ސްޕެއިންގެ ބާސެލޯނާގެ ޒުލެއްގައި ގެންގުޅޭ ހަތަރު ސިންގާ، ކޮވިޑް-19 އަށް ޕޮޒިޓިވްވެއްޖެކަމަށް އެ ގައުމުގެ ވެޓެރިނަރީ އިދާރާތަކުން ހާމަކޮށްފިއެވެ.
މިއީ ބުޅާ އާއިލާއަށް ނިސްބަތްވާ ބޮޑެތި ޖަނަވާރުންގެ ގައިން މިވައިރަސް ފެނި ރިކޯޑް ކުރެވުނު ދެވަނަ ފަހަރެވެ. ބާސެލޯނާ ކޮވިޑަށް ޕޮޒިޓިވްވި ސިންގާތަކުގެ ތެރޭގައި ހިމެނެނީ 16 އަހަރުގެ ތިން އަންހެން ސިންގާއެވެ. ދެން ޕޮޒިޓިވްވީ ހަތަރު އަހަރުގެ ފިރިހެން ސިންގާއެކެވެ. މި ޖަނަވާރުތައް ކޮވިޑަށް ޓެސްޓުކުރަން ނިންމީ އެ ބަލީގެ އަލާމާތްތައް ފެންނަން ފެށުމުންކަމަށް މީޑިއާ ރިޕޯޓްތަކުގައިވެއެވެ.
މި ސިންގާތަކަށް ކޮވިޑް ޖެހުނުގޮތް ދެނެގަތުމުގެ މަސައްކަތްކުރަމުން އަންނައިރު، ޒުލުގައި މަސައްކަތްކުރާ ދެ މުވައްޒަފަކު ކޮވިޑަށް ޕޮޒިޓިވްކަމަށް އޮފިޝަލުންނާ ހަވާލާދީ ރިޕޯޓްތަކުގައިވެއެވެ.
