ޔޫތު މިނިސްޓްރީގެ ކޯޑިނޭޓަރު ކުއްޓު ކުއްލި ގޮތަކަށް ނިޔާވެއްޖެ

ޔޫތު މިނިސްޓްރީގެ ކޯޑިނޭޓަރު އަބްދުލް ޝަކޫރު އަބްދުﷲ (ކުއްޓު) ކުއްލި ގޮތަކަށް ނިޔާވެއްޖެ އެވެ.

ޔޫތު މިނިސްޓްރީގެ މީޑިއާ ކޯޑިނޭޓަރު ހުސެއިން އަމީން ވަނީ ކުއްޓު ނިޔާވިކަން ރާއްޖެއެމްވީ އަށް ކަށަވަރުކޮށްދެއްވާފައެވެ.

ރާއްޖެއެމްވީ އަށް މައުލޫމާތު ލިބިފައިވާ ގޮތުގައި އުމުރުން 27 އަހަރުގެ ކުއްޓު ނިޔާވީ ހާޓް އެޓޭކެއް ޖެހިގެންނެވެ. ޝުކޫރު ނިޔާވިކަން އެނގުނީ އޭނާގެ ފޯނަށް ގުޅުމުން ޚަބަރެއް ނުވެގެންގޮސް އެޕާޓްމެންޓު ބެލުމުން ކަމަށް އޭނާގެ ގާތް ރަހްމަތްތެރިޔަކު ރާއްޖެއެމްވީ އަށް ވަނީ ކަށަވަރުކޮށްދީފައެވެ. މައުލޫމާތު ލިބިފައިވާ ގޮތުގައި ޝުކޫރު އުޅުނީ ހުކުރު ދުވަހު އޭނާގެ އުފަން ރަށް ހއ. ތަކަންދޫއަށް ފުރުމަށެވެ.

ޔޫތު މިނިސްޓްރީގެ ކޯޑިނޭޓަރަކަށް 2015 ވަނަ އަހަރު ޝުކޫރު އައްޔަންކުރައްވާފައިވާއިރު، އޭނާ އެގްޒެކްޓިވް ކޯޑިނޭޓަރަކަށް ބަދަލުކުރެއްވީ މިދިޔަ އަހަރުއެވެ.