މުޅި ދުނިޔެއިން ކޮވިޑް-19ށް ޕޮޒިޓިވްވި މީހުންގެ އަދަދު 95 މިލިއަނަށް ވުރެ މައްޗަށް އަރައިފިއެވެ.

ވޯލްޑޮމީޓަރ އިން ހާމަކޮށްފައިވާ އެންމެފަހުގެ މައުލޫމާތުތައް ދައްކާގޮތުން 95،565،791 (ނުވަދިހަ ފަސް މިލިއަން ފަސް ލައްކަ ފަސްދޮޅަސް ފަސް ހާސް ހަތް ސަތޭކަ ނުވަދިހަ އެކެއް) މީހުންނަށް ކޮވިޑް ޖެހިގެން ވަނީ ރިޕޯޓު ކޮށްފައެވެ. އަދި މިބަލީގައި ޖުމްލަ 2،041،378 (ދެމިލިއަން ސާޅިސް އެއް ހާސް ތިން ސަތޭގަ ހަތްދިހަ އަށެއް) މީހުން ވަނީ މަރުވެފައެވެ.

މީގެ އިތުރުން 25،246،653 (ފަންސަވީސް މިލިއަން ދެ ލައްކަ ސާޅިސް ހަ ހާސް ހަ ސަތޭކަ ފަންސާސް ތިނެއް) މީހުންނަށް ފަރުވާދެމުން އަންނަ އިރު 1،11،560 (އެއް ލައްކަ އެގާރަ ހާސް ފަސް ސަތޭކަ ފަސްދޮޅަސް) މީހުންނަކީ ހާލު ދެރަ އަދި ހާލު ސީރިއަސް މީހުންނެވެ.

ދުނިޔޭގައި ކޮވިޑް-19 ހަލުވި ކަމާއިއެކު ފެތުރެމުން އަންނައިރު މިހާތަނަށް އެންމެ ގިނަ އަދަދެއްގެ މީހުން ކޮވިޑަށް ޕޮޒިޓިވް ވެފައިވަނީ އެމެރިކާއިންނެވެ. އެގޮތުން އެގައުމުން މިހާތަނަށް ޖުމްލަ 24،483،583 (ސައްވިސް މިލިއަން ހަތަރު ލައްކަ އަށްޑިހަ ތިންހާސް ފަސް ސަތޭހަ އަށްޑިހަ ތިނެއް) މީހުންނަށް ކޮވިޑް ޖެހިގެން ރިޕޯޓު ކޮށްފައިވެއެވެ.

އެމެރިކާގެ އިތުރުން އެންމެ ގިނަ އަދަދަކަށް މީހުން ކޮވިޑް-19 އަށް ގައުމުގެތެރޭގައި އިންޑިއާ، ބްރެޒިލް، ރަޝިއާ އަދި އިނގިރޭސިވިލާތް ހިމެނެއެވެ.

ކޮވިޑް-19 ކޮންޓްރޯލް ކުރުމަށް ގިނަ ފިޔަވަޅުތަކެއް އެކިއެކި ގައުމުން އަޅަމުން ދާއިރު ބައެއް ގައުމުތަކުން މިހާރު ވަނީ ކޮވިޑް-19 ވެކްސިން ވެސް ޖަހަން ފަށާފައެވެ.