ފުޓުބޯޅަ އަކީ ފާޑެއްގެ އެއްޗެއް، ކޮންމެ ފަދަ ނަތީޖާއެއްވެސް ނިކުމެދާނެ: ސާންތި

ފުޓުބޯޅަ އަކީ ފާޑެއްގެ އެއްޗެއް ކަމަށާއި، ކޮންމެ ފަދަ ނަތީޖާއެއްވެސް ނިކުމެދާނެކަމަށް އީގަލްސްގެ ކޯޗު އިހްސާން އަބްދުލް ޣަނީ (ސާންތި) ބުނެފި އެވެ.

އެސްޓީއީ މާލެ ލީގުގައި އާދިއްތަ ދުވަހު ގްރީން ސްޓްރީޓް އަތުން ބަލިވި މެޗަށްފަހު ނޫސްވެރިންނާ ވާހަކަ ދައްކަމުން އީގަލްސްގެ ކޯޗް ސާންތި ބުނީ، ގްރީން ސްޓްރީޓަށް ލިބިގެން އެ ދިޔައީ ހައްގު މޮޅެއް ކަމަށާއި، އީގަލްސް އަށް މެޗުގައި މާ އެދެވޭ ކުޅުމެށް ދެއްކިފައި ނުވާކަން ގަބޫލު ކުރާކަމަށެވެ.

ސާންތި ބުނީ އީގަލްސްއަށް މެޗުގައި ދިމާވި މައިގަނޑު އެއް މައްސަލަ އަކީ ލިބޭ ފުރުސަތުތައް ނިންމާނުލެވުން ކަމަށާއި، އެއީ ފެށުނީއްސުރެ ވެސް އީގަލްސްއަށް ދިމާވާ މައްސަލައެށް ކަމަށެވެ. އެގޮތުން އެޓީމުގެ ކޯޗުކަމާ ސާންތި ހަވާލުވީއްސުރެ ކުރިއަށް ކުޅޭނެ ބިދޭސީ ކުޅުންތެރިއަކު ހޯދުމުގެ މަސައްކަތް ކުރަމުން ދާކަމަށް އޭނާ ބުންޏެވެ. މީގެ އިތުރުންވެސް ސާންތި ބުނީ އެޓީމުގެ ކީ ޕްލެއަރެށް ކަމަށްވާ ނާއްޓެ އަށް އަނިޔާވުމުންވެސް ކޮންމެވެސް ވަރެށްގެ މައްސަލަތަކެށް ދިމާވި ކަމަށެވެ.

ސާންތި ބުނީ މެޗައް އައި އިރުގައިވެސް 2-0 އިން ގްރީން ސްޓްރީޓްސް މޮޅުވާނެ ކަމަށް ހީވެސް ނުކުރާ ކަމަށާއި، ނަމަވެސް ފުޓުބޯޅަ އަކީ ފާޑެއްގެ އެއްޗެއް ކަމަށެވެ. މި ނަތީޖާގެ ސަބަބުން ލީގުގައި ކުރިއަށް ދާން ކޮންމެވެސް ވަރަކަށް އުންދަގޫ ވާނެ ކަމަށާއި އެހެންނަމަވެސް ކުރިއަށް އޮތްތަނުގައި މިއަށްވުރެ ގަދައަޅާ މަސައްކަތް ކުރާނެ ކަމަށް ސާންތި ވަނީ ބުނެފައެވެ.

ގްރީން ސްޓްރީޓްސް އަތުން ބަލިވެ އީގަލްސް ވަނީ ތާވަލުގެ 5 ވަނައަށް ވެއްޓިފަ އެވެ. އެޓީމުން މިފަހަރުގެ ލީގަށް ނިކުމެފައިވަނީ ގަދަ 4 ގައި ހިމެނިގެން ލީގު ނިންމާލުމަށް އަމާޒު ހިފައިގެންނެވެ.