ރާއްޖޭގައި އެންމެ އަވަހަށް އެއަރޕޯޓެއް ހެދުމުގެ ރިކޯޑް އޮތީ ރައީސްގެ އަތްޕުޅުގައި: މެންބަރު ސަލީމް
19 ނޮވެމްބަރު 2020 | ބުރާސްފަތި 13:36ބިންހިއްކައިގެން އެންމެ އަވަހަށް ޤާއިމް ކުރެވުމު އެއަރޕޯޓްގެ ފަޚުރު ލިބިފައިވާކަން ފާހަގަކުރެއްވި
ހޯރަފުށީ ދާއިރާގެ މެންބަރު އަހުމަދު ސަލީމް
ރާއްޖޭގައި އެންމެ އަވަހަށް އެއަރޕޯޓެއް ހަދައިދިނުމުގެ ރެކޯޑް އޮތީ ރައީސުލްޖުމްހޫރިއްޔާ އިބްރާހިމް މުހައްމަދު ސާލިޙުގެ އަތްޕުޅުގައި ކަމަށް ހޯރަފުށީ ދާއިރާގެ މެންބަރު އަހުމަދު ސަލީމް ވިދާޅުވެއްޖެއެވެ.
ބުރާސްފަތި ދުވަހު ހޯރަފުށީ އެއަރޕޯޓް ހުޅުވުމަށް ބޭއްވި ރަސްމިއްޔާތުގައި ވާހަކަ ދައްކަވަމުން މެމްބަރު ސަލީމް ވިދާޅުވީ ކުރިއަށް އޮތް ތަނުގައި މި ރެކޯޑް އަދި އިތުރަށް މުގުރާމުލުގެ ފުރުސަތު އޮތީވެސް ރައީސްގެ އަތްޕުޅުގައި ކަމަށެވެ. މިހާތަނަށް ބިން ހިއްކައިގެން އެންމެ އަވަހަށް ރާއްޖޭގައި ޤާއިމް ކުރެވުމު އެއަރޕޯޓްގެ ފަޚުރު ހޯރަފުއްޓަށް ލިބިގެންދާކަން ފާހަގަ ކުރެއްވިއެވެ.
މެމްބަރު ސަލީމް ވިދާޅުވީ ހުސްވި އަހަރުގެ މާރޗް މަހުގެ ތެރޭގައި އެ ޖަލްސާ އެތަނުގައި ބޭއްވިނަމަ ތިބޭނީ ކަރުތާފެނުގައި ކަމަށާއި އެއަރޕޯޓް ތަރައްޤީކުރުމުގެ މަޝްރޫއު ނިންމާފައިވަނީ ކުޑަ މުއްދަތެއްގައި ކަމަށެވެ.
މި މަޝްރޫއު ފެށިގެން އައި ދުވަސްވަރު ހަޤީގަތުގައިވެސް މިކަން ވެދާނެކަން ގަބޫލުކުރި މީހުން އެހާ ގިނަ ނޫން ކަމަށާއި، އެކަން އެހެން ދިމާވި ސަބަބެއްގެ ގޮތުގައި ސަލީމް ވިދާޅުވީ ވެރިން ރައްޔިތުން ކުރިމަތީގައި ވެވަޑައިގަންނަވާ ވައުދަކީ ބޮނޑު ނަގުލަށް ދާއެއްޗެއްގެ ގޮތުގައި މީގެ ކުރިން ވެފައިވާތީ ކަމަށެވެ.
ސަލީމް ވިދާޅުވީ ތަރައްޤީގެ މަގުގައި ހަލުވި ފިޔަވަޅުތަކެއް އެޅެމުން ދާއިރުގައި މި ފާއިތުވެދިޔަ ދެ އަހަރަކީ ދެބަސްވެވެންނެތް ގޮތުގައި ދިވެހިރާއްޖެގައި އެންމެ ގިނަ ތަރައްޤީގެ މަޝްރޫޢު ހިނގައިދިޔަ ދެ އަހަރު ކަމަށެވެ. އަދި ކޮވިޑް-19 ގެ ހާލަތުގައި ރާއްޖެ އޮތްއިރު މާޔޫސްކަން މާދާމާގެ އުއްމީދަށް ބަދަލު ކުރެއްވީ ރައީސް ސޯލިހު ކަމަށް ސަލީމް ވިދާޅުވި އެވެ.
މި މަޝްރޫއު ހިންގަވައިދެއްވިކަމަށްޓަކައި ހޯރަފުށީ ރައްޔިތުންގެ ނަމުގައި ވަނީ ރައީސްއަށާއި އެކި ގޮތްގޮތުން އެހީތެރިވެދެއްވި ހުރިހާ ފަރާތްތަކަށް ސަލީމް ޝުކުރު އަދާކުރައްވާފައެވެ.
