ފެންފުށީ ނަރުދަމާ ނިޒާމްގެ ނުނިމިހުރި މަސައްކަތްތައް ކުރުމަށް ބަޔަކާ ހަވާލުކޮށްފި
25 މާރިޗު 2021 | ބުރާސްފަތި 10:41"ޓްރައިޕާޓައިޓް ނޮވޭޝަން" އެއްބަސްވުމެއްގެ ދަށުން ހަވާލުކޮށްފައިވަނީ، އަޒްރޯވާ މޯލްޑިވްސް ޕްރައިވެޓް ލިމިޓެޑާ
ފެންފުށީ ނަރުދަމާގެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތު
އދ. ފެންފުށީގެ ނަރުދަމާ ނިޒާމްގެ ނުނިމި ހުރި މަސައްކަތްތައް ކުރުމަށް ބަޔަކާ ހަވާލުކޮށްފިއެވެ.
އދ. ފެންފުށީގެ ނަރުދަމާ ނިޒާމުގެ ނުނިމި ހުރި މަސައްކަތްތައް ނިންމުމަށް "ޓްރައިޕާޓައިޓް ނޮވޭޝަން" އެއްބަސްވުމެއްގެ ދަށުން ހަވާލުކޮށްފައިވަނީ، އަޒްރޯވާ މޯލްޑިވްސް ޕްރައިވެޓް ލިމިޓެޑާއެވެ. އެއް އަހަރުގެ ދުވަހުގެ ތެރޭގައި ނިންމުމަށް ހަވާލުކުރި މި މަޝްރޫއުގެ އަގަކީ ގާތްގަނޑަކަށް 19.2 މިލިއަން ރުފިޔާއެވެ.
ފެންފުށީގެ ނަރުދަމާ ނިޒާމް ގާއިމުކުރުމުގެ އެއްބަސްވުމުގައި ސްޓެލްކޯންއިން އަޒްރޯވާއާއެކު އެއްބަސްވުމުގައި ސޮއިކުރީ، 2017 އޮކްޓޯބަރ 11 ވަނަ ދުވަހުއެވެ. މިއެއްބަސްވުމުގެ ދަށުން ކޮންޓްރެކްޓަރ ވަނީ ރަށުގެ ސާރވޭ، އީއައިއޭ، އަދި ޑިޒައިންގެ މަސައްކަތް ނިންމާ، އިދާރީ އޮފީހުގެ 90 އިންސައްތަ މަސައްކަތް ނިންމާފައެވެ.
ބުރާސްފަތި ދުވަހުން ސޮއި ކުރި ޓްރައިޕާޓައިޓް ނޮވޭޝަން އެއްބަސްވުުގައި ސޮއި ކޮށްފައިވަނީ، މިނިސްޓްރީ އޮފް ޕްލޭނިންގ ހައުސިންގ އެންޑް އިފްރާސްޓްރަކްޗަރ، ސްޓެލްކޯ އަދި އަޒްރޯވާ މޯލްޑިވްސް ޕްރައިވެޓް ލިމިޓެޑެވެ.
ޓްރައިޕާޓައިޓް ނޮވޭޝަން އެއްބަސްވުމަކީ، އެއްބަސްވާ ކަންކަމުގެ ޒިންމާ އާއި ބާރުތައް ތިންވަނަ ފަރާތަށްދޭ ގޮތަށް ވެވޭ އެއްބަސްވުމެކެވެ.
މި އެއްބަސްވުމުގެ ދަށުން ފެންފުށީގައި ނަރުދަމާ ނިޒާމުގެ ވިއުގަ އެޅުމާއި، ނަރުދަމާ ފަމްޕް ސްޓޭޝަން ޤާއިމުކުރުމާއި، ސީ އައުޓް ފޯލް އެޅުން ހިމެނެއެވެ.
މިއީ ދައުލަތުގެ ބަޖެޓުން ޚަރަދުކޮށްގެން ކުރިއަށްގެންދާ މަޝްރޫޢުއެކެވެ.
