15 ރަށެއްގެ ފެނާއި ނަރުދަމާގެ ނިޒާމާއި 5 ރަށެއްގެ ފެނުގެ ނިޒާމު ޤާއިމް ކުރުމުގެ މަޝްރޫއެއް އެމްޑަބްލިއުއެސްސީއާއި ހަވާލުކޮށްފި
ޑިސައިން އެންޑް ބިލްޑްގެ އުސޫލުން ފެނާއި ނަރުދަމާ ނިޒާމު ގާއިމު ކުރުމަށް ހަމަޖެހިފައިވާ ވަނީ 15 ރަށެއްގައި
ފެނާއި ނަރުދަމާ ނިޒާމް ޤާއިމް ކުރުމުގެ މަޝްރޫއު އެމްޑަބްލިއުއެސްސީއާއި ހަވާލުކުރަނީ
ޑިޒައިން އެންޑް ބިލްޑް އުސޫލުގެ ދަށުން 15 ރަށެއްގެ ފެނާއި ނަރުދަމާ ނިޒާމާއި 5 ރަށެއްގެ ފެނުގެ ނިޒާމު ޤާއިމް ކުރުމުގެ މަޝްރޫއެއް މިނިސްޓްރީ އޮފް ނެޝަނަލް ޕްލޭނިންގ ހައުސިންގް އެންޑް އިންފްރާސްޓްރަކްޗަރ އިން މާލޭ ވޯޓަރ އެންޑް ސްވަރޭޖް ކޮމްޕެނީ (އެމްޑަބްލިއުއެސްސީ) އާ ހަވާލުކޮށްފި އެވެ.
ޕްލޭނިންގ މިނިސްޓްރީއިން އެމްޑަބްލިއުއެސްސީ އާއެކު މި މަޝްރޫއުގައި ސޮއިކޮށްފައި ވަނީ އާދިއްތަ ދުވަހު ބޭއްވި ހާއްސަ ރަސްމިއްޔާތެއްގަ އެވެ. އެގޮތުން މި ރަސްމިއްޔާތުގައި އެމްޑަބްލިއުއެސްސީގެ މެނޭޖިންގ ޑައިރެކްޓަރ ހަސަން ޝާހުގެ އިތުރުން ޕްލޭނިންގ މިނިސްޓްރީގެ ބައެއް ބޭފުޅުންނާއި މަޖިލީހުގެ ބައެއް މެންބަރުން ބައިވެރިވެފައިވެ އެވެ.
ޑިސައިން އެންޑް ބިލްޑްގެ އުސޫލުން ފެނާއި ނަރުދަމާ ނިޒާމު ގާއިމު ކުރުމަށް ހަމަޖެހިފައިވާ 15 ރަށް :
މީގެ އިތުރުން 5 ރަށެއްގައި ފެނުގެ ނިޒާމު ޤާއިމު ކުރަން ހަމަޖެހިފައިވާއިރު އެރައްތަކަކީ:
މި މަޝްރޫއު ތަކަށް ޖުމްލަ 1.3 ބިލިއަން ރުފިޔާ ހަރަދުވާނެ ކަމަށް ލަފާކުރާއިރު މިއީ ޑިފާޑް ޕޭމެންޓްގެ އުސޫލުން 4 އަހަރު ދުވަހުގެ ތެރޭގައި އެމްޑަބްލިއުއެސްސީ އަށް ފައިސާ ދައްކާ ގޮތަށް މަސައްކަތް ފެށުމަށް ހަވާލު ކުރެވިފައިވާ ޕްރޮޖެކްޓް ތަކެކެވެ. އަދި މި މަޝްރޫއުތަކަކީ 2019 އަދި 2020 ވަނަ އަހަރުގެ ބަޖެޓު ކުރެވި ޑިޒައިންގެ މަސައްކަތްތައް ނިމި އަދި މިހާރު އީއައިއޭ ގެ މަސައްކަތްތައް ކުރިޔައްދާ ޕްރޮޖެކްޓް ތަކެވެ. މިހުރިހާ ރަށެއްގެ މަސައްކަތްތައްވެސް ނިންމަން ދީފައިވަނީ 18 މަސްދުވަހުގެ މުއްދަތެކެވެ.
މީގެ އިތުރުން އެމްޑަބްލިއުއެސްސީން މި މަސައްކަތްތައް ކުރިއަށް ގެންދަން ހަމަޖެހިފައިވަނީ ދެގޮތަކަށެވެ. އެއްގޮތަކީ ކޮންމެ ރަށަކުންވެސް އެރަށެއްގެ ލޯކަލް ކޮންސްޓްރަކްޓަރުންނާއި ހަވާލު ކޮށްގެން އެމަސައްކަތް ކުރިޔަށް ގެންދިޔުމެވެ. ނުވަތަ ދެވަނަ ގޮތަކީ އެކުންފުނީގެ ސްޓާފުން ޓްރެއިންކޮށް އެމުވައްޒަފުންގެ ދަށުން ކޮންމެ ރަށަކުން ވިއްސަކަށް ސްޓާފުން ނަގައިގެން މަސައްކަތް ކުރިޔައް ގެންދިޔުން ކަމަށް ޝާހު ވިދާޅުވި އެވެ.
މި މަޝްރޫއު ތަކުގެ އިތުރުން އިތުރު ހަތަރު ރަށެއްގައި ޑިޒައިން އެންޑް ބިލްޑް އުސޫލުގެ ދަށުން ފެނާއި ނަރުދަމާ ގާއިމު ކުރަން ހަމަޖެހިފައި ވާކަމަށާއި ނަމަވެސް އަދި މި ރައްރަށުގެ ޑިޒައިން ކުރުމުގެ މަސައްކަތާއި އީއައިއޭގެ މަސައްކަތްތައް އަދި ކުރިޔަށް ގެންގޮސްފައި ނުވާ ކަމަށް ވިދާޅުވި އެވެ.
ޑިޒައިން އެންޑް ބިލްޑް އުސޫލުގެ ދަށުން ފެނާއި ނަރުދަމާ ގާއިމު ކުރަން ހަމަޖެހިފައިވަނީ ގދ. ވާދޫ، ގދ. ފިޔޮރީ ، ބ. ކެންދޫ އަދި ބ. ދަރަވަންދޫގައެވެ. މިރައްރަށުގެ ޕްރޮޖެކްޓް ތަކަށް ޖުމްލަކޮށް 216.7 މިލިއަން ރުފިޔާ ހަރަދުވާނެ ކަމަށް ލަފާކޮށްފައިވެއެވެ. އަދި މި ޕްރޮޖެކްޓްތައް ނިންމަށް ދީފައިވަނީ 720 ދުވަހުގެ މުއްދަތެކެވެ.
