ޑުޓާޓެއަށް ބައިނަލް އަޤްވާމީ ކްރިމިނަލް ކޯޓަށް ދާންޖެހިދާނެ!

ފިލިޕީންސްގެ ރައީސް ރޮޑްރިގޯ ޑުޓާޓެއަށް ބައިނަލް އަޤްވާމީ ކްރިމިނަލް ކޯޓަށް ހާޒިރުވާން ޖެހިދާނެ ކަމުގެ އިޝާރާތެއް ވެއްޖެއެވެ.

ޑުޓާޓެއަށް ބައިނަލް އަޤްވާމީ ކްރިމިނަލް ކޯޓަށް ހާޒިރުވާން ޖެހިދާނެކަމުގެ އިޝާރާތެއް ލިބިފައި މިވަނީ ފިލިޕިންސްގެ ވަކީލަކު ޑުޓާޓެއާ ދެކޮޅަށް ހުށަހެޅި މައްސަލައަކާ ގުޅިގެންނެވެ.

ޑުޓާޓެގެ އިތުރުން ފިލިޕިންސް ސަރުކާރުގެ އެހެނިހެން އިސްވެރިން ވެސް ދަ ހޭގުގައި ހުންނަ ބައިނަލް އަޤްވާމީ ޖިނާޢީ ކޯޓަށް ހާޒިރުވާން ޖެހިދާނެއެވެ.

ފިލިޕިންސްގެ ވަކީލެއް ކަމަށްވާ ޖޫޑް ސާބިއު ވަނީ ޑޫޓާޓެގެ ވެރިކަމުގައި ފައްޓަވާފައިވާ މަސްތުވާތަކެއްޗާ ދެކޮޅު ހަނގުރާމައިގައި މީހުން މަރާފައިވާ ކަމަށް ބުނެ ކޯޓަށް މައްސަލައެއް ހުށަހަޅާފައެވެ.

އެގޮތުން ވެރިކަމަށް ވަޑައިގެންނެވުމުގެ ކުރިން ވެސް ޑުޓާޓެ ވަނީ މަސްތުވާތަކެއްޗާ ދެކޮޅަށްކުރާ ހަނގުރާމައެއް ކަމަށްބުނެ ބައެއް މީހުން މަރާފައެވެ.

އެގޮތުން 1988 ވަނަ އަހަރު ޕިލިޕިންސްގެ ގާނޫނު ހަދާ މަޖްލީހަށް ވަޑައިގެން، ޑަވާއޯ ސިޓީގެ ވައިސް މޭޔަރު ކަމަށް ވަޑައިގެންނެވި ހިސާބުން ފެށިގެން ޑުޓާޓެ އެތައް ބަޔަކު މަރާފައިވާ ކަމަށް ތުހުމަތު ކުރެވެއެވެ.

ޖޫޑް ސާބިއު ކޯޓަށް ހުށަހެޅި މައްސަލައިގައި އެދިފައި ވަނީ ޑުޓާޓެ އާއި ފިލިޕީންސް ސަރުކާރުގެ ސީނިއާ އޮފިޝަލުން ހިންގާ އިންސާނިއްޔަތާ ޚިލާފު ޖަރީމާތައް ތަހުގީގުކޮށް ދައުވާ ކޮށްދިނުމަށެވެ.

އަައިސީސީގެ ޕްރޮސެކިއުޓާ ފާތޯއޫ ބެންސޫދާގެ އޮފީހަށް ސާބިއޯ މައްސަލަ ހުށަހެޅީ ހޭގަށް ގޮސް އޭނާ އަމިއްލަ އަށެވެ.

ޑަވާއޯ ސިޓީގައި ޑުޓާޓެ 1،400 އަށް ވުރެ ގިނަ އާއްމުން މަރައި އަދި ފިލިޕީންސްގެ ރައީސްކަން ލިބިވަޑައިގެންނެވި ފަހުން މަސްތުވާތަކެއްޗާ ދެކޮޅު ހަނގުރާމައިގައި 7،000 މީހުން މަރާފައިވާ ކަމަށް ވަކީލް ބުނެފައިވެ އެވެ.