އެމެރިކާގެ ކޮންމެ 4 މީހަކުން އެކަކު ވެކްސިން ފުރިހަމަ ކޮށްފި
އާބާދީގައި ބޮޑެތި މީހުންގެ ތެރެއިން ހަތަރުބައިކުޅަ އެއްބައި މީހުން ނުވަތަ 66 މިލިއަން މީހުން ކޮވިޑް-19 އާއި ދެކޮޅަށް ވެކްސިން ޖަހާ ވެކްސިން ފުރިހަމަ ކޮށްފައިވޭ
އެމެރިކާގައި ވެކްސިން ޖެހުމުގެ ޕްރޮގްރާމެއްގެ ތެރެއިން
އެމެރިކާގައި ވެކްސިން ދިނުމުގެ ބޮޑު ކެމްޕޭނުގެ ތެރެއިން ކޮންމެ 4 މީހެއްގެ ތެރެއިން އެކަކު ވެކްސިން ފުރިހަމަކޮށްފައިވާ ކަމަށް އެގައުމުގެ ކަމާއިބެހޭ ފަރާތްތަކުން ބުނެފިއެވެ.
އެމެރިކާގެ ސެންޓަރ ފޮރ ޑިސީސް ކޮންޓްރޯލް އެންޑް ޕްރިވެންޝަން (ސީޑީސީ) އިން ބުނެފައިވަނީ އާބާދީގައި ބޮޑެތި މީހުންގެ ތެރެއިން ހަތަރުބައިކުޅަ އެއްބައި މީހުން ނުވަތަ 66 މިލިއަން މީހުން ކޮވިޑް-19 އާއި ދެކޮޅަށް ވެކްސިން ޖަހާ ވެކްސިން ފުރިހަމަ ކޮށްފައިވާ ކަމަށެވެ.
މީގެ އިތުރުން އެމެރިކާގެ އާބާދީގެ ތިންބައިކުޅަ އެއްބައި މީހުން ނުވަތަ 112 މިލިއަން މީހުން ވަނީ ކޮވިޑް ވެކްސިންގެ ފުރަތަމަ ޑޯޒް ޖަހާފައެވެ. މީގެ ތެރޭގައި ހިމެނެނީ ބޮޑެތި މީހުންގެ 43 އިންސައްތަ މީހުންނާއި، 65 އަހަރުން މަތީގެ 77 އިންސައްތަ މީހުންނެވެ.
ސީޑީސީގެ ޑާޓާތައް ދައްކާ ގޮތުން 174 މިލިއަނަށްވުރެ ގިނަ ވެކްސިން ޑޯޒް ވަނީ ޖަހާފައެވެ. އަދި މިހާތަނަށް 229 މިލިއަނަށްވުރެ ގިނަ ވެކްސިން އެގައުމަށް ވަނީ ލިބިފައެވެ.
