ކ. މާލެ
|
4 ފެބްރުއަރީ 2021 | ބުރާސްފަތި 06:52
ސިއްހީ ޚިދުމަތްތެރިން މުޒާހަރާގައި،
ސިއްހީ ޚިދުމަތްތެރިން މުޒާހަރާގައި،
އޭއެފްޕީ
މިޔަންމާގެ އަސްކަރިއްޔާގެ ބަޢާވަތް
މަސައްކަތް ހުއްޓާލުމަށްފަހު ސިއްހީ ޚިދުމަތްތެރިން މިޔަންމާގެ އަސްކަރިއްޔާއާ ދެކޮޅަށް ނުކުމެއްޖެ
 
އަސްކަރިއްޔާއިން ގާނޫނަށް ބޯނުލަބާނަމަ މަސައްކަތަށް ނުނިކުންނާނެ
 
އަސްކަރިއްޔާގެ އެއްވެސް އަމުރަކަށް ކިޔަމަން ނުވާނެ
 
މީގެ ތެރޭގައި ގިނަ އަދަދެއްގެ ޑޮކްޓަރުންނާއި، ނަރުހުން ހިމެނޭ

މިޔަންމާގެ ލީޑަރު އަން ސަން ސޫކީ ހައްޔަރުކޮށް، އެގައުމުގެ އަސްކަރިއްޔާއިން ބަޢާވަތް ކޮށްފައިވާތީ ސިއްހީ ދާއިރާގައި މަސައްކަތް ކުރާ ފަރާތްތަކުން މަސައްކަތް ހުއްޓާލުމަށްފަހު މުޒާހަރާ ކުރަން ފަށައިފިއެވެ.

މިޔަމަންމާގެ އަސްކަރިއްޔާއިން ބަޢާވަތްކޮށް ސޫކީއާއި ސަރުކާރުގެ އިސްވެރިން ބަންދުކުރީ މިޔަންމާގެ ގާނޫނު ހަދާ މަޖިލީހުގެ އިންތިޚާބުގެ ސޫކީ ނިސްބަތްވާ މިޔަންމާގެ ވެރިކަން ކުރާ ނެޝަނަލް ލީގް ފޯ ޑިމޮކްރަސީ (އެންއެލްޑީ) ޕާޓީން ބޮޑު އަޣްލަބިއްޔަތަކުން ކާމިޔާބު ކޮށްފައިވާކަން އިއުލާން ކޮށްފައިވަނިކޮށެވެ.

ބޭރުގެ މީޑިއާތަކުގައި ރިޕޯޓުކޮށްފައިވާ ގޮތުގައި ބަޢާވާތާއި ގުޅިގެން މިޔަންމާގެ 30 އަވަށެއްގެ 70ށް ވުރެ ގިނަ ހޮސްޕިޓަލްތަކުގައި މަސައްކަތް ކުރާ ފަރާތްތަކާއި އެހެނިހެން ވެސް ސިއްހީ ދާއިރާގައި މަސައްކަތް ކުރާ ފަރާތްތަކުން މަސައްކަތް ހުއްޓާލުމަށްފަހު، ބަޢާވަތާއި ދެކޮޅަށް މުޒާހަރާ ކުރަން ފަށާފައިވާ ކަމަށެވެ. މީގެ ތެރޭގައި ގިނަ އަދަދެއްގެ ޑޮކްޓަރުންނާއި، ނަރުހުން ހިމެނެއެވެ.

މުޒަހާރާގައި ނުރުހުންފާޅު ކުރަމުންދާ ފަރާތްތަކުން ދަނީ ވަރުގަދަ އިންޒާރުތަކެއް އަސްކަރިއްޔާއަށް ދެމުންނެވެ. އެގޮތުން ގާނޫނާއި ޚިލާފަށް ގައުމުގެ ވެރިކަމާ ހަވާލުވެފައިވާ އަސްކަރިއްޔާގެ އެއްވެސް އަމުރަކަށް ކިޔަމަން ނުވާނެ ކަމަށް އެމީހުން ބުނެއެވެ. އަދި ހައްޔަރު ކުރި ކަމުގައި ވީ ނަމަވެސް ގައުމުގައި ބަޢާވަތް ކުރުމަކީ ބަލައިގަނެވޭނެ ކަމެއް ނޫން ކަމަށާއި، މިހާރުން މިހާރަށް އަސްކަރިއްޔާއިން ކުރަމުންދާ ކަންކަން ހުއްޓައިލުމަށް ދަނީ ގޮވާލަމުންނެވެ.

