ފުލުހުންގެ ބެލުމުގެ ދަށުގައިހުރި ބައެއް ތަކެތީގެ ވެރިފަރާތް ހޯދަނީ
އަމީނީމަގު ސްޓެލްކޯ ކައިރިން ފުލުހުންގެ ބެލުމުގެ ދަށަށް ގެނައި މީހެއްގެ އަތުން ފެނިފައިވާ ކާރު ބެޓެރި
ކޮވިޑް-19 އާއި ގުޅިގެން ފުލުހުން މަގުތަކުގައި ފޯރި މަރަނީ
އެކި މައްސަލަތަކުގައި ފުލުހުންގެ ބެލުމުގެ ދަށަށް ގެނެސްފައިވާ ބައެއް ތަކެތީގެ ވެރިފަރާތް ހޯދުމަށް ފުލުހުން އާންމުންގެ އެހީތެރިކަމަށް އެދިއްޖެއެވެ.
ފުލުހުން ވިދާޅުވީ، މި ތަކެއްޗަކީ މާލޭގެ އެކި ސަރަހައްދުތަކުން ތުހުމަތު ކުރެވިގެން ހުއްޓުވައި ސުވާލުކުރި ބައެއް މީހުންގެ އަތުން ފެނިފައިވާ ތަކެތި ކަމަށާއި އެ ތަކެތީގެ ވެރިފަރާތް އެ މީހުންނަށް ބުނެދެވިފައި ނުވާތީ އެ ތަކެތި ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
އެގޮތުން ފުލުހުންގެ ބެލުމުގެ ދަށުގައި ހުރި ތަކެއްޗަކީ، 2021 ޖެނުއަރީ 3 ވަނަ ދުވަހު ވައްކަމުގެ މައްސަލައެއްގައި އަމީނީމަގު ސްޓެލްކޯ ކައިރިން ފުލުހުންގެ ބެލުމުގެ ދަށަށް ގެނައި މީހެއްގެ އަތުން ފެނިފައިވާ ކާރު ބެޓެރި އަކާއި، ހަމަ މި ދުވަހު ފޭރުމުގެ މައްސަލައެއްގައި ކޮއިމަލާ ހިނގުމުން ފުލުހުންގެ ބެލުމުގެ ދަށަށް ގެނައި މީހެއް ދުއްވި ސަައިކަލެއްގެ މަޑިދަށުން ފެނިފައިވާ ޓެބްލެޓެއްގެ އިތުރުން، މި މަހުގެ 5 ވަނަ ދުވަހު ބާޒާރު މަތިން، ވަދުފޮށި ފިހާރަކައިރިން ހޮވައިގެން ގެނެސްފައިވާ 1000 ރުފިޔާ އެވެ.
ފުލުހުން ވިދާޅުވީ، މި ތަކެތީގެ ވެރިފަރާތުން، ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަންބަރު 9631696 އަށް ގުޅުއްވައި، ކާކުކަން އެނގޭނެ ލިޔުމަކާއެކު ޝަހީދު ޙުސައިން އާދަމް ބިލްޑިންގަށް ހާޒިރުވެ ތަކެއްޗާއި ހަވާލުވެލެއްވުން އެދޭ ކަމަށެވެ.
