ފޮރެންސިކް ޑިޕާޓްމެންޓް އިސް އޮފިސަރަކު ބަދަލުކޮށްފި
އޮފިސަރުންގެ ޑިޕާޓްމެންޓް ބަދަލުކުރި ސަބަބެއް ފުލުހުން ހާމައެއް ނުކުރޭ
ޕޮލިސް ކޮމިޝަނަރު އަހްމަދު އަރީފު ފޮރެންސިކް ޑިޕާޓްމެންޓްގެ އޮފިސަރުންނާ ބައްދަލުކުރަނީ
މޯލްޑިވްސް ޕޮލިސް ސާވިސްގެ ފޮރެންސިކް ޑިޕާޓްމެންޓްގެ އިސް އޮފިސަރަކަށް ހުންނެވި އަބްދުﷲ އަހްމަދު ކުއްލި ގޮތަކަށް އެހެން ޑިޕާޓްމެންޓަކަށް ބަދަލުކޮށްފިއެވެ.
ރާއްޖެ އެމްވީއަށް މައުލޫމާތު ލިބިފައިވާ ގޮތުގައި ފޮރެންސިކް އެކްސްޕަރޓަކަށް ހުންނެވި އަބްދުﷲ އަހްމަދު ބަދަލުކޮށްފައި ވަނީ ސީރިއަސް އެންޑް އޮގަނައިޒްޑް ކްރައިމް ޑިޕާޓްމެންޓަށެވެ. އޮގަނައިޒްޑް ކްރައިމް ޑިޕާޓްމެންޓްގައި ކުރިން ހުންނެވި މުހައްމަދު ރިޔާޒު ބަދަލުކޮށްފައި ވަނީ ކޮމިޝަނަރުގެ ބިއުރޯ އަށެވެ.
މި ބަދަލުތައް ގެނެސްފައި މި ވަނީ ސޯޝަލް މީޑިއާ އެކްޓިވިސްޓް އަދި ބްލޮގާ ޔާމީން ރަޝީދަށް ހަމަލާދީ މަރާލި ތަހްގީގު ކުރިއަށް ގެންދަނިކޮށެވެ.
މިކަމާ ގުޅޭ ގޮތުން ފުލުހުންގެ ބަހެއް ނުލިބެއެވެ.
ޔާމީން މަރާލިތާ ހަ ދުވަސް ފާއިތުވެގެން ގޮސްފައިވާއިރު، ޔާމީންގެ ގާތިލުން ދަނެގަނެވިފައި ވާކަމަށް ފުލުހުން ބުނި ނަމަވެސް، ގާތިލުންގެ ނަން ފުލުހުން ހާމަކޮށްފައެއް ނުވެއެވެ.