މީގެ އިތުރުން ޑޮކްޓަރުންނާއި، ނަރުހުން އަދިވެސް ސިއްހީ ދާއިރާގައި މަސައްކަތް ކުރާ ފަރާތްތަކުން އަނބުރާ މަސައްކަތަށް ނުކުންނާނީ އަސްކަރިއްޔާއިން ބަޢާވަތް ހުއްޓާލާ ގާނޫނުގެ ދެމެހެއްޓުމުން ކަމަށް މުޒާހަރާގެ ބައިވެރިން ބުނެއެވެ. އަދި ކޮވިޑް-19އާ ގުޅިގެން ހާލަތު ގޯސްވިކަމުގައިވީ ނަމަވެސް މަސައްކަތަށް އަނބުރާ ދިއުން ބަރޯސާވަނީ އަސްކަރިއްޔާގެ މައްޗަށް ކަމަށް އެމީހުން ބުނެއެވެ.

ބަޢާވަތާއި ދެކޮޅަށް ސިއްހީ ދާއިރާގައި މަސައްކަތް ކުރާ ގިނަ ފަރާތްތަކުން ނުކުމެފައިވާއިރު، މިޔަންމާގެ ސްކޫލު، ކޮލެޖް އަދި ޔުނިވަރސިޓީ ދަރިވަރުންނާއި، ޖަމިއްޔާތަކާއި، އެހެނިހެން ދާއިރާގައި މަސައްކަތް ކުރާ މީހުން ދަނީ މުޒަހަރާތަކުގައި ބައިވެރިވަމުންނެވެ.

ސިއްހީ ދާއިރާގެ މަސައްކަތްތެރިން މަސައްކަތް ހުއްޓާލުމާއި ގުޅިގެން ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ. ގައުމުގެ ހާލަތު ދަށަށްދާ ދަނޑިވަޅެއްގައި ކޮވިޑް-19އާ ގުޅިގެން މިވަގުތު އެންމެ ބޮޑަށް ބޭނުން ޖެހިފައިވަނީ ސިއްހީ ޚިދުމަތްތެރިންނަށެވެ. އަދި މަސައްކަތް ހުއްޓާލުމާއި ގުޅިގެން އިތުރަށް ހާލަތު ގޯސްވާނެ ކަމަށް މަސްރަހު ދިރާސާ ކުރާ ފަރާތްތަކުން ބުނެއެވެ.

އެގޮތުން މިޔަންމާގައި މިހާތަނަށް އެއްލައްކަ ސާޅިސްހާހަށްވުރެ ގިނަ މީހުން ބައްޔަށް ޕޮޒިޓިވްވެފައިވާއިރު، 3160 މީހުން ބަލީގައި ވަނީ މަރުވެފައެވެ. އަދި އެއްލައްކަ ސައްބިސްހާހަށް ވުރެ ގިނަ މީހުން ބަލިން ރަނގަޅުވެފައިވެއެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުސައިން ފަރިޔާޒް
12%
40%
4%
16%
16%
12%
ކޮމެންޓް
7 ފެބްރުއަރީ 2021 | އާދީއްތަ 09:56
އަޙްމަދު
ސިޔާސީ ލީޑަރުން ޖަލަށްލީމަ މުޒާހަރާކުރިން. މަގުމައްޗަށް ވެސް ނުކުތިން. އެކަމު އެމީހުނަށް ވެރިކަން ލިބުނީމަވާ ގޮތަކީ ކޮށްލާ މެސެޖަކަށްވެސް ރިޕްލައި ނުކުރޭ. ފެނިގެން އެއްޗެއް އަހާލިޔަސް ތިކަން އެނގޭނީ މިވެނި މީހަކަށޭ ބުނަނީ. ވޯޓު ކައިރިވެގެން އުޅޭއިރު ނާހާ ކަންކަމުގެ މަޢުލޫމާތުވެސް ދެއްވާނެ..މުޒާހަރާ ކުރަންވީމަވެސް ވަރަށް ގާތްވާނެ.
4 ފެބްރުއަރީ 2021 | ބުރާސްފަތި 19:50
ރާގުންޑާ.
ހަމަ ކަނޑައެޅިގެން ހުސް ދޮގު. އެތާ ހުރި ނަޝީދު ކަހަލަ ނުލަފާ އަންހެންމީހާ ފަހަތުގަ އެނބުރޭ މަދު ބަޔަކު ނުކުތީ. މަ ލިޔާ އެއްޗެއްނުޖެހިޔަސް ކިޔަން މަޖުބޫރުވާނެ. އަސަރުވެސް ކުރާނެ. ލިޔެފަ ކިޔުއްވާނަން ކަލޭމެން ލައްވާ. ހިތްދަތިވޭ؟
ގުޅުންހުރި