިއޯއަށް ބަދަލުގެނެސް އަޕްގްރޭޑް ކުރުމަކީ ވަރަށް މުހިންމު ކަމެއް ކަމުގައެވެ. އުރީދޫއިން އަަބަދުވެސް މަަސައްކަތް ކުރަނީ ފެންވަރު ރަގަޅު ޚިދުމަތްތަކެއް ހެޔޮ އަގުގައި ފޯރުކޮށްދިނުމަށް ކަމަށް އޭނާ ވިދާޅުވިއެވެ.

އާޗާ ޕްރިޕެއިޑް ޕޯޓްފޯލިއޯ އަށް ވަރަށް ބޮޑު މަގްބޫލުކަމެއް ލިބިފައިވާކަން ފާހަގަކުރައްވައި ނިޔާޒު ވަނީ ލޯންޗްކުރެވުނު އާޗާ ޕޯސްޓްޕެއިޑް ޕްލޭންތަކާއެކު ޕޯސްޓްޕެއިޑް ކަސްޓަމަރުންނަށް ބޮޑެތި ފައިދާތަކެއް ލިބިގެންދާނެ ކަމަށް ވިދާޅުވެފައެވެ. ނިޔާޒު ވިދާޅުވީ އަންލިމިޓެޑް އުރީދޫ ކޯލްސްގެ އިތުރުން ކޮންމެ ދުވަހަކު ޑޭޓާ އައުވެގެން ދާދިއުމުން ކަސްޓަމަރުންނަށް ޑޭޓާ ބޭނުންކުރެވޭވަރު ފަސޭހައިން މެނޭޖްކުރެވި ހެޔޮ އަގެއްގައި ކޮންމެ ދުވަހަކުވެސް އިންޓަނެޓް ބޭނުންކުރެވޭނެ ކަމަށެވެ.

އާޗާ ޕޯސްޓްޕެއިޑް ޕޯޓްފޯލިއޯގެ ދަށުން ޕޯސްޓްޕެއިޑް ކަސްޓަމަރުންނަށް 24 ގަޑިއިރަށް ހަފުތާއަކަށް ނުވަތަ މުޅި މަހުގެ ނިޔަލަށް ކޮންމެ ދުވަހަކު 1ޖީބީ ޑޭޓާ ލިބޭ އާޗާ ޕޯސްޓްޕެއިޑް އެޑްއޯންވެސް އެކްޓިވޭޓް ކުރެވޭނެއެވެ.