ހއ. ދިއްދޫ އަމާންވެށިން އިތުރު ބަޔަކު ޕޮޒިޓިވް ވެއްޖެ
26 ސާމްޕަލްގެ ތެރެއިން 15 ސާމްޕަލް ޕޮޒިޓިވް
ދިއްދޫ އަމާންވެށިން އިތުރު ޕޮޒިޓިވް ކޭސްތަކެއް
ހއ.ދިއްދޫ އަމާންވެށިން އިތުރު ބަޔަކު ކޮވިޑް-19އަށް ޕޮޒިޓިވް ވެއްޖެއެވެ. ދިއްދޫ ހޮސްޕިޓަލުން ބުނީ އަމާންވެށީގައި ތިބި 15 ކުދިންނާއި، އެތަނުގައި މަސައްކަތްކުރާ ސްޓާފުން ހިމެނޭ ގޮތަށް ބުދަދުވަހު ނެގި 26 ސާމްޕަލްގެ ތެރެއިން 15 ސާމްޕަލް ޕޮޒިޓިވް ކަމަށެވެ. މީގެ ތެރޭގައި ހިމެނެނީ 11 ކުދިންނާއި، އެކުދިިން ބެލެހެއްޓުމުގައި އުޅޭ 4 މީހެކެވެ. އަދި އެއްވެސް ސީރިއަށް ކޭހެއް ނެތްކަމަށްވެސް ހޮސްޕިޓަލުން މައުލޫމާތުދެއެވެ.
މާރިޗު މަހުގެ 12 ވަނަދުވަހު ދިއްދޫ އަމާންވެށިން ކުއްޖަކު ޕޮޒިޓިވްވުމާއެކު، އެ ކުއްޖާއާއި ކޮންޓެކްޓްވިި ހުރިހާ އެންމެންގެ ސާމްޕަލް ނަގައި އަމާންވެށިން ކުދިންވެސް، ހއ. ފެމިލީ އެންޑް ޗިލްޑްރަން ސަރވިސް ސެންޓަރުގައި އައިސޮލޭޓް ކުރެވިފައެވެ. ފުރަތަމަ ކޭހާއެކު އަމާންވެށި ވަނީ ކަރަންޓީނުކޮށްފައެވެ.
ހއ އަމާންވެށީގައި ތިބެނީ 3 އާއިލާއަކަށް ނިސްބަތްވާ 15 ކުދިންނެވެ.
