ކުރިއަށް އޮތް ލޯކަލް ކައުންސިލް އިންތިހާބުގެ ކެމްޕޭން ވަރުގަދަ ކުރުމަށް އެމްޑީޕީގެ ހާއްސަ ވަފުދެއް ހއ. އަދި ހދ. އަތޮޅަށް ހިނގެއްޖެ އެވެ. 

މި ދަތުރުގައި އެމްޑީޕީގެ ނައިބް ރައީސް މުހައްމަދު ޝިފާޒާއި، ރައްޔިތުންގެ މަޖިލީހުގެ ވައިކަރަދޫ ދާއިރާގެ މެމްބަރު މުހައްމަދު ނާޒިމް، ރައްޔިތުންގެ މަޖިލީހުގެ މެމްބަރު އިބްރާހިމް ނަސީރު ބައިވެރިވަޑައިގަންނަވެއެވެ. މި ދަތުރުގައި ހއ. ހދ. ގެ ގިނަ ރަށްތަކަށް ދަތުކުރުކުރުމަށް ހަމަޖެހިފައިވާ އިރު، ކައުންސިލް އިންތިހާބުގެ ކެމްޕޭން ވަރުގަދަ ކުރުމަށް ހާއްސަ ޖަލްސާތަކެއް ވެސް ބާއްވަން ވަނީ ނިންމާފައެވެ. 

ބުރާސްފަތި ދުވަހުގެ ރޭ ނެއްލައިދޫގައި އެމްޑީޕީގެ ޖަގަހަ ހުޅުވުމަށް ފަހު ހާއްސަ ޖަލްސާއެއް ބޭއްވުމަށް ވަނީ ހަމަޖެހިފައެވެ. ހުކުރު ދުވަހުގެ ރޭ ކުޅުދުއްފުށީގައި ޖަލްސާއެއް ބޭއްވުމަށް ހަމަޖެހިފައިވާއިރު، ހޮނިހިރު ދުވަހުގެ ރޭ ބާރަށުގައި ވެސް ވަނީ ކެމްޕޭން ޖަލްސާއެއް އޮންނާނެ އެވެ. 

މެއި މަހުގެ 5 ވަނަ ދުވަހު ބޭއްވުމަށް ހަމަޖެހިފައިވާ ލޯކަލް ކައުންސިލް އިންތިހާބަށް ކެމްޕޭން ކުރުމަށް އެމްޑީޕީން ދަނީ ރާއްޖޭގެ އެކި ކަންކޮޅުތަކަށް ދަތުރުކުރަމުނެވެ. މި ދަތުރުތަކުގައި ކައުންސިލް އިންތިހާބަށް ކުރިމަތިލާފައިވާ ކެންޑިޑޭޓުންނަން ތާއިދު ހޯދުމަށް ދޮރުން ދޮރަން ކެމްޕޭނު ވެސް ކުރެ އެވެ.