ކ. މާލެ
|
4 ޑިސެންބަރ 2020 | ހުކުރު 23:09
ރައީސް ލ އަޮތޮޅަށް ކުރެއްވި ދަތުރުފުޅުގެ ތެރެއިން
ރައީސް ލ އަޮތޮޅަށް ކުރެއްވި ދަތުރުފުޅުގެ ތެރެއިން
ރައީސް އޮފީސް
ރައީސް ލ އަށް ޒިޔާރަތް ކުރެއްވުން
ރައީސް ލ.އަތޮޅަށް ކުރެއްވި ދަތުރުފުޅު ނިންމަވާލެއްވުމަށް ފަހު މާލެ ވަޑައިގެންފި
 
ގަމުގައި ތިން މަޝްރޫއު އެއް އިފްތިތާހު ކޮށްދެއްވި
 
އެމްއެންޑީއެފްގެ ޑިމޮންސްޓްރޭޝަން ބައްލަވައިލެއްވި
 
ކައްދޫ އަށާއި ގަމަށް ޒިޔާރަތް ކުރެއްވި

ރައީސް އިބްރާހީމް މުހައްމަދު ސޯލިހު ލ. އަތޮޅުގެ ދެ ރަށަކަށް ކުރެއްވި ރަސްމީ ދަތުރުފުޅު ނިންމަވައިލެއްވުމަށް ފަހު ހުކުުރު ދުވަހުގެރޭ މާލެ ވަޑައިގަންނަވައިފި އެވެ.

މި ދަތުރުފުޅުގައި ރައީސް ވަޑައިގަންނަވާފައި ވަނީ ކައްދޫ އާއި ގަމަށެވެ.

ރައީސް ކައްދޫއަށް ކުރެއްވި ދަތުރުފުޅުގައި، އެ ރަށުގައި ގާއިމުކޮށްފައިވާ އެމްއެންޑީއެފްގެ ސެންޓްރަލް އޭރިއާގެ މަރުކަޒަށް ޒިޔާރަތްކުރައްވާ، ސިފައިންގެ އަސްކަރީ ތަމްރީނުގެ ޑިމޮންސްޓްރޭޝަން އެއް ބައްލަވައިލެއްވިއެވެ.

ބުރާސްފަތި ދުވަހު ކައްދޫގައި ބޭއްވި މި ޑެމޮންސްޓްރޭޝަން އަކީ ނޮވެންބަރު މަހުގެ 16 އިން ފެށިގެން ޑިސެންބަރު މަހުގެ ތިން ވަނަ ދުވަހުގެ ނިޔަލަށް ކުރިއަށް ގެންދިޔަ އެމްއެންޑީއެފްގެ އަސްކަރީ ތަމްރީނުތަކުގައި ސިފައިން ހޯދާފައިވާ ހެވިކަމުގެ ހުނަރުތައް ދައްކާލުމަށް ކުރިއަށް ގެންދިޔަ ޑެމޮންސްޓްރޭޝަންއެކެވެ.

ރައީސް ލ އަށް ކުރެއްވި ދަތުރުފުޅުގައި ދެވަނައަށް ވަޑައިގެންނެވީ ގަމަށެވެ. އެ ރަށަށް ވަޑައިގަންނަވާ އެ މަނިކުފާނު ވަނީ ސަރުކާރުން ކުރިއަށްގެންދިޔަ ތިން މަޝްރޫއެއްގެ ނިމުން ފާހަގަކުރައްވައި، އެ ތިން ތަނުގެ ހިދުމަތް ރަސްމީގޮތުން އިފްތިތާހް ކޮށްދެއްވާފައެވެ.

އެއީ، ގަން ރީޖަނަލް ހޮސްޕިޓަލްގައި ސީޓީ ސްކޭންގެ ހިދުމަތާއި، ގަމުގެ މަރުކަޒީ އިންޖީނުގެ އެއް ވިއުގައަކުން ގުޅައިލުމާއި، އަދި ގަމުގައި އަލަށް ޢިމާރާތްކޮށްފައިވާ ގަމު ޒޯން ސްޓޭޑިއަމްގެ ފުޓުބޯޅަ ދަނޑެވެ.

އެ ރަށުގެ ރައްޔިތުންނާ މުހާތަބު ކުރައްވާ ވާހަކަ ދައްކަވަމުން ރައީސް ސޯލިހު ވަނީ އެ ރަށުގައި ހިންގުމަށް ހަމަޖެހިފައިވާ މަޝްރޫއުތަކުގެ މައުލޫމާތު ހިއްސާކުރައްވާފައެވެ.

ރައީސް ސޯލިހު ލ. ގަމަށް ވަޑައިގަތުމުން އެ ރަށުން ވަނީ އެމަނިކުފާނަށް ހޫނު މަރުހަބާއެއް ކިޔާފައި. ފޮޓޯ: ރައީސް އޮފީސް

އެގޮތުން އަންނަ އަހަރުގެ ބަޖެޓުގައި ހިމަނާފައިވާ ބައެއް ކަންތައްތައް އެމަނިކުފާނު އަލިއަޅުއްވައިލެއްވިއެވެ. އޭގެ ތެރޭގައި ލ. ގަމު މުކުރިމަގު ބަނދަރުގެ މަސައްކަތާއި، ތުނޑި އަވަށުގެ ބަނދަރުގެ މަސައްކަތް އަންނަ އަހަރު ކުރިއަށް ގެންދިއުމަށް ބަޖެޓް ކުރެވިފައިވާ ކަމަށް ވިދާޅުވިއެވެ. އަދި ގަމުގެ މަގު ހެދުމުގެ މަޝްރޫއުގެ ޑިޒައިނަށް ބޭނުންވާ ސާވޭގެ މަސައްކަތްތައްވެސް މިހާރު ނިމިފައިވާކަން ފާހަގަކުރައްވަމުން ރައީސް ވިދާޅުވީ، އެ ރަށުގައި ބޯފެނުގެ ނިޒާމެއް ގާއިމުކުރުމުގެ މަސައްކަތްވެސް މިހާރު އޮތީ އެކަމަށް ޝޯޓްލިސްޓް ކުރެވުނު ފަރާތްތަކުން ބީލަން ހުޅުވައިލުމުގެ މަރުހަލާގައި ކަމަށެވެ.

ލ. އަތޮޅުގެ ރަށްތަކުގެ ތެރެއިން، ފެނާއި ނަރުދަމާ ނިޒާމު މިހާތަނަށް ގާއިމުނުކުރެވި ހުރި ހުރިހާ ރަށެއްގައިވެސް، އެ ހިދުމަތް ގާއިމުކުރުމުގެ އަމަލީ މަސައްކަތް ފެށުމަށް ތައްޔާރުވަމުން އަންނަކަން ރައީސް ފާހަގަކުރެއްވިއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ރިޒްނާ ޒަރީރު
0%
0%
0%
0%
0%
0%
ކޮމެންޓް