ކ. މާލެ
|
21 ޖެނުއަރީ 2021 | ބުރާސްފަތި 17:37
ވެކްސިންނަށް އާންމުން ހޭލުންތެރި ކުރުމަށް ހެލްތު ވޯކަރުންނަށް ބޭއްވި ތަމްރީން ޕްރޮގްރާމްގެ ތެރެއިން
ވެކްސިންނަށް އާންމުން ހޭލުންތެރި ކުރުމަށް ހެލްތު ވޯކަރުންނަށް ބޭއްވި ތަމްރީން ޕްރޮގްރާމްގެ ތެރެއިން
ހެލްތު ޕްރޮޓެކްޝަން އެޖެންސީ
ހެލްތު ޕްރޮޓެކްޝަން އެޖެންސީ
ވެކްސިނަށް އާންމުން ހޭލުންތެރި ކުރުމަށް އެޗްޕީއޭއިން ހެލްތު ވޯކަރުންނަށް ތަމްރީން ޕްރޮގްރާމެއް ބާއްވައިފި
 
ރާއްޖޭގައި ބޭނުންކުރާ ވެކްސިންތައް ދުނިޔޭގެ ސިއްޙަތު ޖަމްޢިއްޔާގެ މިންގަނޑުތަކަށް ފެތޭނެ
 
ކޮވިޑް ވެކްސިންގެ ފުރަތަމަ ޝިޕްމަންޓް ބުދަ ދުވަހު ވަނީ ރާއްޖެ ގެނަސްފައި

ކޮވިޑް-19ގެ ވެކްސިން ދިނުމަށް ސިއްހީ މަސައްކަތްތެރީންނަށް ތަމްރީން ޕްރޮގްރާމެއް ހެލްތު ޕްރޮޓެކްޝަން އެޖެންސީން (އެޗްޕީއޭ)އިން ބާއްވައިފިއެވެ.

މި ތަމްރީން ޕްރޮގްރާމްގައި ވެކްސިން ގެންގުޅޭނެ ގޮތާއި، ރައްޔިތުން ވެކްސިނަށް ޑިމާންޑްކުރާ މިންވަރަށް ސަޕްލައި ނުކޮށްދެވޭނެކަމާއި، ވެކްސިން ދޭން ކަނޑައަޅާފައިވާ ގައިޑްލައިން ކިޔައިދިނުމާއި، އަދި ވެކްސިންއާއިމެދު އާންމުން ހޭލުންތެރި ކުރުވުން މި ތަމްރީން ޕްރޮގްރާމްގައި ކުރިއަށް ގެންގޮސްފައި ވާކަމަށް އެޗްޕީއޭއިން ބުނެއެވެ.

އެޗްޕީއޭއިން ބުނީ މި ތަމްރީން ޕްރޮގްރާމްގައި 290 ހެލްތު ވޯކަރުން ބައިވެރިވެފައިވާ ކަމަށާއި، މި ޕްރޮގްރާމަކީ ވޯލްޑް ހެލްތު އޯގަނައިޒޭޝަން އަދި ޔުނިސެފްއާ ގުޅިގެން ބޭއްވި ޕްރޮގްރާމެއް ކަމަށެވެ.

އެޗްޕީއޭއިން ސިއްހީ މަސައްކަތްތެރީންނަށް ތަމްރީން ޕްރޮގްރާމެއް ހިންގާފައިވާއިރު، ކޮވިޑް ވެކްސިންގެ ފުރަތަމަ ޝިޕްމަންޓް ބުދަ ދުވަހު ވަނީ ރާއްޖެ ގެނެސްފައެވެ. އެގޮތުން ބުދަ ދުވަހު އިންޑިއާ ސަރުކާރުގެ އެހީގައި ރާއްޖެއަށް 1 ލައްކަ ޑޯޒުގެ ވެކްސިން ގެނެސްފައިވާއިރު، މިއީ ސިރަމް އިންސްޓިޓިއުޓުން އުފައްދާފައިވާ އޮކްސްފޯރޑް އެސްޓްރަޒެނެކާގެ ކޮވިޝީލްޑް ވެކްސިނެވެ.

ރާއްޖޭގައި ބޭނުންކުރާ ވެކްސިންތައް ދުނިޔޭގެ ސިއްޙަތު ޖަމްޢިއްޔާގެ މިންގަނޑުތަކަށް ފެތޭނެ ކަމަށާއި، އަދި ރައްކާތެރިކަމުގެ މިންގަނޑުތައް ބަލައި ކަށަވަރު ކުރެވޭނެ ކަމަށް އެޗްޕީއޭއިން ވަނީ ހާމަކޮށްފައެވެ.

އެޗްޕީއޭއިން ބުނީ ރާއްޖޭގައި ބޭނުން ކުރާ ވެކްސިންތަކަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)ގެ ހުއްދަ އޮންނާނެ ކަމަށާއި، ވެކްސިން ޖެހުމުން ދިމާވެދާނެ ސައިޑް އިފެކްޓްތަކަށް ރަނގަޅަށް ބެލޭނެ ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒަމްޢަތު އަޙްމަދު ވަހީދު
0%
0%
0%
0%
0%
0%
ކޮމެންޓް