އީރާގުގެ އިރްބީލް އެއާޕޯޓަށް ރޮކެޓް ހަމަލާއެއް ދީފި

އިރާގުގެ އީރްބީލް އިންޓަނޭޝަނަލް އެއާޕޯޓަށް ހަގުރާމަވެރި ޖަމާއަތަކުން ރޮކެޓު ހަމަލާއެއް ދީފިއެވެ.

ހޯމަ ދުވަހުގެރޭގެ ވަގުތެއްގައި ދިން މި ހަމަލާގައި އެކަކު މަރުވެފައިވާއިރު އިތުރު 6 މީހަކަށް ވަނީ އަނިޔާވެފައެވެ.

އިރާގުގެ އޮފިޝަލަކު ބުނީ އިރްބީލް އެއާޕޯޓަށް ހަމަލާދިނުމަށް ބޭނުން ކޮށްފައިވާ ކަމަށް ބެލެވޭ އުޅަނދެއް އެއާޕޯޓް ސަރަހައްދުން ފެނިފައިވާ ކަމަށެވެ. އެހެންނަމަވެސް ހަމަލާދިނީ ކޮން ފަރާތަކުންކަން އަދި ކަށަވަރުނުވާ ކަމަށް އިރާގުން ބުނެއެވެ.

އިރްބީލް އެއާޕޯޓް ސަރަހައްދަކީ ޓެރަރިޒަމާ ހަނގުރާމަ ކުރުމުގެ ނަމުގައި އިރާގުގައި ތިބޭ އެމެރިކާއާއި ނޭޓޯގެ ސިފައިން ތިބޭ ސަރަހައްދުގެ ތެރެއިން އެއްސަރަހައްދެވެ. އިރްބީލް އެއާޕޯޓަށް ދިން ރޮކެޓް ޙަމަލާތަކުގައި ޒަހަމްވި ހަ މީހުންގެ ތެރެއިން އެކަކީ އެމެރިކާ ސިފައިންގެ މީހެކެވެ.

އެމެރިކާއިން ވަނީ އިރްބީލް އެއާޕޯޓަށް ދިން ރޮކެޓް ޙަމަލާ ވަރަށް ބޮޑަށް ކުށްވެރިކޮށްފައެވެ. އެ ހަމަލާދިން ބަޔަކު ހޯދުމުގެ ތަހްގީގުތަކުގައި އިރާގު ސަރުކާރަށް ފަންނީ އެހީތެރިކަން ފޯރުކޮށްދޭނެ ކަމަށް ވެސް އެމެރިކާގެ ޚާރިޖީ ވުޒާރާއިން ބުނެފައިވެ އެވެ.