ރ. މަޑުއްވަރީވެސް މޮނިޓަރިންނަށް ލައިފި

ރ. މަޑުއްވަރިން ކޮވިޑް-19ގެ ކޭސްއެއް ފެނުމާއި ގުޅިގެން އެރަށް މޮނިޓަރިންގއަށްލައިފިއެވެ.

އެޗްޕީއޭއިން ބުނީ ކޮވިޑު-19 އާ ގުޅިގެން، ސިއްހީ ގޮތުން އިތުރަށް ބަލަންޖެހޭ ކަންކަން ބެލުމަށް އެ ރަށް މޮނިޓަރިންގއަށް ލާފައިވާ ކަމަށާއި ރަށުގައި މިވަގުތު ތިބި އެއްވެސް މީހަކު އެ އެޖެންސީން ވަކިގޮތެއް އަންގަންދެން ރަށުން ފޭބުމާއި، އެ އެޖެންސީގެ ހުއްދަނެތި އެއްވެސް މީހަކު ރަށަށް އެރުމަކީ މަނާ ކަމެއް ކަމަށެވެ.

އަދި މޮނިޓަރކުރުމާ ގުޅިގެން އެ އެޖެންސީން އަންގާ ގޮތެއްގެމަތިން، ދައުލަތުގެ ކަމާބެހޭ މުއައްސަސާތަކުން އަދާކުރަންޖެހޭ ޒިންމާތައް އަދާކުރުމުގެ ގޮތުން އަންގާ އެންގުންތަކާއި އަދި ހިންގާ ހަރަކާތްތަކަށް އެއްބާރުލުން ދިނުމަށް އެދި އަދި އެ ރަށުގެ ކައުންސިލްގެ އިދާރާގެ ފަރާތުން ކުރަންޖެހޭ ކަންކަން ވިލަރެސް ކުރާނެފަރާތެއް ކަނޑައަޅައި އެންގުމަށް އެޗްޕީއޭއިން ވަނީ އެދިފައެވެ.

ރ. މަޑުއްވަރީ ސިއްހީ މަރުކަޒުން ބުނީ އެ ރަށުގައި މިވަގުތު ކޮންޓެކްޓް ރޭސިންގ ގެ މަސައްކަތް ކުރިއަށްދާ ކަމަށާއި އެހެންކަމުން އެއްވެސް ރައްޔިތަކު ގެއިން ބޭރަށް ނުނިކުތުމަށް އެދޭ ކަމަށެވެ. އަދި މިހާލަތުގައި ކޮންސަލްޓޭޝަންގެ ހިދުމަތް ދެމުންދަނީ އޮންލައިންކޮށް ކަމަށާއި ޑޮކްޓަރަށް ދައްކަން ބޭނުންވާ ފަރާތްތަކުން 7214669/6580394 ގުޅައިގެން ކުރިއަށް ދިޔުމަށް ވަނީ އެދިފައެވެ. އަދި އިމަރޖެންސީ ހާލަތެއްގައި ބޫނީ މަރުކަޒަށް ނުދިޔުމަށް ވަނީ އިލްތިމާސްކޮށްފައެވެ.