މ. އަތޮޅުން ފެށިގެން އައްޑޫ ސިޓީއަށް ވައިޓް އެލާޓް ނެރެފި
ވައިޓް އެލާޓް ނެރިފައިވަނީ 15:00 އިން ފެށިގެން 20:00 އާއި ހަމައަށް
މޫސުން ގޯސް ދުވަހަކު ކަނޑު މަތީ ދަތުރު ކުރަމުން ގެންދިޔަ އުޅަނދެއް
މޫސުން ގޯސްވެ މ. އަތޮޅުން ފެށިގެން އައްޑޫ ސިޓީ އާއި ހަމައަށް ވައިޓް އެލާޓް މުސުމާއި ބެހޭ ގައުމީ އިދާރާއިން ނެރެފިއެވެ.
މޫސުމާއި ބެހޭ ގައުމީ އިދާރާއިން ބުނީ ވައިޓް އެލާޓް ނެރެފައިވަނީ އެ ސަރަހައްދުގެ މޫސުން ގޯސްވެ ގަޑިއިރަކު 19 މޭލާއި 24 މޭލާއި ދެމެދު ބާރުމިނުގައި ވައި ޖެހި، ވިލާ ގަނޑުގައި ގަޑިއިރަކު 45 މޭލަށް ވައިގަދަވާނެ ކަމަށް ލަފާ ކުރެވޭތީ ކަމަށެވެ. އެހެންކަމުން މި ސަރަހައްދުގެ ކަނޑުތައް ގަދަވާނެ ކަމަށާއި، ކަނޑުދަތުރު ކުރާ ފަރާތްތަކުން މޫސުމަށް ސަމާލުވުމަށް މޫސުމާއި ބެހޭ އިދާރާއިން ވަނީ އެދިފައެވެ.
މޫސުމާއި ބެހޭ އިދާރާއިން ބުނީ ވައިޓް އެލާޓް ނެރިފައިވަނީ 15:00 އިން ފެށިގެން 20:00 އާއި ހަމައަށް ކަމަށެވެ. އަދި ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރު ކުރުމަަކީ އެކަށީގެންވާ ކަމެއްކަމަށް އެއިދާރާއިން ބުނެއެވެ. އެހެންކަމުން ހުރިހައި ފަރާތްތަކުން މޫސުމަށް ސަމާލުވުމަށް ވަނީ އިލްތިމާސް ކޮށްފައެވެ.
