އެޗްއާރުސީއެމް އަށް މުނާ އައްޔަން ކުރުމަށް މަޖިލީހުން ރުހުން ދީފި
23 ނޮވެމްބަރު 2020 | ހޯމަ 09:53އޭނާ އައްޔަނުކުރަން ފެންނަ ކަމަށް މަޖިލީހުގެ 67 މެމްބަރުން ވޯޓުދެއްވި
ރައްޔިތުންގެ މަޖިލިސް
ހިއުމަން ރައިޓްސް ކޮމިޝަން (އެޗްއާރުސީއެމް)ގެ މެމްބަރު ކަމަށް މަރިޔަމް މުނާ އައްޔަނުކުުރުމަށް ރައްޔިތުންގެ މަޖިލީހުން ރުހުންދީފިއެވ.
ހޯމަ ދުވަހުގެ ޖަލްސާގައި އޭނާ އައްޔަނުކުރަން ފެންނަ ކަމަށް މަޖިލީހުގެ 67 މެމްބަރުން ވޯޓުދެއްވިއެވެ.
މަރިޔަމް މުނާއަކީ ބިޒްނަސް އެޑްމިނިސްޓްރޭޝަން ދާއިރާއިން މާސްޓަރޒް ޑިގްރީ ހާސިލުކޮށްފައިވާ ބޭފުޅެކެވެ. އޭނާ އަކީ މެނޭޖްމެންޓް ދާއިރާއާއި ކަމާ ގުޅުންހުރި ދާއިރާތަކުން ރާއްޖެއިންނާއި ރާއްޖެއިން ބޭރު ގައުމުތަކުން އެކަށީގެންވާ މިންވަރެއްގެ ތަމްރީނުތަކެއް ލިބިފައިވާ ފަރާތެއްކަމަށް މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީގެ ރިޕޯޓުގައިވެއެވެ.
އޭނާ ވަނީ ވަޒީފާއާއި ބެހޭ ޓްރައިބިއުނަލްގެ މެމްބަރު ކަމާއި ނޭޝަނަލް ސެކިއުރިޓީގެ ޕަރމަނަންޓް ސެކެރެޓަރީ ކަމާއި ޕޮލިސް އިންޓަގްރިޓީ ކޮމިޝަނުގެ ޑިރެކްޓަރ އޮޕަރޭޝަންގެ މަގާމު ވެސް އަދާކުރައްވާފައެވެ.
އެޗްއާރުސީއެމް އަށް ދާދިފަހުން ވަނީ ތިން ބޭފުޅެއް އައްޔަނުކުރައްވާފައެވެ. އެއީ އާމިނަތު ޝަފާޢަތު ޢަބްދުއްރައްޒާޤާއި, މުއުމިނާ ވަޙީދުގެ އިތުރުން ޑރ. އަޙްމަދު އަދުހަމް ޢަބްދުﷲއެވެ.
