މޫލީ މެދުވެރިކޮށް ރޯދައަށް ބޭނުންވާ ތަކެތި ވިޔަފާރިކޮށްލުމުން ރާއްޖޭގެ ކޮންމެ ހިސާބަކަށްވެސް މުޅިން ހިލޭ ޑެލިވަރ ކޮށްލަދޭ!

މޫލީ މެދުވެރިކޮށް ރޯދައަށް ބޭނުންވާ ތަކެތި ވިޔަފާރިކޮށްލުމުން ރާއްޖޭގެ ކޮންމެ ހިސާބަކަށްވެސް މުޅިން ހިލޭ ޑެލިވަރ ކޮށްދޭނެކަމަށް އުރީދޫން ބުނެފިއެވެ.

އުރީދޫން ބުނީ ރަމަޟާން މަހު އެއްބައިވަންތަކަން ދިރުވާ އާލާކުރުމުގެ އިތުރުން އާއިލާއާއި ރައްޓެހިންނާއިއެކު ގުޅުން ބަދަހި ކުރުމަށް ވަގުތު ހޭދަ ކުރުމަކީ އާދަކާދައެއް ކަމަށެވެ. ގޭތެރެ ޒީނަތްތެރިކޮށް ބަދިގެއަށް ބޭނުންވާ ސާމާނު ހަމަކޮށް އާކުރުމަކީވެސް ރަމަޟާން މަހަށް ތައްޔާރުވުމުގެ ބޮޑު ބައެއްކަން ފާހަގަކޮށް އުރީދޫއިން ބުނީ ރަމަޟާންމަހަށް ތައްޔާރުވުމުގެ ގޮތުން އާންމުކޮށް ވިޔަފާރިކުރާތަކެތި ފަސޭހަކަމާއެކު އޮންލައިންކޮށް ގަންނަން ބޭނުންވާނަމަ މަގްބޫލުކަން ހޯދަމުން އަންނަ އީކޮމާރސް ޕްލެޓްފޯރމް މޫލީ މެދުވެރިކޮށް ވިޔަފާރި ކުރެވޭނެ ކަމަށެވެ. އަދި ގަންނަ ކޮންމެ އައިޓަމެއްވެސް ރާއްޖޭގެ ކޮންމެ ހިސާބަކަށްވެސް މުޅިން ހިލޭ ޑެލިވަރކޮށްލަދޭނެކަަމަށް އުރީދޫން ބުނެއެވެ.

ރޯދައަށް ބޭނުންވާ ތަކެތި ހިމެނޭ މި އައު ސެކްޝަންގައި، ބާބަކިއު ގްރިލް، އިލެކްޓްރިކް ގްރިލް، އަވަން، ރައިސް ކުކަރ، ކޮފީ މޭކަރ، ޕޮކެޓް ރޭޑިއޯ، އިސްތިރި ފަދަ އެތަކެއް އައިޓަމެއް ވަނީ ހިމަނާފައެވެ. އެކި ރޭންޖުގެ ނަން މަޝްހޫރު ބްރޭންޑްތަކުގެ މި ޕްރޮޑަކްޓްތަކަކީ އިތުބާރުހިފޭ މަރޗަންޓުން ޕްލެޓްފޯރމުގައި ފީޗަރ ކުރާ ޕްރޮޑަކްޓްކެވެ. މޫލީ ޓީމުން ބުނީ ކުރިއަށް އޮތްތަނުގައި ގިނަ މަރޗަންޓުންނާއިއެކު އިތުރު ޕްރޮޑަކްޓްތައްވެސް ފެނިގެންދާނެ ކަމަށެވެ.

އުރީދޫން ބުނީ ގައިދުރުކަން ބަހައްޓަން ޖެހި ދަތުރު ފަތުރު ކުރުމަށް ހުރަސްތަކެއް ދިމާވެފައިވާ މި ދުވަސްވަރު މޫލީ މެދުވެރިކޮށް ރޯދައަށް ބޭނުންވާ ތަކެތި ވިޔަފާރިކޮށްލުމުގެ ފުރުސަތު ފަހިކޮށްދިނުމަކީ ކަސްޓަމަރުންނަށް ލިބޭނެ ލުއެއް ކަމަށެވެ. ރައްކާތެރިކަމާއެކު ގޭގައި ތިއްބަަވައިގެން މޫލީ މެދުވެރިކޮށް ވިޔަފާރިކޮށްލުމުން ރާއްޖޭގެ ކޮންމެ ހިސާބަކަށްވެސް މުޅިން ހިލޭ ޑެލިވަރ ކޮށްލަދޭނެއެވެ. މޫލީގެ ޕާރޓްނަރުންނާއިއެކު މޫލީ ޓީމުން މަސައްކަތްކުރަމުންދަނީ ޑެލިވަރީ ޓީމް އަދި ކަސްޓަމަރުންގެ ރައްކާތެރިކަމަށް އެންމެ އިސްކަމެއްދީގެން، އެޗް.ޕީ.އޭ ގެ އިރުޝާދުތަކާއި އެއްގޮތަށެވެ.   

ރާއްޖޭގެ ކޮންމެ ނެޓްވާރކެއްގެ ކަސްޓަމަރަކަސް މޫލީ މެދުވެރިކޮށް ރޯދައަށް ތައްޔާރުވުމަށް ބޭނުންވާ ތަކެތި ވިޔަފާރިކޮށްލުމަށް މޫލީއިން މަރުހަބާ ކިޔައެވެ.