ހުކުމް ތަންފީޒް ކުރަމުންދިޔަ ގައިދީއަކު މަރުވެއްޖެ
މަރުވެފައިވަނީ ސ ފޭދޫ ސްނޯވައިޓް ހަސަން ސައީދު
ޖަލު: ހުޅުމާލޭ ޖަލުގައި ހުރި ގައިދީއަކު ވަނީ މަރުވެފައި
ހުޅުމާލޭ ޑިޓެންޝަން ސެންޓަރުގައި ހުކުމް ތަންފީޒް ކުރަމުންދިޔަ ގައިދީއަކު މަރުވެއްޖެއެވެ.
މަރުވެފައިވަނީ ސ. ފޭދޫ, ސްނޯވައިޓް, ހަސަން ސައީދު 51އ. އެވެ
މޯލްޑިވްސް ކަރެކްޝަނަލް ސަރވިސްއިން ވެސް ވަނީ އެކަން ކަށަވަރުކޮށް ދެއްވާފައެވެ.
ރާއްޖެ އެމްވީއަށް މައުލޫމާތު ދެއްވަމުން ކަރެކްޝަންސްގެ މީޑިޔާ އޮފިޝަލް އަހުމަދު ލުގްމާން ވިދާޅުވީ އޭނާ މަރުވީ ރޭ ދަންވަރު މޭގައި ރިއްސާތީ ހުޅުމާލޭ ހޮސްޕިޓަލަށް ގެންދެވި ފަރުވާދިނުމަށް ފަހު އިތުރުފާރުވާ ދޭންޖެހޭ ކަމަށް ޑޮކްޓަރުން ވިދާޅުވަމުން އައިޖީއެމްއެޗަށް ބަދަލުކޮށް ފަރުވާދެމުންދަނިކޮށް އަންގާރަ ދުވަހުގެ މެންދުރު 2:30 ހާއިރު ކަމަށެވެ.
އޭނާއަކީ މިދިޔަ ޖެނުއަރީމަހު 19 ވަނަ ދުވަހުން ފެށިގެން 15 އަހަރު ދުވަހުގެ މުއްދަތަކަށް ޖަލަށްލާފައި ހުރި މީހެއް ކަމަށް ވެސް ކަރެކްޝަނުން ބުންޏެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި އެމީހަކީ އިތުބާރު ކުރެވޭ މަގާމެއްގައި ހުރެ ކުޑަކުއްޖަކާ މެދު ޖިންސީ ޢަމަލު ހިންގިކަމުގެ ކުށް ސާބިތުވެގެން ކުރި ހުކުމެއް ތަންފީޒް ކުރަމުންދިޔަ މީހެކެވެ. ފަހަކަށް އައިސް ގައިދީން މަރުވާ އަދަދު ވަނީ އިތުރުވެފައެވެ. މިދިޔަ އަހަރުގެ ފަހުކޮޅު ވެސް މިގޮތަށް ގައިދީންތަކެއް މަރުވެފައި ވެއެވެ
