ރާއްޖެއަށް އެތެރެކުރާ އަދި ބޭރުކުރާ ނަގުދު ފައިސާ ރިޕޯޓުކުރަންޖެހޭ އަދަދަށް ބަދަލު ގެނެސްފި
17 ޖެނުއަރީ 2021 | އާދީއްތަ 04:00މީގެ ކުރިން އެންމެ ގިނައިން ރިޕޯޓްނުކޮށް އެތެރެކުރެވެނީ 20،000 ޑޮލަރާ އެއްވަރު ފައިސާ
މޯލްޑިވްސް ކަސްޓަމްސް ސަރވިސް
ދިވެހިރާއްޖެއަށް އެތެރެކުރާ އަދި ބޭރުކުރާ ނަގުދު ފައިސާ ރިޕޯޓުކުރަންޖެހޭ އަދަދަށް ބަދަލު ގެނެސްފިއެވެ.
މޯލްޑިވްސް ކަސްޓަމްސް ސަރވިސްއިން ވަނީ 17 ޖަނަވަރީއިން ފެށިގެން ދިވެހިރާއްޖެއަށް އެތެރެކުރާ އަދި ބޭރުކުރާ ނަގުދު ފައިސާ ރިޕޯޓުކުރަންޖެހޭ އަދަދަށް މިހާރު ބަދަލުގެނެގެނެސްފައިވާކަން ހާމަކޮށްފައެވެ. އެގޮތުން މީގެ ކުރިން މޯލްޑިވްސް ކަސްޓަމްސް ސަރވިސްއަށް ރިޕޯޓްކުރަންޖެހޭ އަދަދަކީ، 20،000 (ވިހިހާސް) އެމެރިކާ ޑޮލަރު ނުވަތަ މިއަށްވުރެ މަތީ އަދަދެއްގެ އެމެރިކާ ޑޮލަރު، ނުވަތަ މި އަދަދަށްވާ ނުވަތަ މި އަދަދަށް ވުރެ މަތީ އަދަދަކަށްވާ ދިވެހި ރުފިޔާ ނުވަތަ ބޭރު ފައިސާކަމުގައި ކަނޑައަޅާފައި ވިޔަސް، ޖެނުއަރީ 17 އިން ފެށިގެން މިއަދު ވަނީ 10،000 (ދިހަ ހާސް) އެމެރިކާ ޑޮލަރަށް ތިރިކޮށްފައެވެ.
ދިވެހިރާއްޖެއަށް އެތެރެކުރާ ނުވަތަ ދިވެހިރާއްޖެއިން ބޭރުކުރާ ނަގުދު ފައިސާ ރިޕޯޓުކުރަންޖެހޭ އަދަދު ކަނޑައެޅުމުގެ ގަވާއިދަށް ގެނައި ދެވަނަ ވަނަ އިޞްލާޙުގެ ދަށުން މިހާރު މޯލްޑިވްސް ކަސްޓަމްސް ސަރވިސްއަށް ރިޕޯޓްކުރަންޖެހޭ އަދަދަކީ، 10،000 (ދިހަ ހާސް) އެމެރިކާ ޑޮލަރު ނުވަތަ މިއަށްވުރެ މަތީ އަދަދެއްގެ އެމެރިކާ ޑޮލަރު، ނުވަތަ މި އަދަދަށްވާ ނުވަތަ މި އަދަދަށް ވުރެ މަތީ އަދަދަކަށްވާ ދިވެހިރުފިޔާ ނުވަތަ ބޭރު ފައިސާކަމުގައި ވަނީ ކަނޑައަޅާފައެވެ.
ރާއްޖެއަށް ތެރެކުރާ ނުވަތަ ދިވެހިރާއްޖެއިން ބޭރުކުރާ ނަގުދު ފައިސާ ރިޕޯޓުކުރަންޖެހޭ އަދަދެއް ކަނޑައަޅާފައި މިވަނީ، މަނީ ލޯންޑްރިންގ އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ޤާނޫނުގެ 24 ވަނަ މާއްދާގެ (ހ)ގެ ދަށުން، މި ފަދަ އަމަލުތައް ހުއްޓުވުމުގެ ބޭނުމުގައެވެ
