ހުޅުމާލެ ޖަލުން ގައިދީއަކު ޕޮޒިޓިވްވެ ޖަލު ލޮކްޑައުނަކަށް
ހުޅުމާލެ ޖަލުން ޕޮޒިޓިވެފައި ވަނީ އުމުރުން 56 އަހަރުގެ މީހެއް
ޕްރިޒަންސް އޮފިސަރެއް
ހުޅުމާލެ ޖަލުން ގައިދީއަކު ކޮވިޑް-19 އަށް ޕޮޒިޓިވްވުމާއިއެކު ޖަލު ލޮކްޑައުންކޮށްފައިވާ ކަމަށް މޯލްޑިވްސް ކަރެކްޝަނަލް ސަރވިސްއިން ބުނެފިއެވެ.
ކަރެކްޝަންސްއިން މައުލޫމާތުދިން ގޮތުގައި ހުޅުމާލެ ޖަލުން ޕޮޒިޓިވްވެފައި ވަނީ އުމުރުން 56 އަހަރުގެ މީހެކެވެ. އަދި އެ ގައިދީ މިހާރު ކަރަންޓީން ފެސިލިޓީއަކަށް ބަދަލުކުރެވިފައިވާކަމަށް ކަރެކްޝަންސް އިން ބުނެއެވެ.
ކަރެކްޝަންސްއިން ބުނީ ޖަލު ލޮކްޑައުންކޮށް ކޮންޓެކްޓް ޓްރޭސިންގެ މަސައްކަތް ކުރަމުންދާ ކަމަށެވެ.
މީގެ ކުރިން ހުޅުމާލެ ޖަލުން 11 ގައިދީއަކު ކޮވިޑް-19 އަށް ޕޮޒިޓިވްވެފައިވާ އިރު، އޭގެ ތެރޭގައި އިމިގްރޭޝަން ގާނޫނާ ހިލާފުވެގެން ފުރުވާލެެވެންދެން ބައިތިއްބާފައި ތިބި ފަސް ބިދޭސީންނާއި، ހުޅުމާލެ ޖަލުގައި ހުކުމް ތަންފީޒު ކުރަމުންދިޔަ ގައިދީން ހިމެނެއެވެ.
ޖަލުތަކުގައި ބަލިފެތުރުން ކޮންޓްރޯލްކުރުމަށް ގިނަ ފިޔަވަޅުތަކެއް އަޅާފައިވާއިރު، ޖަލުން މީހުން ޕޮޒިޓިވްވުމާއިއެކު ކަރަންޓީން ފެސިލިޓީތަކަށް މީހުން ބަދަލުކޮށް ކޮންޓެކްޓް ޓްރޭސިންގެ މަސައްކަތްތައް ކުރިއަށް ގެންދެއެވެ. މީގެ ކުރިން ކަމާބެހޭފަރާތްތަކުން ވަނީ ޖަލުތަކުގެ ކޮވިޑް-19 ގެ ހާލަތު ދެނެގަތުމަށް ރެންޑަމް ސާމްޕަލިންގެ މަސައްކަތްވެސް ކޮށްފައެވެ.
