ދިއްދޫ އަމާންވެށިން އަނެއްކާވެސް ޕޮޒިޓިވް ކޭސްތަކެއް
25 މާރިޗު 2021 | ބުރާސްފަތި 03:51އެތަނުގައި އުޅޭ ކުދިން ހިމެނޭ ގޮތަށް ޖުމްލަ 22 ޕޮޒިޓިވް ކޭސް
ހއ. ދިއްދޫ
ހއ. ދިއްދޫ އަމާންވެށިން އަނެއްކާވެސް އިތުރު ބަޔަކު ކޮވިޑަށް ޕޮޒިޓިވްވެއްޖެއެވެ.
ރާއްޖެއެމްވީއަށް މަޢުލޫމާތުދެއްވަމުން ދިއްދޫ ހޮސްޕިޓަލްގެ މެނޭޖަރ އުސްމާން އަޝްރަފް ވިދާޅުވީ، އަމާންވެށިން ޕޮޒިޓިވް ވި މީހުންގެ އަދަދު 22ށް އަރާފައިވާ ކަމަށެވެ. މީގެ ތެރޭގައި 12 ކުޑަކުދިން ހިމެނެއެވެ. އަމާންވެށިން ޕޮޒިޓިވްވި މީހުންގެ ތެރެއިން ދެ މީހަކު އިތުރު ފަރުވާއަށް ށ. ފުނަަދޫ ކޮވިޑް ފެސިލިޓީއަށް ވެސް ގެންގޮސްފައިވެއެވެ. އިތުރު ފަރުވާއަށް ގެންދިޔައީ ޕޮޒިޓިވް ވި މީހުގެ ތެރެއިން ކުދިން ބެލެހެއްޓުމުގައި ހަރަކާތްތެރިވާ ދެ މީހުންނެވެ.
ދިއްދޫ އަމާންވެށީގައި ތިބެނީ 15 ކުދިންނާއި، އެތަނުގައި މަސައްކަތްކުރާ ސްޓާފުން ހިމެނޭ ގޮތަށް 26 މީހުންނެވެ.
މާރޗު މަހުގެ 12 ވަނަ ދުވަހު ދިއްދޫ އަމާންވެށިން ކުއްޖަކު ޕޮޒިޓިވްވުމާއެކު، އެ ކުއްޖާއާ ކޮންޓެކްޓްވިި ހުރިހާ އެންމެންގެ ސާމްޕަލްނަގައި އަމާންވެށީގެ ކުދިން ވެސް، ހއ. ފެމިލީ އެންޑް ޗިލްޑްރަން ސަރވިސް ސެންޓަރުގައި ވަނީ އައިސޮލޭޓް ކުރެވިފައެވެ. ފުރަތަމަ ކޭހާއެކު އަމާންވެށި ވަނީ ކަރަންޓީނުކޮށްފައެވެ. ހއ. އަތޮޅު އަމާންވެށީގައި ތިބެނީ 3 އާއިލާއަކަށް ނިސްބަތްވާ 15 ކުދިންނެވެ.
