ކެމްޕޭން ހަރަކާތަށް ވަރުގަދަކުރުމަށް ހިނތަދޫގައި ހާއްސަ ޖަލްސާއެއް ބާއްވަނީ
ޖަލްސާ ބޭއްވުމަށް ހަމަޖެހިފައި ހިތަދޫ އެމްޑީޕީ ހަރުގޭގައި
ހުޅުމީދޫގައި ކުރިއަށް ގެންދިޔަ ކެމްޕޭން ހަރަކާތުގެ ތެރެއިން
ކުރިއަށް އޮތް ލޯކަލް ކައުންސިލް އިންތިހާބުގެ ކެމްޕޭން ހަރަކާތްތަށް ވަރުގަދަ ކުރުމަށް އިދިކޮޅު އެންމެ ބޮޑު ސިޔާސީ ޕާޓީ އެމްޑީޕީގެ ހާއްސަ ޖަލްސާއެއް އައްޑޫ ސިޓީ ހިތަނދޫގައި ބާއްވަން ނިންމާފިއެވެ.
"ލާމަރުކަޒީ ރާއްޖެ" ނަމުގައި އަންގާރަ ދުވަހުގެރޭ ޖަލްސާ ބޭއްވުމަށް ހަމަޖެހިފައި ވަނީ ހިތަދޫ އެމްޑީޕީ ހަރުގޭގައެވެ. މި ޖަލްސާގައި އައްޑޫ މީދޫ ދާއިރާގެ ރައްޔިތުންގެ މަޖިލީހުގެ މެމްބަރު ރޮޒޭނާ އާދަމާއި އައްޑޫ ހިނތަދޫ ދެނުކު ދާއިރާގެ މެމްބަރު އަލީ ނިޒާރުގެ އިތުރުން ރައްޔިތުންގެ މަޖިލީހުގެ ކުރީގެ ރައީސް އަދި ރައްޔިތުންގެ މަޖިލީހުގެ ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދު ބައިވެރިވަޑައިގަންނާނެވެ.
މި ޖަލްސާ ރާއްޖެޓީވީން ވަގުތުން ގެނެސްދިނުމަށް ވަނީ ނިންމާފައެވެ.
ރައީސް އަބްދުﷲ ޔާމީންގެ ވެރިކަމާ ދެކޮޅަށް މަސައްކަތް ކުރާ ވީހާ ގިނަ އާންމު ރައްޔިތުން މި ޖަލްސާގައި ބައިވެރިވުމަށް އެމްޑީޕީން ވަނީ ގޮވާލާފައެވެ.
ރައްޔިތުންގެ ތާއިދު ހޯދުމަށް އެމްޑީޕީގެ ޓީމް ދޮރޮން ދޮރަން ހިނގަނީ
މި ޖަލްސާގައި އައްޑޫ ސިޓީގެ ކައުންސިލް ގޮނޑިތަކަށް ވާދަކުރާ އެމްޑީޕީގެ ކެނޑިޑޭޓުން ވާހަކަދައްކަވާނެވެ. މި ޖަލްސާއަކީ އައްޑޫ ސިޓީގެ ކެމްޕޭން ހަރަކާތަށް ވަރުގަދަ ކުރުމަށް އެމްޑީޕީން މިހާރު އައްޑޫ ސިޓީގައި ކުރިއަށް ގެންދާ ހާއްސަ ހަރަކަތަކުގެ ތެރެއިން ބާއްވާ ޖަލްސާއެކެވެ.
އެގޮތުން ހޯމަ ދުވަހުގެ ރޭ ހުޅުމީދޫގައި ހާއްސަ ޖަލްސާއެއް ބާއްވާފައި ވާއިރު، ހޯމަ ދުވަހު ހެނދުނު އެމްޑީޕީގެ ވަފުދުގައި ހިމެނިވަޑައިގަންވާ މެމްބަރުން ވަނީ ރައްޔިތުންގެ ތާއިދު ހޯދުމަށް ދޮރޮން ދޮރަން ހިނގާފައެވެ.
